‏ Psalms 88

1intellectus Aethan Ezraitae ^va 2misericordias Domini in aeternum cantabo in generationem et generationem adnuntiabo veritatem tuam in ore meo ^va 3quoniam dixisti in aeternum misericordia aedificabitur in caelis praeparabitur veritas tua *in eis; ^va 4disposui testamentum electis meis iuravi David servo meo ^va 5usque in aeternum praeparabo semen tuum et aedificabo in generationem et generationem sedem tuam diapsalma ^va 6confitebuntur caeli mirabilia tua Domine etenim veritatem tuam in ecclesia sanctorum ^va 7quoniam quis in nubibus aequabitur Domino similis erit Domino in filiis Dei ^va 8Deus qui glorificatur in consilio sanctorum magnus et horrendus super omnes qui in circuitu eius sunt ^va 9Domine Deus virtutum quis similis tibi potens es Domine et veritas tua in circuitu tuo ^va 10tu dominaris potestatis maris motum autem fluctuum eius tu mitigas ^va 11tu humiliasti sicut vulneratum superbum in brachio virtutis tuae dispersisti inimicos tuos ^va 12tui sunt caeli et tua est terra orbem terrae et plenitudinem eius tu fundasti ^va 13aquilonem et mare tu creasti Thabor et Hermon in nomine tuo exultabunt ^va 14tuum brachium cum potentia firmetur manus tua et exaltetur dextera tua ^va 15iustitia et iudicium praeparatio sedis tuae misericordia et veritas praecedent faciem tuam ^va 16beatus populus qui scit iubilationem Domine in lumine vultus tui ambulabunt ^va 17et in nomine tuo exultabunt tota die et in iustitia tua exaltabuntur ^va 18quoniam gloria virtutis eorum tu es et in beneplacito tuo exaltabitur cornu nostrum ^va 19quia Domini est adsumptio *nostra; et Sancti Israhel regis nostri ^va 20tunc locutus es in visione sanctis tuis et dixisti posui adiutorium in potentem exaltavi electum de plebe mea ^va 21inveni David servum meum in oleo sancto meo linui eum ^va 22manus enim mea auxiliabitur ei et brachium meum confirmabit eum ^va 23nihil proficiet inimicus in eo et filius iniquitatis non adponet nocere eum ^va 24et concidam a facie ipsius inimicos eius et odientes eum in fugam convertam ^va 25et veritas mea et misericordia mea cum ipso et in nomine meo exaltabitur cornu eius ^va 26et ponam in mari manum eius et in fluminibus dexteram eius ^va 27ipse invocabit me pater meus es tu Deus meus et susceptor salutis meae ^va 28et ego primogenitum ponam illum excelsum prae regibus terrae ^va 29in aeternum servabo illi misericordiam meam et testamentum meum fidele ipsi ^va 30et ponam in saeculum saeculi semen eius et thronum eius sicut dies caeli ^va 31si dereliquerint filii eius legem meam et in iudiciis meis non ambulaverint ^va 32si iustitias meas profanaverint et mandata mea non custodierint ^va 33visitabo in virga iniquitates eorum et in verberibus peccata eorum ^va 34misericordiam autem meam non dispergam ab eo neque nocebo in veritate mea ^va 35neque profanabo testamentum meum et quae procedunt de labiis meis non faciam irrita ^va 36semel iuravi in sancto meo si David mentiar ^va 37semen eius in aeternum manebit ^va 38et thronus eius sicut sol in conspectu meo et sicut luna perfecta in aeternum et testis in caelo fidelis diapsalma ^va 39tu vero reppulisti et despexisti distulisti christum tuum ^va 40evertisti testamentum servi tui profanasti in terram sanctuarium eius ^va 41destruxisti omnes sepes eius posuisti firmamenta eius formidinem ^va 42diripuerunt eum omnes transeuntes viam factus est obprobrium vicinis suis ^va 43exaltasti dexteram deprimentium eum laetificasti omnes inimicos eius ^va 44avertisti adiutorium gladii eius et non es auxiliatus ei in bello ^va 45destruxisti eum a mundatione sedem eius in terram conlisisti ^va 46minorasti dies temporis eius perfudisti eum confusione diapsalma ^va 47usquequo Domine avertis in finem exardescet sicut ignis ira tua ^va 48memorare quae mea substantia numquid enim vane constituisti omnes filios hominum ^va 49quis est homo qui vivet et non videbit mortem eruet animam suam de manu inferi diapsalma ^va 50ubi sunt misericordiae tuae antiquae Domine sicut iurasti David in veritate tua ^va 51memor esto Domine obprobrii servorum tuorum quod continui in sinu meo multarum gentium ^va 52quod exprobraverunt inimici tui Domine quod exprobraverunt commutationem christi tui ^va 53benedictus Dominus in aeternum fiat fiat

^va