Psa 33 | VulgJ | STEP | David cum inmutavit vultum suum coram Abimelech et dimisit eum et abiit David quando commutavit os suum coram Abimelech et eiecit eum et abiit

‏ Psalms 33

1 David cum inmutavit vultum suum coram Abimelech et dimisit eum et abiit ^va 2 benedicam Dominum in omni tempore semper laus eius in ore meo ^va 3 in Domino laudabitur anima mea audiant mansueti et laetentur ^va 4 magnificate Dominum mecum et exaltemus nomen eius in id ipsum ^va 5 exquisivi Dominum et exaudivit me et ex omnibus tribulationibus meis eripuit me ^va 6 accedite ad eum et inluminamini et facies vestrae non confundentur ^va 7 iste pauper clamavit et Dominus exaudivit eum et de omnibus tribulationibus eius salvavit eum ^va 8 vallabit angelus Domini in circuitu timentium eum et eripiet eos ^va 9 gustate et videte quoniam suavis est Dominus beatus vir qui sperat in eo ^va 10 timete Dominum omnes sancti eius quoniam non est inopia timentibus eum ^va 11 divites eguerunt et esurierunt inquirentes autem Dominum non minuentur omni bono diapsalma ^va 12 venite filii audite me timorem Domini docebo vos ^va 13 quis est homo qui vult vitam cupit videre dies bonos ^va 14 prohibe linguam tuam a malo et labia tua ne loquantur dolum ^va 15 deverte a malo et fac bonum inquire pacem et persequere eam ^va 16 oculi Domini super iustos et aures eius in precem eorum ^va 17 facies Domini super facientes mala ut perdat de terra memoriam eorum ^va 18 clamaverunt iusti et Dominus exaudivit et ex omnibus tribulationibus eorum liberavit eos ^va 19 iuxta est Dominus his qui tribulato sunt corde et humiles spiritu salvabit ^va 20 multae tribulationes iustorum et de omnibus his liberavit eos ^va 21 Dominus custodit omnia ossa eorum unum ex his non conteretur ^va 22 mors peccatorum pessima et qui oderunt iustum delinquent ^va 23 redimet Dominus animas servorum suorum et non delinquent omnes qui sperant in eum

^va