Psa 29 | VulgJ | STEP | psalmus cantici in dedicatione domus David psalmus cantici pro dedicatione domus David

‏ Psalms 29

1 psalmus cantici in dedicatione domus David ^va 2 exaltabo te Domine quoniam suscepisti me nec delectasti inimicos meos super me ^va 3 Domine Deus meus clamavi ad te et sanasti me ^va 4 Domine eduxisti ab inferno animam meam salvasti me a descendentibus in lacum ^va 5 psallite Domino sancti eius et confitemini memoriae sanctitatis eius ^va 6 quoniam ira in indignatione eius et vita in voluntate eius ad vesperum demorabitur fletus et ad matutinum laetitia ^va 7 ego autem dixi in abundantia mea non movebor in aeternum ^va 8 Domine in voluntate tua praestitisti decori meo virtutem avertisti faciem tuam et factus sum conturbatus ^va 9 ad te Domine clamabo et ad Deum meum deprecabor ^va 10 quae utilitas in sanguine meo dum descendo in corruptionem numquid confitebitur tibi pulvis aut adnuntiabit veritatem tuam ^va 11 audivit Dominus et misertus est mei Dominus factus est adiutor meus ^va 12 convertisti planctum meum in gaudium mihi conscidisti saccum meum et circumdedisti me laetitia ^va 13 ut cantet tibi gloria mea et non conpungar Domine Deus meus in aeternum confitebor tibi

^va