‏ Psalms 68

1in finem pro his qui commutabuntur David ^va 2salvum me fac Deus quoniam intraverunt aquae usque ad animam meam ^va 3infixus sum in limum profundi et non est substantia veni in altitudines maris et tempestas demersit me ^va 4laboravi clamans raucae factae sunt fauces meae defecerunt oculi mei dum spero in Deum meum ^va 5multiplicati sunt super capillos capitis mei qui oderunt me gratis confortati sunt qui persecuti sunt me inimici mei iniuste quae non rapui tunc exsolvebam ^va 6Deus tu scis insipientiam meam et delicta mea a te non sunt abscondita ^va 7non erubescant in me qui expectant te Domine Domine virtutum non confundantur super me qui quaerunt te Deus Israhel ^va 8quoniam propter te sustinui obprobrium operuit confusio faciem meam ^va 9extraneus factus sum fratribus meis et peregrinus filiis matris meae ^va 10quoniam zelus domus tuae comedit me et obprobria exprobrantium tibi ceciderunt super me ^va 11et operui in ieiunio animam meam et factum est in obprobrium mihi ^va 12et posui vestimentum meum cilicium et factus sum illis in parabolam ^va 13adversum me exercebantur qui sedebant in porta et in me psallebant qui bibebant vinum ^va 14ego vero orationem meam ad te Domine tempus beneplaciti Deus in multitudine misericordiae tuae exaudi me in veritate salutis tuae ^va 15eripe me de luto ut non infigar liberer ab his qui oderunt me et de profundis aquarum ^va 16non me demergat tempestas aquae neque absorbeat me profundum neque urgeat super me puteus os suum ^va 17exaudi me Domine quoniam benigna est misericordia tua secundum multitudinem miserationum tuarum respice me ^va 18et ne avertas faciem tuam a puero tuo quoniam tribulor velociter exaudi me ^va 19intende animae meae et libera eam propter inimicos meos eripe me ^va 20tu scis inproperium meum et confusionem et reverentiam meam ^va 21in conspectu tuo sunt omnes qui tribulant me inproperium expectavit cor meum et miseriam et sustinui qui simul contristaretur et non fuit et qui consolaretur et non inveni ^va 22et dederunt in escam meam fel et in siti mea potaverunt me aceto ^va 23fiat mensa eorum coram ipsis in laqueum et in retributiones et in scandalum ^va 24obscurentur oculi eorum ne videant et dorsum eorum semper incurva ^va 25effunde super eos iram tuam et furor irae tuae conprehendat eos ^va 26fiat habitatio eorum deserta et in tabernaculis eorum non sit qui inhabitet ^va 27quoniam quem tu percussisti persecuti sunt et super dolorem vulnerum meorum addiderunt ^va 28adpone iniquitatem super iniquitatem eorum et non intrent in iustitia tua ^va 29deleantur de libro viventium et cum iustis non scribantur ^va 30ego sum pauper et dolens salus tua Deus suscepit me ^va 31laudabo nomen Dei cum cantico magnificabo eum in laude ^va 32et placebit Deo super vitulum novellum cornua producentem et ungulas ^va 33videant pauperes et laetentur quaerite Deum et vivet anima vestra ^va 34quoniam exaudivit pauperes Dominus et vinctos suos non despexit ^va 35laudent illum caeli et terra mare et omnia reptilia in eis ^va 36quoniam Deus salvam faciet Sion et aedificabuntur civitates Iudaeae et inhabitabunt ibi et hereditate adquirent eam ^va 37et semen servorum eius possidebunt eam et qui diligunt nomen eius habitabunt in ea

^va