1 Chronicles 2

Yakubdi deiamu neng cap, erdi deipu ngebo Yehudadi deiamupa, dadeipdanen yakarami nesala tep, pepu upu

1– 2Israelda sal nyapuda, dua belas neng (12) deiamu. Aneng sun sida ake. Ada, Ruben cap, Simeon cap, Lewi cap, Yehuda cap, Isakar cap, Zebulon cap, Dan cap, Yusuf cap, Benjamin cap, Naftali cap, Gad cap, tonda Asyer cap, sun ukuprap neng 12 deiamu. 3Yehudadi sal nyapuda, weneri deiamu. Ada, Yehudadi Kanaan mutu ner, er sida Batsyua dopudi deiamu nyapuda ake. Ada, Ere cap, Onan cap, tonda Sela cap deiamu. Dinin, Yehuda er mi du ngebo, er sida Ere, angebodi pio mali kun keca weik kupupa, Allahdi angebo er si Ereda, poptapu. 4Tonda, Yehudadi er basi ner Tamar dopudi, nyapu butene deipu. Anyapu sun sida ake. Ada, Peres cap, Zerah cap deipupa, dakuramrei. Ange tep nengeda, Yehuda er sal nyapuda pamubari deiamu.

5Yehuda erdi deipu ngebo Peresda, sal nyapu butene ton deipu. Sun sida ake. Ada, Hezron cap, tonda Hamul cap, deiamupa kuramrei. 6Tonda, Yehuda er mi Zerahdi sal nyapuda, pamubari deiamu. Sun sida ake. Ada, Zimri cap, Etan cap, Heman cap, Kalkol cap, tonda Dara cap deiamu. Erdi deiamu sal nyapuda, pamubari kurami. 7Tonda, Zerahdi tenpu ngebo ton deipu mi er sida, Karmi deiamupa, er dingeda, Akhan deipu. Sun adeipdanen yai neng neitamaida, Akhan kuramu. Angebo Akhandi, Allah tep ketenepra kareryakarami keca, Allah er mawa keca kwamu dinin, Akhandi akeca upula dopropka deiki di, mali kuramupa, Allahdi Israel nesala, sun damai ila kange mun keca kareamupa, ikin weik kurami. 8Etandi sal mi ton deiamu. Er sida, Azyarya pemu.

9Peres erdi deipu ngebo Hezronda, sal nyapu weneri deiamu. Aneng sun sida ake. Ada, Yerameel cap, Ram cap, Khelubai cap, kurami. 10Hezron er mi Ramdi gonga kepra, Aminadab deipu. Aminadabdi deipu ngebo, er sida Nahason. Nahasonda, Yehudadi deiamu nesala yuma, sun deiyo ngebo kuramudi upu peramu. 11Uda, Nahasondi er mi Salma depupa kuramu. Dakuramnganen, amenda taruda, Salmadi Boas deipu. 12Boasdi, Obed deipu. Deipupa dakuramnganen, Obeddi, Isai deipu. 13– 14– 15Isaida, sal nyapu yoneitam bari neng deiamu. Sun sida ake. Ada, menmena deiamu ngebo, er sida Eliab, butene ngebo er sida, Abinadab, weneri ngebo er sida, Simei, dumbari ngebo er sida, Netaniel, pamubari ngebo er sida, Radai, ngangtan bari ngebo er sida, Osem, yoneitam bari ngebo er sida, Daud deipu. Atep, ukuprap neng deiamu. 16Isai er ner nyapu ton deiamu. Arup sekmapu neng, sun mal nerapuda, butene deiamu. Anerapu sun sida ake. Ada, Zeruya cap, Abigail cap deiamu. Cadi, tenpu ner Zeruyada, sal nyapu weneri deiamu. Aweneri neng sun sida ake. Ada, Abisai cap, Yoab cap, tonda Asael cap, deiamu.

17Isaidi deiamu ner mi, er sida Abigail, erda Ismaeldi deiamu ngebo Yeter domu. Dopdarei dingeda, sundi sal mi tenpu ton deiamrei. Ami er sida, Amasa pepra, si pemrei.

Hezrondi deipupa, deipdanen yakarami nesala tep, seki upu

18Hezron er mi Kalebda, Azuba domu. Dopu dingeda, sun butenedi, sal nyapu weneri deiprei. Aneng sun sida ake. Ada, Yezer cap, Sobab cap, Ardon cap deiprei. Tonda, tenpu ner ton er sida, Yeriot dopu. 19Uda, Kaleb er ner Azuba konum depu pangeda, Kalebdi ner tenpu ton, er si Efrat dopu. Kalebdi aner dopu dingeda, sal mi ton deipu. Angebo er sida, Hur pepu. 20Hur deipupa, dakuramnganen, amenda taruda, Hurdi sal mi tenpu ton deipu. Adeipu mi er sida, Uri pepu. Amenda taruda, Ur peda sal mi tenpu deipu. Ami er sida, Bezaleel pepu.

21Hezronda, dakuramnganen, konum enam puluh tahun (60) kepu taruda, er ka ner Makhirpu dopra dopu. Makhir er nai boda, Gilead mutu ngebo kuramu. Aner Makhir konum dopkupda, sun sal mi tenpu ton deiprei. Ami er sida, Zegub peprei. 22Zegubda, sal mi tenpu ton deipu. Ami er sida, Yair pepu. Yairda, Gilead mutu neitamaida, yambul mutu ati arum, dua puluh tiga (23) ati kurami neng ton taleamu. 23Dinino, Gezur mutu taleamu ngebo cap, Aram mutu taleamu ngebo cap, sun butene neng cap, sun jen talena neng cap yaidi, Gilead mutu neitamai kwamu mutu, Yairdi taleamu mutu neitamaida, yambul-yambul ati arum doramengaida, enam puluh (60) kampung ton yana, bisbisa kaprapidi, amutu yuma dalupra dopropi.

Ada, Hawot-Yair mutu cap, tonda Kenat mutu cap, tonda amutu damai yuk-yuk yambul ati arum 60 doraminge cap yumada, yana dalupra dopropi. Sun amutu ati arum dopra kurami nesalada, Gileaddi deiamu ngebo Makhir, erdi deiamupa, dadeipdanen yakarami nesalapu, amutu neitamaida kurami.

24Ezrondi domu nerda, er si Abija mundu douamu. Ukupra dakuramnganen, amenda taruda, Ezronda mutu si Kaleb-Efrata neitamai depu. Konum depkopda, er mi Kalebdi, er nai bodi menop domu ner, er si Efratada, solu dakra dopu. Efratadi, tenpu mi deipudi, er sida, Asyur peprei. Amenda taruda, Asyurdi Tekoa deipu.

Yerameeldi deipupa, dadeipdanen yakarami nesala tep, sekeipi upu

25Ezron er menmena di deipu mi, du ngebo er sida, Yerahmeel deiamu. Yerahmeel dakuramnganen, amenda taruda, erdi sal nyapu pamubari ton deipu. Du ngebo er sida Ram, adinin butene ngebo er sida, Buna. Adingeda, Orem cap, Ozem cap, tonda Ahia cap, deiamupa kurami. 26Yerameeldi, yuk ner er si, Atera dopra dopu dingeda, sal mi tenpu ton deiprei. Adeiprei mi er sida, Onam peprei. 27Yerameeldi menmena deipu ngebo Ramdi, sal nyapu weneri ton deiamu. Aneng sun sida ake. Ada, Maas cap, Yaamin cap, Eker cap deiamu.

28Yerahmeel er mi Onamdi sal nyapu butene ton deiamu. Anyapu sun sida ake. Ada, Samai cap, Yada cap, peprei. Samai peda, sal nyapu butene deipu, anyapu sun sida, Nadab cap, Abisur cap, pepra deiprei. 29Samai er deipu ngebo Abisurdi, tenpu ner er si Abigail dopu. Dopu pangeda, sundi sal nyapu butene deiprei. Anyapu sun sida ake. Ada, Aban cap, Molib cap deiprei. 30Samai er deipu ngebo Nadabdi, sal nyapu ton butene deipu. Anyapu sun sida ake. Ada, Selet cap, Apahim cap peprei. Dinino, Seletda dakuramnganen, nyapu ton pio men deipu dipapu depu. 31Dinino, Nadab erdi deipu ngebo Apahimdi, sal mi tenpu deipu. Er sida, Yisei kuramu. Yiseidi er mi tenpu, Sesan deipu. Dakuramnganen, amenda taruda, Sesandi er mi Alai deipu. 32Samai er kabo Yada, erda sal nyapu butene di deiamu. Aneng sun sida, Yeter cap, Yonatan cap pepra deiamu. Dinin, Yeterda, sal nyapu ton, men deipu dipapu depu.

33Yada erdi deipu ngebo Yonatan peda, sal nyapu butene di deiamu. Sun sida Pelet cap, Zesa cap, pepra si sipemu. Sun arup sekmepu neng yumada, Yerameeldi deiamupa, dadeipdanen yakarami neng kurami. 34Yiseidi deipu ngebo Sesanda, sal nyapu ton pio men deiamu. Erda ner nyapupu deiamu dinin, Sesan er ati pel melimna ngebo Yarah, erda Mesir mutu ngebo tenpu kuramu. 35Atep, Sesan er ner mi tenpu ton dopra, er ati pel dona ngebo Yarah karepupa dopu. Dopdareidi, sundi sal mi tenpu deiprei. Adeiprei mi er sida, Atai peprei. 36Amenda taruda, Ataidi tenpu mi er si Natan deipu. Amenda taruda, Natandi er mi Zabad deipu. 37Zabaddi Eflat deipu. Eflatdi Obed deipu. 38Obeddi Yehu deipu. Yehudi Azarya deipu. 39Azaryadi Heles deipu. Helesdi Elasa deipu. 40Elasadi Salum deipu. Salumdi Yekamnya deipu. 41Yekamnyadi Elisama deipu.

Kalebdi deipupa, dadeipdanen yakarami nesala tep, sekeipi upu

42Yerahmeel er weit bo sisa, Kalebdi deiamu mi er sida, Mesa pemu. Mesada, Kaleb er mi du ngebo deiamu. Mesadi er mi Zif deipka cadi, Zif er nai boda, Mesa kuramu. Zif dingeda, er mi Meresa deipka cadi, Meresa er nai boda, Zif kuramu. Amenda taruda, Meresadi er mi Hebron deipka cadi, Hebron er nai boda, Meresa kuramu.

43Hebron nepbaramnganen, amenda taruda erdi sal nyapuda, dumbari di deiamu. Anyapu sun sida ake. Ada, Korah cap, Tapuah cap, Rekem cap, tonda Shema cap deiamu. 44Shema nepbaramnganen, amenda taruda, er sal mi Raham deipka cadi, Raham er nai boda, Shema kuramu. Rahamdi deiamu mida, Yorekeam pemu. Shema er du boda, Rekem kuramu. Rekemdi Shamai deipu. 45Maon er nai boda, Shamai kuramu. Bet-Zur er nai boda, Maon kuramu.

46Kalebda, tarumne ner ton dopra dopu. Aner er sida Efa. Aner cap dopdarei dingeda, sal nyapu weneri deiprei. Anyapu sun sida ake. Ada, Haran cap, Moza cap, tonda Gases cap deipreipa kurami. Harandi sal mi tenpu ton deipu. Ami peda, er si Gases pepu. 47Yodaidi sal nyapuda, ngangtan bari deipu. Aneng sun sida ake. Ada, Regem cap, Yotam cap, Gesan cap, Pelet cap, Efa cap, tonda Saaf cap, pepra deipu. 48Kalepda, kange di yuk ner ton, tarupra dopu. Aner er sida, Maakha kuramu. Aner cap dopdarei dingeda, sal nyapu butene ton deiprei. Aneng sun sida ake. Ada, ton ngebo Seber peprei. Ton ngeboda, Tirhana peprei. 49Kaleb er ner Maakhadi, sal nyapu yuk ton butene deipu. Aneng sida ake. Ada, Saaf cap, Sewa cap peprei. Saafdi gonga kepra, er mi Madmana deipu. Tonda, Sewadi gonga kepra Makbena cap, tonda Gibea cap deipu. Tonda, Kalebdi, ner mi ton deipu. Aner er sida Akhsa pepu.

50Tonda, Kalebdi deipupa, dadeipdanen yakarami neng ton ake. Kaleb er dipapu tenpu ner ton dopra dopu. Aner sida, Efrata. Efratadi menmena deiamu mi, er sida, Hur kuramu. Hurdi deiamu nyapuda, weneri kurami. Sun sida ake. Hur er mida Syobal cap, Salma cap, Haref cap deiamu. Uda, Syobaldi gonga keap, Kiryat-Yearim mutu ati arum doramu. 51Kaleb er mi butene ngebo er sida, Salma kuramu. Salmadi deiyo kepra, Betlehem mutu ati arum doramu. Tonda, er mi weneri ngebo, er sida Haref kuramu. Erdi deiyo kepra, Bet-Gader mutu ati arum doramu. 52Tonda, Syobaldi gonga keap, Kiryat-Yearim mutu ati arum domu. Syobaldi deipupa, dadeipdanen yakarami neng ton, Haroe cap, tonda Menukot yala nesala, sun co puna ngebo kuramu.

53Tonda, Kiryat-Yearim mutu kurami nesala, sun yala neng, sun co puna ngeboda, Syobal kuramu. Erda, Yetri yala kurami nesala, sun co puna ngebo kuramu. Tonda, Puti yala kurami nesala cap, Sumati yala nesala cap, Misrai kurami nesala cap, ayala-ayala nesala peda, sun co puna ngebo kuramu. Tonda, Zora yala kurami nesala cap, Esytaol yala kurami nesala cap, sun co puna ngeboda, Misrai kuramu. 54Betlehem mutu gonga kepra, ati arum domu ngebo Salmada, Netofa yala neng cap, Atorot yala neng cap, Bet-Yoab yala neng cap, tonda Zori yala nesala cap, Manati yala nesala cap, sun neitamai di wilipra kurami nesala cap, ayala-ayala nesalada, sun co puna ngebo kuramu. 55Tirati yala neng cap, Simati yala neng cap, Sukati yala neng cap, sunda, Yabes mutu ati arum dopra kurami. Amutu kurami nengda, mambul surat sengna cap, yuk nengdi sekmange surat sekra dorona capda, ila di kael keami neng kurami. Sun aneng-aneng yumada, Keni mutu nengdi deipipa, dadeipdanen yakarami nesala kurami. Sun Keni mutu nengdi, Rekhab mutu nerapu dopra, yana kurami. Keni yala nesalada, sun co puna ngeboda, Hamat kuramu.