Psa 70 | VulgJ | STEP | David psalmus filiorum Ionadab et priorum captivorum in te Domine speravi non confundar in aeternum in te Domine speravi ne confundar in aeternum

‏ Psalms 70

1 David psalmus filiorum Ionadab et priorum captivorum in te Domine speravi non confundar in aeternum ^va 2 in iustitia tua libera me et eripe me inclina ad me aurem tuam et salva me ^va 3 esto mihi in Deum protectorem et in locum munitum ut salvum me facias quoniam firmamentum meum et refugium meum es tu ^va 4 Deus meus eripe me de manu peccatoris de manu contra legem agentis et iniqui ^va 5 quoniam tu es patientia mea Domine Domine spes mea a iuventute mea ^va 6 in te confirmatus sum ex utero de ventre matris meae tu es protector meus in te cantatio mea semper ^va 7 tamquam prodigium factus sum multis et tu adiutor fortis ^va 8 repleatur os meum laude ut cantem gloriam tuam tota die magnitudinem tuam ^va 9 non proicias me in tempore senectutis cum deficiet virtus mea ne derelinquas me ^va 10 quia dixerunt inimici mei mihi et qui custodiebant animam meam consilium fecerunt in unum ^va 11 dicentes Deus dereliquit eum persequimini et conprehendite eum quia non est qui eripiat ^va 12 Deus ne elongeris a me Deus meus in adiutorium meum respice ^va 13 confundantur et deficiant detrahentes animae meae operiantur confusione et pudore qui quaerunt mala mihi ^va 14 ego autem semper sperabo et adiciam super omnem laudem tuam ^va 15 os meum adnuntiabit iustitiam tuam tota die salutem tuam quoniam non cognovi litteraturam ^va 16 introibo in potentiam Domini Domine memorabor iustitiae tuae solius ^va 17 Deus docuisti me ex iuventute mea et usque nunc pronuntiabo mirabilia tua ^va 18 et usque in senectam et senium Deus ne derelinquas me donec adnuntiem brachium tuum generationi omni quae ventura est potentiam tuam ^va 19 et iustitiam tuam Deus usque in altissima quae fecisti magnalia Deus quis similis tibi ^va 20 quantas ostendisti mihi tribulationes multas et malas et conversus vivificasti me et de abyssis terrae iterum reduxisti me ^va 21 multiplicasti magnificentiam tuam et conversus consolatus es me ^va 22 nam et ego confitebor tibi in vasis psalmi veritatem tuam Deus psallam tibi in cithara Sanctus Israhel ^va 23 exultabunt labia mea cum cantavero tibi et anima mea quam redemisti ^va 24 sed et lingua mea tota die meditabitur iustitiam tuam cum confusi et reveriti fuerint qui quaerunt mala mihi

^va