‏ Psalms 104

1alleluia confitemini Domino et invocate nomen eius adnuntiate inter gentes opera eius ^va 2cantate ei et psallite ei narrate omnia mirabilia eius ^va 3laudamini in nomine sancto eius laetetur cor quaerentium Dominum ^va 4quaerite Dominum et confirmamini quaerite faciem eius semper ^va 5mementote mirabilium eius quae fecit prodigia eius et iudicia oris eius ^va 6semen Abraham servi eius filii Iacob electi eius ^va 7ipse Dominus Deus noster in universa terra iudicia eius ^va 8memor fuit in saeculum testamenti sui verbi quod mandavit in mille generationes ^va 9quod disposuit ad Abraham et iuramenti sui ad Isaac ^va 10et statuit illud Iacob in praeceptum et Israhel in testamentum aeternum ^va 11dicens tibi dabo terram Chanaan funiculum hereditatis vestrae ^va 12cum essent numero breves paucissimos et incolas eius ^va 13et pertransierunt de gente in gentem et de regno ad populum alterum ^va 14non reliquit hominem nocere eis et corripuit pro eis reges ^va 15nolite tangere christos meos et in prophetis meis nolite malignari ^va 16et vocavit famem super terram omne firmamentum panis contrivit ^va 17misit ante eos virum in servum venundatus est Ioseph ^va 18humiliaverunt in conpedibus pedes eius ferrum pertransiit anima eius ^va 19donec veniret verbum eius eloquium Domini inflammavit eum ^va 20misit rex et solvit eum princeps populorum et dimisit eum ^va 21constituit eum dominum domus suae et principem omnis possessionis suae ^va 22ut erudiret principes eius sicut semet ipsum et senes eius prudentiam doceret ^va 23et intravit Israhel in Aegyptum et Iacob accola fuit in terra Cham ^va 24et auxit populum eius vehementer et firmavit eum super inimicos eius ^va 25convertit cor eorum ut odirent populum eius ut dolum facerent in servos eius ^va 26misit Mosen servum suum Aaron quem elegit ipsum ^va 27posuit in eis verba signorum suorum et prodigiorum in terra Cham ^va 28misit tenebras et obscuravit et non exacerbavit sermones suos ^va 29convertit aquas eorum in sanguinem et occidit pisces eorum ^va 30dedit terra eorum ranas in penetrabilibus regum ipsorum ^va 31dixit et venit cynomia et scinifes in omnibus finibus eorum ^va 32posuit pluvias eorum grandinem ignem conburentem in terra ipsorum ^va 33et percussit vineas eorum et ficulneas eorum et contrivit lignum finium eorum ^va 34dixit et venit lucusta et bruchus cuius non erat numerus ^va 35et comedit omne faenum in terra eorum et comedit omnem fructum terrae eorum ^va 36et percussit omne primogenitum in terra eorum primitias omnis laboris eorum ^va 37et eduxit eos in argento et auro et non erat in tribubus eorum infirmus ^va 38laetata est Aegyptus in profectione eorum quia incubuit timor eorum super eos ^va 39expandit nubem in protectionem eorum et ignem ut luceret eis per noctem ^va 40petierunt et venit coturnix et panem caeli saturavit eos ^va 41disrupit petram et fluxerunt aquae abierunt in sicco flumina ^va 42quoniam memor fuit verbi sancti sui quod habuit ad Abraham puerum suum ^va 43et eduxit populum suum in exultatione et electos suos in laetitia ^va 44et dedit illis regiones gentium et labores populorum possederunt ^va 45ut custodiant iustificationes eius et legem eius requirant

^va