Psa 15 | Vulgate_HebPs | STEP | humilis et simplicis David custodi me Deus quoniam speravi in te

‏ Psalms 15

1 humilis et simplicis David custodi me Deus quoniam speravi in te 2 dicens Deo Dominus meus es tu bene mihi non est sine te 3 sanctis qui in terra sunt et magnificis omnis voluntas mea in eis 4 multiplicabuntur idola eorum post tergum sequentium non litabo libamina eorum de sanguine neque adsumam nomina eorum in labiis meis 5 Dominus pars hereditatis meae et calicis mei tu possessor sortis meae [ (Psalms 15:6) lineae ceciderunt mihi in pulcherrimis et hereditas speciosissima mea est ] [ (Psalms 15:7) benedicam Domino qui dedit consilium mihi insuper et noctibus erudierunt me renes mei ] [ (Psalms 15:8) proponebam in conspectu meo semper quia a dextris meis est ne commovear ] [ (Psalms 15:9) propterea laetatum est cor meum et exultavit gloria mea et caro mea habitavit confidenter ] [ (Psalms 15:10) non enim derelinques animam meam in inferno nec dabis sanctum tuum videre corruptionem ostendes mihi semitam vitae plenitudinem laetitiarum ante vultum tuum decores in dextera tua aeternos ]