Psa 87 | VulgJ | STEP | canticum psalmi filiis Core in finem pro Maeleth ad respondendum intellectus Eman Ezraitae canticum carminis filiorum Core victori per chorum ad praecinendum eruditionis Eman Ezraitae

‏ Psalms 87

1 canticum psalmi filiis Core in finem pro Maeleth ad respondendum intellectus Eman Ezraitae ^va 2 Domine Deus salutis meae die clamavi et nocte coram te ^va 3 intret in conspectu tuo oratio mea inclina aurem tuam ad precem meam ^va 4 quia repleta est malis anima mea et vita mea in inferno adpropinquavit ^va 5 aestimatus sum cum descendentibus in lacum factus sum sicut homo sine adiutorio ^va 6 inter mortuos liber sicut vulnerati dormientes in sepulchris quorum non es memor amplius et ipsi de manu tua repulsi sunt ^va 7 posuerunt me in lacu inferiori in tenebrosis et in umbra mortis ^va 8 super me confirmatus est furor tuus et omnes fluctus tuos induxisti super me diapsalma ^va 9 longe fecisti notos meos a me posuerunt me abominationem sibi traditus sum et non egrediebar ^va 10 oculi mei languerunt prae inopia clamavi ad te Domine tota die expandi ad te manus meas ^va 11 numquid mortuis facies mirabilia aut medici suscitabunt et confitebuntur tibi diapsalma ^va 12 numquid narrabit aliquis in sepulchro misericordiam tuam et veritatem tuam in perditione ^va 13 numquid cognoscentur in tenebris mirabilia tua et iustitia tua in terra oblivionis ^va 14 et ego ad te Domine clamavi et mane oratio mea praeveniet te ^va 15 ut quid Domine repellis orationem meam avertis faciem tuam a me ^va 16 pauper sum ego et in laboribus a iuventute mea exaltatus autem humiliatus sum et conturbatus ^va 17 in me transierunt irae tuae et terrores tui conturbaverunt me ^va 18 circuierunt me sicut aqua tota die circumdederunt me simul ^va 19 elongasti a me amicum et proximum et notos meos a miseria

^va