Psa 72 | VulgJ | STEP | psalmus Asaph quam bonus Israhel Deus his qui recto sunt corde canticum Asaph attamen bonus est Israhel Deus his qui mundo sunt corde

‏ Psalms 72

1 psalmus Asaph quam bonus Israhel Deus his qui recto sunt corde ^va 2 mei autem paene moti sunt pedes paene effusi sunt gressus mei ^va 3 quia zelavi super iniquis pacem peccatorum videns ^va 4 quia non est respectus morti eorum et firmamentum in plaga eorum ^va 5 in labore hominum non sunt et cum hominibus non flagellabuntur ^va 6 ideo tenuit eos superbia operti sunt iniquitate et impietate sua ^va 7 prodiet quasi ex adipe iniquitas eorum transierunt in affectum cordis ^va 8 cogitaverunt et locuti sunt in nequitia iniquitatem in excelso locuti sunt ^va 9 posuerunt in caelum os suum et lingua eorum transivit in terra ^va 10 ideo convertetur populus meus hic et dies pleni invenientur in eis ^va 11 et dixerunt quomodo scit Deus et si est scientia in Excelso ^va 12 ecce ipsi peccatores et abundantes in saeculo obtinuerunt divitias ^va 13 et dixi ergo sine causa iustificavi cor meum et lavi inter innocentes manus meas ^va 14 et fui flagellatus tota die et castigatio mea in matutino ^va 15 si dicebam narrabo sic ecce nationem filiorum tuorum reprobavi ^va 16 et existimabam cognoscere hoc labor est ante me ^va 17 donec intrem in sanctuarium Dei intellegam in novissimis eorum ^va 18 verumtamen propter dolos posuisti eis deiecisti eos dum adlevarentur ^va 19 quomodo facti sunt in desolationem subito defecerunt perierunt propter iniquitatem suam ^va 20 velut somnium surgentium Domine in civitate tua imaginem ipsorum ad nihilum rediges ^va 21 quia inflammatum est cor meum et renes mei commutati sunt ^va 22 et ego ad nihilum redactus sum et nescivi ^va 23 ut iumentum factus sum apud te et ego semper tecum ^va 24 tenuisti manum dexteram meam et in voluntate tua deduxisti me et cum gloria suscepisti me ^va 25 quid enim mihi est in caelo et a te quid volui super terram ^va 26 defecit caro mea et cor meum Deus cordis mei et pars mea Deus in aeternum ^va 27 quia ecce qui elongant se a te peribunt perdidisti omnem qui fornicatur abs te ^va 28 mihi autem adherere Deo bonum est ponere in Domino Deo spem meam ut adnuntiem omnes praedicationes tuas in portis filiae Sion

^va