‏ Psalms 118

1alleluia aleph beati inmaculati in via qui ambulant in lege Domini ^va 2beati qui scrutantur testimonia eius in toto corde exquirent eum ^va 3non enim qui operantur iniquitatem in viis eius ambulaverunt ^va 4tu mandasti mandata tua custodire nimis ^va 5utinam dirigantur viae meae ad custodiendas iustificationes tuas ^va 6tunc non confundar cum perspexero in omnibus mandatis tuis ^va 7confitebor tibi in directione cordis in eo quod didici iudicia iustitiae tuae ^va 8iustificationes tuas custodiam non me derelinquas usquequaque ^va 9beth in quo corriget adulescentior viam suam in custodiendo sermones tuos ^va 10in toto corde meo exquisivi te non repellas me a mandatis tuis ^va 11in corde meo abscondi eloquia tua ut non peccem tibi ^va 12benedictus es Domine doce me iustificationes tuas ^va 13in labiis meis pronuntiavi omnia iudicia oris tui ^va 14in via testimoniorum tuorum delectatus sum sicut in omnibus divitiis ^va 15in mandatis tuis exercebor et considerabo vias tuas ^va 16in iustificationibus tuis meditabor non obliviscar sermones tuos ^va 17gimel retribue servo tuo vivifica me et custodiam sermones tuos ^va 18revela oculos meos et considerabo mirabilia de lege tua ^va 19incola ego sum in terra non abscondas a me mandata tua ^va 20concupivit anima mea desiderare iustificationes tuas in omni tempore ^va 21increpasti superbos maledicti qui declinant a mandatis tuis ^va 22aufer a me obprobrium et contemptum quia testimonia tua exquisivi ^va 23etenim sederunt principes et adversum me loquebantur servus autem tuus exercebatur in iustificationibus tuis ^va 24nam et testimonia tua meditatio mea et consilium meum iustificationes tuae ^va 25deleth adhesit pavimento anima mea vivifica me secundum verbum tuum ^va 26vias meas enuntiavi et exaudisti me doce me iustificationes tuas ^va 27viam iustificationum tuarum instrue me et exercebor in mirabilibus tuis ^va 28dormitavit anima mea prae taedio confirma me in verbis tuis ^va 29viam iniquitatis amove a me et lege tua miserere mei ^va 30viam veritatis elegi iudicia tua non sum oblitus ^va 31adhesi testimoniis tuis Domine noli me confundere ^va 32viam mandatorum tuorum cucurri cum dilatasti cor meum ^va 33he legem pone mihi Domine viam iustificationum tuarum et exquiram eam semper ^va 34da mihi intellectum et scrutabor legem tuam et custodiam illam in toto corde meo ^va 35deduc me in semita mandatorum tuorum quia ipsam volui ^va 36inclina cor meum in testimonia tua et non in avaritiam ^va 37averte oculos meos ne videant vanitatem in via tua vivifica me ^va 38statue servo tuo eloquium tuum in timore tuo ^va 39amputa obprobrium meum quod suspicatus sum quia iudicia tua iucunda ^va 40ecce concupivi mandata tua in aequitate tua vivifica me ^va 41vav et veniat super me misericordia tua Domine salutare tuum secundum eloquium tuum ^va 42et respondebo exprobrantibus mihi verbum quia speravi in sermonibus tuis ^va 43et ne auferas de ore meo verbum veritatis usquequaque quia in iudiciis tuis supersperavi ^va 44et custodiam legem tuam semper in saeculum et in saeculum saeculi ^va 45et ambulabam in latitudine quia mandata tua exquisivi ^va 46et loquebar in testimoniis tuis in conspectu regum et non confundebar ^va 47et meditabar in mandatis tuis quae dilexi ^va 48et levavi manus meas ad mandata quae dilexi et exercebar in iustificationibus tuis ^va 49zai memor esto verbi tui servo tuo in quo mihi spem dedisti ^va 50haec me consolata est in humilitate mea quia eloquium tuum vivificavit me ^va 51superbi inique agebant usquequaque a lege autem tua non declinavi ^va 52memor fui iudiciorum tuorum a saeculo Domine et consolatus sum ^va 53defectio tenuit me prae peccatoribus derelinquentibus legem tuam ^va 54cantabiles mihi erant iustificationes tuae in loco peregrinationis meae ^va 55memor fui in nocte nominis tui Domine et custodivi legem tuam ^va 56haec facta est mihi quia iustificationes tuas exquisivi ^va 57heth portio mea Dominus dixi custodire legem tuam ^va 58deprecatus sum faciem tuam in toto corde meo miserere mei secundum eloquium tuum ^va 59cogitavi vias meas et avertisti pedes meos in testimonia tua ^va 60paratus sum et non sum turbatus ut custodiam mandata tua ^va 61funes peccatorum circumplexi sunt me et legem tuam non sum oblitus ^va 62media nocte surgebam ad confitendum tibi super iudicia iustificationis tuae ^va 63particeps ego sum omnium timentium te et custodientium mandata tua ^va 64misericordia Domini plena est terra iustificationes tuas doce me ^va 65teth bonitatem fecisti cum servo tuo Domine secundum verbum tuum ^va 66bonitatem et disciplinam et scientiam doce me quia mandatis tuis credidi ^va 67priusquam humiliarer ego deliqui propterea eloquium tuum custodivi ^va 68bonus es tu et in bonitate tua doce me iustificationes tuas ^va 69multiplicata est super me iniquitas superborum ego autem in toto corde scrutabor mandata tua ^va 70coagulatum est sicut lac cor eorum ego vero legem tuam meditatus sum ^va 71bonum mihi quia humiliasti me ut discam iustificationes tuas ^va 72bonum mihi lex oris tui super milia auri et argenti ^va 73ioth manus tuae fecerunt me et plasmaverunt me da mihi intellectum et discam mandata tua ^va 74qui timent te videbunt me et laetabuntur quia in verba tua supersperavi ^va 75cognovi Domine quia aequitas iudicia tua et veritate humiliasti me ^va 76fiat misericordia tua ut consoletur me secundum eloquium tuum servo tuo ^va 77veniant mihi miserationes tuae et vivam quia lex tua meditatio mea est ^va 78confundantur superbi quia iniuste iniquitatem fecerunt in me ego autem exercebor in mandatis tuis ^va 79convertantur mihi timentes te et qui noverunt testimonia tua ^va 80fiat cor meum inmaculatum in iustificationibus tuis ut non confundar ^va 81caf defecit in salutare tuum anima mea in verbum tuum supersperavi ^va 82defecerunt oculi mei in eloquium tuum dicentes quando consolaberis me ^va 83quia factus sum sicut uter in pruina iustificationes tuas non sum oblitus ^va 84quot sunt dies servo tuo quando facies de persequentibus me iudicium ^va 85narraverunt mihi iniqui fabulationes sed non ut lex tua ^va 86omnia mandata tua veritas inique persecuti sunt me adiuva me ^va 87paulo minus consummaverunt me in terra ego autem non dereliqui mandata tua ^va 88secundum misericordiam tuam vivifica me et custodiam testimonia oris tui ^va 89lamed in aeternum Domine verbum tuum permanet in caelo ^va 90in generationem et generationem veritas tua fundasti terram et permanet ^va 91ordinatione tua perseverat dies quoniam omnia serviunt tibi ^va 92nisi quod lex tua meditatio mea est tunc forte perissem in humilitate mea ^va 93in aeternum non obliviscar iustificationes tuas quia in ipsis vivificasti me ^va 94tuus sum ego salvum me fac quoniam iustificationes tuas exquisivi ^va 95me expectaverunt peccatores ut perderent me testimonia tua intellexi ^va 96omni consummationi vidi finem latum mandatum tuum nimis ^va 97mem quomodo dilexi legem tuam tota die meditatio mea est ^va 98super inimicos meos prudentem me fecisti mandato tuo quia in aeternum mihi est ^va 99super omnes docentes me intellexi quia testimonia tua meditatio mea est ^va 100super senes intellexi quia mandata tua quaesivi ^va 101ab omni via mala prohibui pedes meos ut custodiam verba tua ^va 102a iudiciis tuis non declinavi quia tu legem posuisti mihi ^va 103quam dulcia faucibus meis eloquia tua super mel ori meo ^va 104a mandatis tuis intellexi propterea odivi omnem viam iniquitatis ^va 105nun lucerna pedibus meis verbum tuum et lumen semitis meis ^va 106iuravi et statui custodire iudicia iustitiae tuae ^va 107humiliatus sum usquequaque Domine vivifica me secundum verbum tuum ^va 108voluntaria oris mei beneplacita fac Domine et iudicia tua doce me ^va 109anima mea in manibus meis semper et legem tuam non sum oblitus ^va 110posuerunt peccatores laqueum mihi et de mandatis tuis non erravi ^va 111hereditate adquisivi testimonia tua in aeternum quia exultatio cordis mei sunt ^va 112inclinavi cor meum ad faciendas iustificationes tuas in aeternum propter retributionem ^va 113samech iniquos odio habui et legem tuam dilexi ^va 114adiutor meus et susceptor meus es tu in verbum tuum supersperavi ^va 115declinate a me maligni et scrutabor mandata Dei mei ^va 116suscipe me secundum eloquium tuum et vivam et non confundas me ab expectatione mea ^va 117adiuva me et salvus ero et meditabor in iustificationibus tuis semper ^va 118sprevisti omnes discedentes a iustitiis tuis quia iniusta cogitatio eorum ^va 119praevaricantes reputavi omnes peccatores terrae ideo dilexi testimonia tua ^va 120confige timore tuo carnes meas a iudiciis enim tuis timui ^va 121ain feci iudicium et iustitiam non tradas me calumniantibus me ^va 122suscipe servum tuum in bonum non calumnientur me superbi ^va 123oculi mei defecerunt in salutare tuum et in eloquium iustitiae tuae ^va 124fac cum servo tuo secundum misericordiam tuam et iustificationes tuas doce me ^va 125servus tuus sum ego da mihi intellectum et sciam testimonia tua ^va 126tempus faciendi Domino dissipaverunt legem tuam ^va 127ideo dilexi mandata tua super aurum et topazion ^va 128propterea ad omnia mandata tua dirigebar omnem viam iniquam odio habui ^va 129fe mirabilia testimonia tua ideo scrutata est ea anima mea ^va 130declaratio sermonum tuorum inluminat et intellectum dat parvulis ^va 131os meum aperui et adtraxi spiritum quia mandata tua desiderabam ^va 132aspice in me et miserere mei secundum iudicium diligentium nomen tuum ^va 133gressus meos dirige secundum eloquium tuum et non dominetur mei omnis iniustitia ^va 134redime me a calumniis hominum et custodiam mandata tua ^va 135faciem tuam inlumina super servum tuum et doce me iustificationes tuas ^va 136exitus aquarum deduxerunt oculi mei quia non custodierunt legem tuam ^va 137sade iustus es Domine et rectum iudicium tuum ^va 138mandasti iustitiam testimonia tua et veritatem tuam nimis ^va 139tabescere me fecit zelus meus quia obliti sunt verba tua inimici mei ^va 140ignitum eloquium tuum vehementer et servus tuus dilexit illud ^va 141adulescentulus sum ego et contemptus iustificationes tuas non sum oblitus ^va 142iustitia tua iustitia in aeternum et lex tua veritas ^va 143tribulatio et angustia invenerunt me mandata tua meditatio mea ^va 144aequitas testimonia tua in aeternum intellectum da mihi et vivam ^va 145cof clamavi in toto corde exaudi me Domine iustificationes tuas requiram ^va 146clamavi te salvum me fac et custodiam mandata tua ^va 147praeveni in maturitate et clamavi in verba tua supersperavi ^va 148praevenerunt oculi mei ad diluculum ut meditarer eloquia tua ^va 149vocem meam audi secundum misericordiam tuam Domine secundum iudicium tuum vivifica me ^va 150adpropinquaverunt persequentes me iniquitate a lege autem tua longe facti sunt ^va 151prope es tu Domine et omnes viae tuae veritas ^va 152initio cognovi de testimoniis tuis quia in aeternum fundasti ea ^va 153res vide humilitatem meam et eripe me quia legem tuam non sum oblitus ^va 154iudica iudicium meum et redime me propter eloquium tuum vivifica me ^va 155longe a peccatoribus salus quia iustificationes tuas non exquisierunt ^va 156misericordiae tuae multae Domine secundum iudicia tua vivifica me ^va 157multi qui persequuntur me et tribulant me a testimoniis tuis non declinavi ^va 158vidi praevaricantes et tabescebam quia eloquia tua non custodierunt ^va 159vide quoniam mandata tua dilexi Domine in misericordia tua vivifica me ^va 160principium verborum tuorum veritas et in aeternum omnia iudicia iustitiae tuae ^va 161sen principes persecuti sunt me gratis et a verbis tuis formidavit cor meum ^va 162laetabor ego super eloquia tua sicut qui invenit spolia multa ^va 163iniquitatem odio habui et abominatus sum legem autem tuam dilexi ^va 164septies in die laudem dixi tibi super iudicia iustitiae tuae ^va 165pax multa diligentibus legem tuam et non est illis scandalum ^va 166expectabam salutare tuum Domine et mandata tua dilexi ^va 167custodivit anima mea testimonia tua et dilexi ea vehementer ^va 168servavi mandata tua et testimonia tua quia omnes viae meae in conspectu tuo ^va 169thau adpropinquet deprecatio mea in conspectu tuo Domine iuxta eloquium tuum da mihi intellectum ^va 170intret postulatio mea in conspectu tuo secundum eloquium tuum eripe me ^va 171eructabunt labia mea hymnum cum docueris me iustificationes tuas ^va 172pronuntiabit lingua mea eloquium tuum quia omnia mandata tua aequitas ^va 173fiat manus tua ut salvet me quoniam mandata tua elegi ^va 174concupivi salutare tuum Domine et lex tua meditatio mea ^va 175vivet anima mea et laudabit te et iudicia tua adiuvabunt me ^va 176erravi sicut ovis quae periit quaere servum tuum quia mandata tua non sum oblitus

^va