Psa 58 | VulgJ | STEP | in finem ne disperdas David in tituli inscriptione quando misit Saul et custodivit domum eius ut interficeret eum victori ut non disperdas David humilem et simplicem quando misit Saul et custodierunt domum ut occiderent eum

‏ Psalms 58

1 in finem ne disperdas David in tituli inscriptione quando misit Saul et custodivit domum eius ut interficeret eum ^va 2 eripe me de inimicis meis Deus et ab insurgentibus in me libera me ^va 3 eripe me de operantibus iniquitatem et de viris sanguinum salva me ^va 4 quia ecce ceperunt animam meam inruerunt in me fortes ^va 5 neque iniquitas mea neque peccatum meum Domine sine iniquitate cucurri et direxi ^va 6 exsurge in occursum meum et vide et tu Domine Deus virtutum Deus Israhel intende ad visitandas omnes gentes non miserearis omnibus qui operantur iniquitatem diapsalma ^va 7 convertentur ad vesperam et famem patientur ut canes et circuibunt civitatem ^va 8 ecce loquentur in ore suo et gladius in labiis eorum quoniam quis audivit ^va 9 et tu Domine deridebis eos ad nihilum deduces omnes gentes ^va 10 fortitudinem meam ad te custodiam quia Deus susceptor meus ^va 11 Deus meus voluntas eius praeveniet me ^va 12 Deus ostendet mihi super inimicos meos ne occidas eos nequando obliviscantur populi mei disperge illos in virtute tua et depone eos protector meus Domine ^va 13 delictum oris eorum sermonem labiorum ipsorum et conprehendantur in superbia sua et de execratione et mendacio adnuntiabuntur ^va 14 in consummatione in ira consummationis et non erunt et scient quia Deus dominatur Iacob finium terrae diapsalma ^va 15 convertentur ad vesperam et famem patientur ut canes et circuibunt civitatem ^va 16 ipsi dispergentur ad manducandum si vero non fuerint saturati et murmurabunt ^va 17 ego autem cantabo fortitudinem tuam et exultabo mane misericordiam tuam quia factus es susceptor meus et refugium meum in die tribulationis meae ^va 18 adiutor meus tibi psallam quia Deus susceptor meus es Deus meus misericordia mea

^va