Psalms 18
1in finem psalmus David va 2caeli enarrant gloriam Dei et opera manuum eius adnuntiat firmamentum va 3dies diei eructat verbum et nox nocti indicat scientiam va 4non sunt loquellae neque sermones quorum non audiantur voces eorum va 5in omnem terram exivit sonus eorum et in fines orbis terrae verba eorum va 6in sole posuit tabernaculum suum et ipse tamquam sponsus procedens de thalamo suo exultavit ut gigans ad currendam viam suam va 7a summo caeli egressio eius et occursus eius usque ad summum eius nec est qui se abscondat a calore eius va 8lex Domini inmaculata convertens animas testimonium Domini fidele sapientiam praestans parvulis va 9iustitiae Domini rectae laetificantes corda praeceptum Domini lucidum inluminans oculos va 10timor Domini sanctus permanens in saeculum saeculi iudicia Domini vera iustificata in semet ipsa va 11desiderabilia super aurum et lapidem pretiosum multum et dulciora super mel et favum va 12etenim servus tuus custodit ea in custodiendis illis retributio multa va 13delicta quis intellegit ab occultis meis munda me va 14et ab alienis parce servo tuo si mei non fuerint dominati tunc inmaculatus ero et emundabor a delicto maximo va 15et erunt ut conplaceant eloquia oris mei et meditatio cordis mei in conspectu tuo semper Domine adiutor meus et redemptor meus va
Copyright information for
VulgJ