Psa 70 | Vulgate_HebPs | STEP | in te Domine speravi ne confundar in aeternum

‏ Psalms 70

1 in te Domine speravi ne confundar in aeternum 2 iustitia tua erue me et libera inclina ad me aurem tuam et salva me 3 esto mihi robustum habitaculum ut ingrediar iugiter praecepisti ut salvares me quia petra mea et fortitudo mea es tu 4 Deus meus salva me de manu impii de manu iniqui et nocentis 5 quia tu es expectatio mea Deus Domine fiducia mea ab adulescentia mea [ (Psalms 70:6) a te sustentatus sum ex utero de ventre matris meae tu es protector meus in te laus mea semper ] [ (Psalms 70:7) quasi portentum factus sum multis et tu spes mea fortissima ] [ (Psalms 70:8) impleatur os meum laude tua tota die magnitudine tua ] [ (Psalms 70:9) ne proicias me in tempore senectutis cum defecerit fortitudo mea ne derelinquas me ] [ (Psalms 70:10) quia dixerunt inimici mei mihi et qui observabant animam meam inierunt consilium pariter ] [ (Psalms 70:11) dicentes Deus dereliquit eum persequimini et conprehendite eum quia non est qui eruat ] [ (Psalms 70:12) Deus ne elongeris a me Deus meus ad auxiliandum mihi festina ] [ (Psalms 70:13) confundantur et consumantur adversarii animae meae operiantur obprobrio et confusione qui quaerunt malum mihi ] [ (Psalms 70:14) ego autem iugiter expectabo et adiciam super omnes laudationes tuas ] [ (Psalms 70:15) os meum narrabit iustitiam tuam tota die salutare tuum quia non cognovi litteraturas ] [ (Psalms 70:16) ingrediar in fortitudine Domini Dei recordabor iustitiae tuae solius ] [ (Psalms 70:17) Deus docuisti me ab adulescentia mea et usque nunc adnuntiabo mirabilia tua ] [ (Psalms 70:18) insuper et usque ad senectutem et canos Deus ne derelinquas me donec adnuntiem brachium tuum generationi cunctisque qui venturi sunt fortitudines tuas ] [ (Psalms 70:19) et iustitiam tuam Deus usque in excelsum quanta fecisti magnalia Deus quis similis tibi ] [ (Psalms 70:20) qui ostendisti mihi tribulationes plurimas et adflictiones conversus vivificabis nos et de abyssis terrae rursum educes nos ] [ (Psalms 70:21) multiplicabis magnitudinem meam et conversus consolaberis me ] [ (Psalms 70:22) ego autem confitebor tibi in vasis psalterii veritatem tuam Deus meus cantabo tibi in cithara Sancte Israhel ] [ (Psalms 70:23) laudabunt labia mea cum cantavero tibi et anima mea quam redemisti ] [ (Psalms 70:24) insuper et lingua mea tota die meditabitur iustitiam tuam quia confusi sunt et dehonestati quaerentes malum mihi ]