Isaiah 55
HIER. Quia vas fictum contra Ecclesiam dixerat conterendum, et omnem linguam armatam contra scientiam Dei superandam, provocat credentes ad fluvium Dei, qui repletus est aquis. Audiendo, loquendo, legendo, meditando, operando, corde retinendo. Divina siquidem Scriptura, et potus est, aperta: et cibus, occulta. Ipsa etiam et aqua est et panis qui de coelo descendit. Pensatis sacra eloquia, sed non refectionem. Qui solam speciem litterae custoditis, de spirituali intelligentia pinguedinem internae refectionis amittitis. . Provocavit Judaeos ad credendum, sed quia sciebat illis non credentibus gentiles esse credituros, dicit se filium misisse qui praecepta ipsius populis nuntiaret. ID. Quando Pater dicitur, Pater Christi secundum divinitatem dicitur Pater gloriae: secundum humanitatem, Pater Domini nostri Jesu Christi. Haec pertinent ad Judaeos vel ad gentes specialiter, et ad unumquemque generaliter. Propheta ad Judaeos: quasi diceret: Gentes suscipiunt misericordias David, et vos dedignamini, sed agite poenitentiam, et convertimini dum tempus habetis. ID. Ne vestris vitiis recedat, qui appropinquat appropinquantibus sibi, et filio revertenti laetus occurrit. . Ne putetis difficile esse quod spondeo: considerate quod inter mea et vestra consilia multa sit differentia: et quanta naturae, tanta voluntatis diversitas. . ID. Alia similitudine ostendit quia multus est ad ignoscendum. Unde Salomon: hoc est, panem doctrinae tuae et gratiam spiritualem cunctis infunde, quia in novissimo praemia recipies Sed postquam meam impleverit voluntatem in terris, redibit et sedebit a dextris meis, secundum illud, etc. scilicet animae sanctorum quae pro varietate virtutum montes appellantur et colles. Saliuncula, aculeis et punctionibus plena. Abies, alta, procera, fabricandis domibus apta, pice fecunda. Alii. Et erit Dominus in nomen et in signum sempiternum quod non deficiet.
