‏ Psalms 67

1in finem David psalmus cantici ^va 2exsurgat Deus et dissipentur inimici eius et fugiant qui oderunt eum a facie eius ^va 3sicut deficit fumus deficiant sicut fluit cera a facie ignis sic pereant peccatores a facie Dei ^va 4et iusti epulentur exultent in conspectu Dei delectentur in laetitia ^va 5cantate Deo psalmum dicite nomini eius iter facite ei qui ascendit super occasum Dominus nomen illi et exultate in conspectu eius turbabuntur a facie eius ^va 6patris orfanorum et iudicis viduarum Deus in loco sancto suo ^va 7Deus inhabitare facit unius moris in domo qui educit vinctos in fortitudine similiter eos qui exasperant qui habitant in sepulchris ^va 8Deus cum egredereris in conspectu populi tui cum pertransieris in deserto diapsalma ^va 9terra mota est etenim caeli distillaverunt a facie Dei Sinai a facie Dei Israhel ^va 10pluviam voluntariam segregabis Deus hereditati tuae et infirmata est tu vero perfecisti eam ^va 11animalia tua habitant in ea parasti in dulcedine tua pauperi Deus ^va 12Dominus dabit verbum evangelizantibus virtute multa ^va 13rex virtutum dilecti *dilecti; et speciei domus dividere spolia ^va 14si dormiatis inter medios cleros pinnae columbae deargentatae et posteriora dorsi eius in pallore auri ^va 15dum discernit Caelestis reges super eam nive dealbabuntur in Selmon ^va 16mons Dei mons pinguis mons coagulatus mons pinguis ^va 17ut quid suspicamini montes coagulatos mons in quo beneplacitum est Deo habitare in eo etenim Dominus habitabit in finem ^va 18currus Dei decem milibus multiplex milia laetantium Dominus in eis in Sina in sancto ^va 19ascendisti in altum cepisti captivitatem accepisti dona in hominibus etenim non credentes inhabitare Dominum Deus ^va 20benedictus Dominus die cotidie prosperum iter faciet nobis Deus salutarium nostrorum diapsalma ^va 21Deus noster Deus salvos faciendi et Domini Domini exitus mortis ^va 22verumtamen Deus confringet capita inimicorum suorum verticem capilli perambulantium in delictis suis ^va 23dixit Dominus ex Basan convertam convertam in profundis maris ^va 24ut intinguatur pes tuus in sanguine lingua canum tuorum ex inimicis ab ipso ^va 25viderunt ingressus tui Deus ingressus Dei mei regis mei qui est in sancto ^va 26praevenerunt principes coniuncti psallentibus in medio iuvencularum tympanistriarum ^va 27in ecclesiis benedicite Deum Dominum de fontibus Israhel ^va 28ibi Beniamin adulescentulus in mentis excessu principes Iuda duces eorum principes Zabulon principes Nepthali ^va 29manda Deus virtutem tuam confirma Deus hoc quod operatus es nobis ^va 30a templo tuo in Hierusalem tibi adferent reges munera ^va 31increpa feras harundinis congregatio taurorum in vaccis populorum ut excludant eos qui probati sunt argento dissipa gentes quae bella volunt ^va 32venient legati ex Aegypto Aethiopia praeveniet manus eius Deo ^va 33regna terrae cantate Deo psallite Domino diapsalma psallite Deo ^va 34qui ascendit super caelum caeli ad orientem ecce dabit voci suae vocem virtutis ^va 35date gloriam Deo super Israhel magnificentia eius et virtus eius in nubibus ^va 36mirabilis Deus in sanctis suis Deus Israhel ipse dabit virtutem et fortitudinem plebi suae benedictus Deus

^va