Psa 143 | VulgJ | STEP | David adversus Goliad benedictus Dominus Deus meus qui docet manus meas ad proelium digitos meos ad bellum David benedictus Dominus fortis meus qui docet manus meas ad proelium digitos meos ad bellum

‏ Psalms 143

1 David adversus Goliad benedictus Dominus Deus meus qui docet manus meas ad proelium digitos meos ad bellum ^va 2 misericordia mea et refugium meum susceptor meus et liberator meus protector meus et in eo speravi qui subdis populum meum sub me ^va 3 Domine quid est homo quia innotuisti ei aut filius hominis quia reputas eum ^va 4 homo vanitati similis factus est dies eius sicut umbra praetereunt ^va 5 Domine inclina caelos tuos et descende tange montes et fumigabunt ^va 6 fulgora coruscationem et dissipabis eos emitte sagittas tuas et conturbabis eos ^va 7 emitte manum tuam de alto eripe me et libera me de aquis multis de manu filiorum alienorum ^va 8 quorum os locutum est vanitatem et dextera eorum dextera iniquitatis ^va 9 Deus canticum novum cantabo tibi in psalterio decacordo psallam tibi ^va 10 qui das salutem regibus qui redimit David servum suum de gladio maligno ^va 11 eripe me et eripe me de manu filiorum alienigenarum quorum os locutum est vanitatem et dextera eorum dextera iniquitatis ^va 12 quorum filii sicut novella plantationis in iuventute sua filiae eorum conpositae circumornatae ut similitudo templi ^va 13 promptuaria eorum plena eructantia ex hoc in illud oves eorum fetosae abundantes in egressibus suis ^va 14 boves eorum crassi non est ruina maceriae neque transitus neque clamor in plateis eorum ^va 15 beatum dixerunt populum cui haec sunt beatus populus cuius Dominus Deus eius

^va