1Ch 3 | XteSC | STEP | Raja Daud Hebron mutu kuramu taru di, menmena deiamu sal mi er sida, Amnon kuramu. Ada, Dauddi Yizreel mutu ner, er si Ahinoam dopu dingeda, sundi Amnon deiprei. Tonda, Dauddi deiamu mi ton, er si Daniel, er ninda Karmel mutu ner er si Abigail. Dauddi aner Abigail dopudi Daniel deiprei.

1 Chronicles 3

Raja Dauddi deiamu nyapu tep, pepu upu

1 Raja Daud Hebron mutu kuramu taru di, menmena deiamu sal mi er sida, Amnon kuramu. Ada, Dauddi Yizreel mutu ner, er si Ahinoam dopu dingeda, sundi Amnon deiprei. Tonda, Dauddi deiamu mi ton, er si Daniel, er ninda Karmel mutu ner er si Abigail. Dauddi aner Abigail dopudi Daniel deiprei. 2 Tonda, Dauddi, Gesur mutu Raja kepra taleamu ngebo Talmai, er ner mi er sida, Maakha dopu dingeda, sal mi ton er sida Absalom deiprei. Adinin, amenda taruda, dumbari deipu mi, er sida Adonia. Ada Dauddi yuk ner ton er si Hagit dopu dingeda, Adonia deiprei. 3 Adinin amenda taruda, pamubari deipu mi, er sida Sefaca. Ada, Dauddi yuk ner ton, er si Abital dopu dingeda, ami Sefaca deiprei. Amenda taruda, ngantan bari deipu mi, er sida Yitream. Ada, Dauddi yuk ner ton, er si Egla dopu dingeda, ami Yitram deiprei.

4 Atep nengeda, Daud er nyapu ngangtan bari nengda, Hebron mutu kuramu taru di deiamu. Daud Hebron mutu kuramu di, nimi deiyo ngebo kepra taleamu keteng tamunda, lima setengah tahun deiki di amutu talepra kuramu. Tonda, Dauddi nimi deiyo ngebo kepra, Yerusalem mutu taleamu keteng tamun yumada, tiga puluh tiga (33) tahun deiki di amutu talepra kuramu. 5 Daudda, Yerusalem mutu kuramu taru di, sal nyapuda weik deiamu. Ataruda, Dauddi Amiel er ner mi Batsyeba dopropudi dopu. Aner dopu dingeda, sal nyapu dumbari deiamu. Aneng sida, Simea cap, Sobab cap, Natan cap, tonda Salomo cap deipu. 6 – 7 – 8 Tonda, Raja Daud kuramu taru neitamai di, yuk sal nyapu weikanun ton, topnebari nyapu deiamu. Aneng sun sida, ake. Ada, Yibhar cap, Elisua cap, Elefelet cap, Nogah cap, Nefeg cap, Yafia cap, Elisama cap, Elyada cap, tonda Elefelet cap, deiamu.

9 Aca deiki tara sekmapu neng yumada, Dauddi deiamu. Sun anengpu men deiamu dinin, Dauddi, yuk nerapu ton domudi nyapu ton deiamu. Anerapuda, Dauddi tek sisi pio dona gum nerapu dinin, tali keana utopu nerapudi, sal nyapu yuk neng ton derirami. Tonda, Dauddi er ner mi ton tenpu deiamu. Aner mi er sida, Tamar pemupa dakuramu. 10 Israel nesala tep, nimi deiyo kepra talepyakarami nengda, sun si ake. Ada, Dauddi deiamu mi Salomo, erdi gonga kepra yanamnganen, Raja Yosia keamu taru kurami nimi deiyo neng yumada, sun si asekra deipmepu. Anengda ake. Ada, Salomodi nimi deiyo talepra Raja kepra kuramnganen, er mi Rebeam deipu. Salomo Raja kemnange siria dakopda, er mi Rebeamdi nimi deiyo talepra, Raja kepra kuramnganen, er mi Abia deipu. Dakuramnganen, Rebeamdi Raja kemnange siria dakopda, er mi Abiadi nimi deiyo Raja keamnganen, er mi Aca deipu. Abiadi Raja kemnange tapu pangeda, er mi Acadi nimi deiyo Raja kepra kuramnganen, er mi Yosafat deipu.

11 Acadi Raja kemnange konum tapkopda, er mi Yosafatdi nimi deiyo talepra, Raja kepra dakuramnganen, er mi Yoram deipu. Yesofatdi Raja kemnange konum siria dakopda, er mi Yoramdi nimi deiyo talepra, Raja kepra dakuramnganen, er mi Ahazia deipu. Ahaziadi nimi deiyo talepra, Raja kepra dakuramnganen, er mi Yoas deipu. 12 Ahaziadi Raja kemnange siria dakopda, er mi Yoasdi nimi deiyo talepra, Raja kepra dakuramnganen, er mi Amazia deipu. Ahaziadi Raja kemnange siria dakopda, er mi Amaziadi nimi deiyo talepra, Raja kepra dakuramnganen, er mi Azarya deipu. Amaziadi Raja kemnange siria dakopda, er mi Amaziadi nimi deiyo talepra, Raja kepra dakuramnganen, er mi Yotam deipu. 13 Amaziadi Raja kemnange siria dakopda, er mi Yotamdi nimi deiyo talepra, Raja kepra dakuramnganen, er mi Ahas deipu. Yotamdi Raja kemnange siria dakopda, er mi Ahasdi nimi deiyo talepra, Raja kepra dakuramnganen, er mi Hiskia deipu. Hiskiadi Raja kepra dakuramnganen, er mi Manasye deipu.

14 Hiskiadi Raja kemnange siria dakopda, er mi Manasyedi nimi deiyo talepra, Raja kepra dakuramnganen, er mi Amon deipu. Manasyedi Raja kemnange siria dakopda, er mi Amondi nimi deiyo talepra, Raja kepra dakuramnganen, er mi Yosia deipu. 15 Amondi Raja kemnange siria dakopda, er mi Yosiadi nimi deiyo talepra, Raja kepra dakuramnganen, er menmena deiamu mi, er sida Yohanan deipu. Raja Yosiadi deiamu sal nyapuda, dumbari deiamu. Sun sida ake. Ada, Yohanan cap, Yoyakhim cap, Zedekia cap, tonda Yoahas cap deiamu. 16 Yosia er mi Yoyakhimda, sal nyapu butene deiamu. Sun sida, Yoyakhin cap, Zedekia cap, sun butene deiamupa dakuramrei.

Raja Yoyakhindi deipupa, deipdanen yai neng tep, seki upu

17 – 18 Uda, Raja Yoyakhindi Raja kuramnganen, ataru neitamai di, sun Babel tara jen talena nengdi, yana Yoyakhin taleamu nesala yuma popra bisbisa kapidi, Raja Yoyakhin cap, erdi taleamu nesala weikanun cap, tomopra doprapidi, ateng koupra, sun pio karen mutu tamupra dubei. Dinino, Yoyakhindi deiamu nyapuda, yoneitam bari neng kurami. Aneng sun sida ake. Ada, Sealtiel cap, Malkhiram cap, Pedaya cap, Senyazar cap, Yekamnya cap, Hozama cap, tonda Nedaya cap kurami. 19 Uda, Yoyakhindi deiamu ngebo Pedayada, erdi sal nyapu butene deiamu. Sun sida, Serubabel cap, Simei cap, ukupra kuramrei. Utopu, Yoyakhin er mi Serubabeldi sal nyapu butene deiamu. Sun sida, Mesulam cap, Hanaya cap, deiamu. Aneng sun mal nerda, tenpu deiamu. Aner er sida, Selomit pemu. 20 Tonda, Serubabel peda, er sal nyapu ton, pamubari neng ton deiamu. Sun sida ake. Ada, Hasuba cap, Ohel cap, Berekhya cap, Hasaja cap, tonda Yusab-Hesed cap, deiamu.

21 Tonda, Serubabeldi, sal nyapu butene deiamu ngeboda, er si Hananya kuramu. Hananyadi deiamu sal nyapu butenepu deiamu. Sun sida, Pela cap, Yesaya cap, deiamu. Yesayada, amenda taru er mi Refaya deipu. Refayada, amenda taru er mi Arnan deipu. Arnanda, amenda taru er mi Obaya deipu. Obayada, amenda taru er mi Sekhanya deipu. 22 Sekanyada, sal mi tenpu deiamu. Ami er sida, Semaya peramu. Semaya er dingeda, sal nyapu pamubari neng deiamu. Sun sida ake. Ada, Hutus cap, Yigal cap, Bariah cap, Nearya cap, tonda Safat cap deiamu. 23 Semaya er mi Nearyada, amenda taru sal nyapu weneri deiamu. Sun sida, Elyonai cap, Hiskia cap, Azrikam cap deiamu. 24 Nearya erdi deipu ngebo Elyonaida, sal nyapu yoneitam bari deiamu. Sun sida ake. Ada, Hodawya cap, Elyazib cap, Pelaya cap, Akub cap, Yohanan cap, Delaya cap, tonda Anai cap, ukuprap nengpu deiamupa kurami.