Psa 142 | VulgJ | STEP | psalmus David quando filius eum persequebatur Domine exaudi orationem meam auribus percipe obsecrationem meam in veritate tua exaudi me in tua iustitia canticum David Domine exaudi orationem meam ausculta deprecationem meam in veritate tua exaudi me in iustitia tua

‏ Psalms 142

1 psalmus David quando filius eum persequebatur Domine exaudi orationem meam auribus percipe obsecrationem meam in veritate tua exaudi me in tua iustitia ^va 2 et non intres in iudicio cum servo tuo quia non iustificabitur in conspectu tuo omnis vivens ^va 3 quia persecutus est inimicus animam meam humiliavit in terra vitam meam conlocavit me in obscuris sicut mortuos saeculi ^va 4 et anxiatus est super me spiritus meus in me turbatum est cor meum ^va 5 memor fui dierum antiquorum meditatus sum in omnibus operibus tuis in factis manuum tuarum meditabar ^va 6 expandi manus meas ad te anima mea sicut terra sine aqua tibi diapsalma ^va 7 velociter exaudi me Domine defecit spiritus meus non avertas faciem tuam a me et similis ero descendentibus in lacum ^va 8 auditam mihi fac mane misericordiam tuam quia in te speravi notam fac mihi viam in qua ambulem quia ad te levavi animam meam ^va 9 eripe me de inimicis meis Domine ad te confugi ^va 10 doce me facere voluntatem tuam quia Deus meus es tu spiritus tuus bonus deducet me in terra recta ^va 11 propter nomen tuum Domine vivificabis me in aequitate tua educes de tribulatione animam meam ^va 12 et in misericordia tua disperdes inimicos meos et perdes omnes qui tribulant animam meam quoniam ego servus tuus sum

^va