Psa 91 | VulgJ | STEP | psalmus cantici in die sabbati psalmus cantici in die sabbati

‏ Psalms 91

1 psalmus cantici in die sabbati ^va 2 bonum est confiteri Domino et psallere nomini tuo Altissime ^va 3 ad adnuntiandum mane misericordiam tuam et veritatem tuam per noctem ^va 4 in decacordo psalterio cum cantico in cithara ^va 5 quia delectasti me Domine in factura tua et in operibus manuum tuarum exultabo ^va 6 quam magnificata sunt opera tua Domine nimis profundae factae sunt cogitationes tuae ^va 7 vir insipiens non cognoscet et stultus non intelleget haec ^va 8 cum exorti fuerint peccatores sicut faenum et apparuerint omnes qui operantur iniquitatem ut intereant in saeculum saeculi ^va 9 tu autem Altissimus in aeternum Domine ^va 10 *quoniam ecce inimici tui Domine; quoniam ecce inimici tui peribunt et dispergentur omnes qui operantur iniquitatem ^va 11 et exaltabitur sicut unicornis cornu meum et senectus mea in misericordia uberi ^va 12 et despexit oculus meus inimicis meis et insurgentibus in me malignantibus audiet auris mea ^va 13 iustus ut palma florebit ut cedrus Libani multiplicabitur ^va 14 plantati in domo Domini in atriis Dei nostri florebunt ^va 15 adhuc multiplicabuntur in senecta uberi et bene patientes erunt ^va 16 ut adnuntient quoniam rectus Dominus Deus noster et non est iniquitas in eo

^va