Psa 2 | VulgJ | STEP | psalmus David quare fremuerunt gentes et populi meditati sunt inania quare turbabuntur gentes et tribus meditabuntur inania

‏ Psalms 2

1 psalmus David quare fremuerunt gentes et populi meditati sunt inania ^va 2 adstiterunt reges terrae et principes convenerunt in unum adversus Dominum et adversus christum eius diapsalma ^va 3 disrumpamus vincula eorum et proiciamus a nobis iugum ipsorum ^va 4 qui habitat in caelis inridebit eos et Dominus subsannabit eos ^va 5 tunc loquetur ad eos in ira sua et in furore suo conturbabit eos ^va 6 ego autem constitutus sum rex ab eo super Sion montem sanctum eius praedicans praeceptum eius ^va 7 Dominus dixit ad me filius meus es tu ego hodie genui te ^va 8 postula a me et dabo tibi gentes hereditatem tuam et possessionem tuam terminos terrae ^va 9 reges eos in virga ferrea tamquam vas figuli confringes eos ^va 10 et nunc reges intellegite erudimini qui iudicatis terram ^va 11 servite Domino in timore et exultate ei in tremore ^va 12 adprehendite disciplinam nequando irascatur Dominus et pereatis de via iusta ^va 13 cum exarserit in brevi ira eius beati omnes qui confidunt in eo

^va