Psalms 56
1in finem ne disperdas David in tituli inscriptione cum fugeret a facie Saul in spelunca va 2miserere mei Deus miserere mei quoniam in te confidit anima mea et in umbra alarum tuarum sperabo donec transeat iniquitas va 3clamabo ad Deum altissimum Deum qui benefecit mihi va 4misit de caelo et liberavit me dedit in obprobrium conculcantes me diapsalma misit Deus misericordiam suam et veritatem suam va 5et eripuit animam meam de medio catulorum leonum dormivi conturbatus filii hominum dentes eorum arma et sagittae et lingua eorum gladius acutus va 6exaltare super caelos Deus et in omnem terram gloria tua va 7laqueum paraverunt pedibus meis et incurvaverunt animam meam foderunt ante faciem meam foveam et inciderunt in eam diapsalma va 8paratum cor meum Deus paratum cor meum cantabo et psalmum dicam va 9exsurge gloria mea exsurge psalterium et cithara exsurgam diluculo va 10confitebor tibi in populis Domine psalmum dicam tibi in gentibus va 11quoniam magnificata est usque ad caelos misericordia tua et usque ad nubes veritas tua va 12exaltare super caelos Deus et super omnem terram gloria tua va
Copyright information for
VulgJ