Psalms 50
1in finem psalmus David va 2cum venit ad eum Nathan propheta quando intravit ad Bethsabee va 3miserere mei Deus secundum magnam misericordiam tuam et secundum multitudinem miserationum tuarum dele iniquitatem meam va 4amplius lava me ab iniquitate mea et a peccato meo munda me va 5quoniam iniquitatem meam ego cognosco et peccatum meum contra me est semper va 6tibi soli peccavi et malum coram te feci ut iustificeris in sermonibus tuis et vincas cum iudicaris va 7ecce enim in iniquitatibus conceptus sum et in peccatis concepit me mater mea va 8ecce enim veritatem dilexisti incerta et occulta sapientiae tuae manifestasti mihi va 9asparges me hysopo et mundabor lavabis me et super nivem dealbabor va 10auditui meo dabis gaudium et laetitiam exultabunt ossa humiliata va 11averte faciem tuam a peccatis meis et omnes iniquitates meas dele va 12cor mundum crea in me Deus et spiritum rectum innova in visceribus meis va 13ne proicias me a facie tua et spiritum sanctum tuum ne auferas a me va 14redde mihi laetitiam salutaris tui et spiritu principali confirma me va 15docebo iniquos vias tuas et impii ad te convertentur va 16libera me de sanguinibus Deus Deus salutis meae exultabit lingua mea iustitiam tuam va 17Domine labia mea aperies et os meum adnuntiabit laudem tuam va 18quoniam si voluisses sacrificium dedissem utique holocaustis non delectaberis va 19sacrificium Deo spiritus contribulatus cor contritum et humiliatum Deus non spernet va 20benigne fac Domine in bona voluntate tua Sion et aedificentur muri Hierusalem va 21tunc acceptabis sacrificium iustitiae oblationes et holocausta tunc inponent super altare tuum vitulos va
Copyright information for
VulgJ