Psa 103 | VulgJ | STEP | ipsi David benedic anima mea Domino Domine Deus meus magnificatus es vehementer confessionem et decorem induisti benedic anima mea Domino Domine Deus meus magnificatus es nimis gloria et decore indutus es

‏ Psalms 103

1 ipsi David benedic anima mea Domino Domine Deus meus magnificatus es vehementer confessionem et decorem induisti ^va 2 amictus lumine sicut vestimento extendens caelum sicut pellem ^va 3 qui tegis in aquis superiora eius qui ponis nubem ascensum tuum qui ambulas super pinnas ventorum ^va 4 qui facis angelos tuos spiritus et ministros tuos ignem urentem ^va 5 qui fundasti terram super stabilitatem suam non inclinabitur in saeculum saeculi ^va 6 abyssus sicut vestimentum amictus eius super montes stabunt aquae ^va 7 ab increpatione tua fugient a voce tonitrui tui formidabunt ^va 8 ascendunt montes et descendunt campi in locum quem fundasti eis ^va 9 terminum posuisti quem non transgredientur neque convertentur operire terram ^va 10 qui emittis fontes in convallibus inter medium montium pertransibunt aquae ^va 11 potabunt omnes bestiae agri expectabunt onagri in siti sua ^va 12 super ea volucres caeli habitabunt de medio petrarum dabunt vocem ^va 13 rigans montes de superioribus suis de fructu operum tuorum satiabitur terra ^va 14 producens faenum iumentis et herbam servituti hominum ut educas panem de terra ^va 15 et vinum laetificat cor hominis ut exhilaret faciem in oleo et panis cor hominis confirmat ^va 16 saturabuntur ligna campi et cedri Libani quas plantavit ^va 17 illic passeres nidificabunt erodii domus dux est eorum ^va 18 montes excelsi cervis petra refugium erinaciis ^va 19 fecit lunam in tempora sol cognovit occasum suum ^va 20 posuisti tenebras et facta est nox in ipsa pertransibunt omnes bestiae silvae ^va 21 catuli leonum rugientes ut rapiant et quaerant a Deo escam sibi ^va 22 ortus est sol et congregati sunt et in cubilibus suis conlocabuntur ^va 23 exibit homo ad opus suum et ad operationem suam usque ad vesperum ^va 24 quam magnificata sunt opera tua Domine omnia in sapientia fecisti impleta est terra possessione tua ^va 25 hoc mare magnum et spatiosum *manibus; illic reptilia quorum non est numerus animalia pusilla cum magnis ^va 26 illic naves pertransibunt draco iste quem formasti ad inludendum ei ^va 27 omnia a te expectant ut des illis escam in tempore ^va 28 dante te illis colligent aperiente te manum tuam omnia implebuntur bonitate ^va 29 avertente autem te faciem turbabuntur auferes spiritum eorum et deficient et in pulverem suum revertentur ^va 30 emittes spiritum tuum et creabuntur et renovabis faciem terrae ^va 31 sit gloria Domini in saeculum laetabitur Dominus in operibus suis ^va 32 qui respicit terram et facit eam tremere qui tangit montes et fumigant ^va 33 cantabo Domino in vita mea psallam Deo meo quamdiu sum ^va 34 iucundum sit ei eloquium meum ego vero delectabor in Domino ^va 35 deficiant peccatores a terra et iniqui ita ut non sint benedic anima mea Domino

^va