Psa 43 | VulgJ | STEP | in finem filiis Core ad intellectum pro victoria filiorum Core eruditionis

‏ Psalms 43

1 in finem filiis Core ad intellectum ^va 2 Deus auribus nostris audivimus patres nostri adnuntiaverunt nobis opus quod operatus es in diebus eorum in diebus antiquis ^va 3 manus tua gentes disperdit et plantasti eos adflixisti populos et expulisti eos ^va 4 nec enim in gladio suo possederunt terram et brachium eorum non salvavit eos sed dextera tua et brachium tuum et inluminatio faciei tuae quoniam conplacuisti in eis ^va 5 tu es ipse rex meus et Deus meus qui mandas salutes Iacob ^va 6 in te inimicos nostros ventilabimus cornu et in nomine tuo spernemus insurgentes in nobis ^va 7 non enim in arcu meo sperabo et gladius meus non salvabit me ^va 8 salvasti enim nos de adfligentibus nos et odientes nos confudisti ^va 9 in Deo laudabimur tota die et in nomine tuo confitebimur in saeculum diapsalma ^va 10 nunc autem reppulisti et confudisti nos et non egredieris in virtutibus nostris ^va 11 avertisti nos retrorsum post inimicos nostros et qui oderunt nos diripiebant sibi ^va 12 dedisti nos tamquam oves escarum et in gentibus dispersisti nos ^va 13 vendidisti populum tuum sine pretio et non fuit multitudo in commutationibus nostris ^va 14 posuisti nos obprobrium vicinis nostris subsannationem et derisum his qui in circuitu nostro ^va 15 posuisti nos in similitudinem gentibus commotionem capitis in populis ^va 16 tota die verecundia mea contra me est et confusio faciei meae cooperuit me ^va 17 a voce exprobrantis et obloquentis a facie inimici et persequentis ^va 18 haec omnia venerunt super nos nec obliti sumus te et inique non egimus in testamento tuo ^va 19 et non recessit retrorsum cor nostrum et declinasti semitas nostras a via tua ^va 20 quoniam humiliasti nos in loco adflictionis et cooperuit nos umbra mortis ^va 21 si obliti sumus nomen Dei nostri et si expandimus manus nostras ad deum alienum ^va 22 nonne Deus requiret ista ipse enim novit abscondita cordis quoniam propter te mortificamur omni die aestimati sumus sicut oves occisionis ^va 23 exsurge quare dormis Domine exsurge et ne repellas in finem ^va 24 quare faciem tuam avertis oblivisceris inopiae nostrae et tribulationis nostrae ^va 25 quoniam humiliata est in pulvere anima nostra conglutinatus est in terra venter noster ^va 26 exsurge adiuva nos et redime nos propter nomen tuum

^va