Psa 55 | VulgJ | STEP | in finem pro populo qui a sanctis longe factus est David in tituli inscriptione cum tenuerunt eum Allophili in Geth victori pro columba muta eo quod procul abierit David humilis et simplex quando tenuerunt eum Palestini in Geth

‏ Psalms 55

1 in finem pro populo qui a sanctis longe factus est David in tituli inscriptione cum tenuerunt eum Allophili in Geth ^va 2 miserere mei Deus quoniam conculcavit me homo tota die inpugnans tribulavit me ^va 3 conculcaverunt me inimici mei tota die quoniam multi bellantes adversum me ^va 4 ab altitudine diei timebo ego vero in te sperabo ^va 5 in Deo laudabo sermones meos in Deo speravi non timebo quid faciat mihi caro ^va 6 tota die verba mea execrabantur adversum me omnia consilia eorum in malum ^va 7 inhabitabunt et abscondent ipsi calcaneum meum observabunt sicut sustinuerunt animam meam ^va 8 pro nihilo salvos facies illos in ira populos confringes Deus ^va 9 vitam meam adnuntiavi tibi posuisti lacrimas meas in conspectu tuo sicut et in promissione tua ^va 10 tunc convertentur inimici mei retrorsum in quacumque die invocavero te ecce cognovi quoniam Deus meus es ^va 11 in Deo laudabo verbum in Domino laudabo sermonem in Deo speravi non timebo quid faciat mihi homo ^va 12 in me sunt Deus vota *tua; quae reddam laudationes tibi ^va 13 quoniam eripuisti animam meam de morte et pedes meos de lapsu ut placeam coram Deo in lumine viventium

^va