Psa 135 | VulgJ | STEP | alleluia confitemini Domino quoniam bonus quoniam in aeternum misericordia eius confitemini Domino quoniam bonus quoniam in aeternum misericordia eius

‏ Psalms 135

1 alleluia confitemini Domino quoniam bonus quoniam in aeternum misericordia eius ^va 2 confitemini Deo deorum quoniam in aeternum misericordia eius ^va 3 confitemini Domino dominorum quoniam in aeternum misericordia eius ^va 4 qui facit mirabilia magna solus quoniam in aeternum misericordia eius ^va 5 qui fecit caelos in intellectu quoniam in aeternum misericordia eius ^va 6 qui firmavit terram super aquas quoniam in aeternum misericordia eius ^va 7 qui fecit luminaria magna quoniam in aeternum misericordia eius ^va 8 solem in potestatem diei quoniam in aeternum misericordia eius ^va 9 lunam et stellas in potestatem noctis quoniam in aeternum misericordia eius ^va 10 qui percussit Aegyptum cum primogenitis eorum quoniam in aeternum misericordia eius ^va 11 qui eduxit Israhel de medio eorum quoniam in aeternum misericordia eius ^va 12 in manu potenti et brachio excelso quoniam in aeternum misericordia eius ^va 13 qui divisit Rubrum mare in divisiones quoniam in aeternum misericordia eius ^va 14 et duxit Israhel per medium eius quoniam in aeternum misericordia eius ^va 15 et excussit Pharaonem et virtutem eius in mari Rubro quoniam in aeternum misericordia eius ^va 16 qui transduxit populum suum in deserto quoniam in aeternum misericordia eius ^va 17 qui percussit reges magnos quoniam in aeternum misericordia eius ^va 18 et occidit reges fortes quoniam in aeternum misericordia eius ^va 19 Seon regem Amorreorum quoniam in aeternum misericordia eius ^va 20 et Og regem Basan quoniam in aeternum misericordia eius ^va 21 et dedit terram eorum hereditatem quoniam in aeternum misericordia eius ^va 22 hereditatem Israhel servo suo quoniam in aeternum misericordia eius ^va 23 quia in humilitate nostra memor fuit nostri quoniam in aeternum misericordia eius ^va 24 et redemit nos ab inimicis nostris quoniam in aeternum misericordia eius ^va 25 qui dat escam omni carni quoniam in aeternum misericordia eius ^va 26 confitemini Deo caeli quoniam in aeternum misericordia eius ^va

27 confitemini Domino dominorum quoniam in aeternum misericordia eius