Psa 101 | VulgJ | STEP | oratio pauperis cum anxius fuerit et coram Domino effuderit precem suam oratio pauperis quando sollicitus fuerit et coram Domino fuderit eloquium suum

‏ Psalms 101

1 oratio pauperis cum anxius fuerit et coram Domino effuderit precem suam ^va 2 Domine exaudi orationem meam et clamor meus ad te veniat ^va 3 non avertas faciem tuam a me in quacumque die tribulor inclina ad me aurem tuam in quacumque die invocavero te velociter exaudi me ^va 4 quia defecerunt sicut fumus dies mei et ossa mea sicut gremium aruerunt ^va 5 percussum est ut faenum et aruit cor meum quia oblitus sum comedere panem meum ^va 6 a voce gemitus mei adhesit os meum carni meae ^va 7 similis factus sum pelicano solitudinis factus sum sicut nycticorax in domicilio ^va 8 vigilavi et factus sum sicut passer solitarius in tecto ^va 9 tota die exprobrabant mihi inimici mei et qui laudabant me adversus me iurabant ^va 10 quia cinerem tamquam panem manducavi et poculum meum cum fletu miscebam ^va 11 a facie irae et indignationis tuae quia elevans adlisisti me ^va 12 dies mei sicut umbra declinaverunt et ego sicut faenum arui ^va 13 tu autem Domine in aeternum permanes et memoriale tuum in generationem et generationem ^va 14 tu exsurgens misereberis Sion quia tempus miserendi eius quia venit tempus ^va 15 quoniam placuerunt servis tuis lapides eius et terrae eius miserebuntur ^va 16 et timebunt gentes nomen Domini et omnes reges terrae gloriam tuam ^va 17 quia aedificabit Dominus Sion et videbitur in gloria sua ^va 18 respexit in orationem humilium et non sprevit precem eorum ^va 19 scribantur haec in generationem alteram et populus qui creabitur laudabit Dominum ^va 20 quia prospexit de excelso sancto suo Dominus de caelo in terram aspexit ^va 21 ut audiret gemitum conpeditorum ut solvat filios interemptorum ^va 22 ut adnuntiet in Sion nomen Domini et laudem suam in Hierusalem ^va 23 in conveniendo populos in unum et reges ut serviant Domino ^va 24 respondit ei in via virtutis suae paucitatem dierum meorum nuntia mihi ^va 25 ne revoces me in dimidio dierum meorum in generationem et generationem anni tui ^va 26 initio tu Domine terram fundasti et opera manuum tuarum sunt caeli ^va 27 ipsi peribunt tu autem permanes et omnes sicut vestimentum veterescent et sicut opertorium mutabis eos et mutabuntur ^va 28 tu autem idem ipse es et anni tui non deficient ^va 29 filii servorum tuorum habitabunt et semen eorum in saeculum dirigetur

^va