1Ch 8 | XteSC | STEP

1 Chronicles 8

Benjamindi deiamupa, dadeipdanen yai nesala tep, pepu upu

1 – 2 Benjamindi sal nyapuda, pamubari deiamu. Menmena deipu ngeboda, Bela kuramu. Adinin, er yuk nyapu sida ake: Asybel cap, Ahrah cap, Noha cap, tonda Rafa cap deiamu. 3 – 4 – 5 Benjamin deipu ngebo Beladi deiamu nengda, topnebari (9). Sun sida ake. Ada, Adar cap, Gera cap, Abihud cap, Abisua cap, Naaman cap, Ahoah cap, Gera cap, Sepupan cap, tonda Huram cap, sun ukupra nengpu deiamu.

6 – 7 Uda, Geradi deipu ngebo, Ehuddi deiamu nengda ake. Ada, Naaman cap, Ahia cap, tonda Gera cap deiamu. Sun anengda, men taru Geba mutu kuramidi, sundi deipipa, dadeipdanen yakarami nesala, sun nyapsilip yuma tep, nimi deiyo talepra, gonga kemna neng kurami. Dinino, amenda taruda, yuk nengdi sun anengda, amutu di enepra yuk mutu donokami. Enepra donokipa, Geradi gonga kepupa, amutu di tapra, Manahat mutu bena kurami. Ukuami taruda, Geradi sal nyapu butene deiamu. Sun sida, Uza cap, tonda Ahihud cap pepra, si peramu. 8 Uda, Benjamindi deiamupa, dadeipdanen yakarami nengdi, tenpu ngebo er sida, Saharahim deipi. Saharahimda, Moab mutu neitamai kuramudi domu nerapu sun sida, ake. Ada, Husim cap, Baara capda, doamu dinin, amenda taru anerapu butene tapu. 9 – 10 Ukupkopda, erdi yuk ner ton dopu. Aner sida, Hodes dopra domudi, kikiman kuramreidi, sal nyapu yoneitam bari deipu. Sun sida, Yobab cap, Zibya cap, Mesa cap, Malkam cap, Yeus cap, Sokya cap, Mirma cap kurami. Sun aneng yumada, sun yala nesala yuma tep, nimi deiyo talepra gonga kemna neng kurami.

11 Tonda Saharahimda, er ner Husim cap, kikiman tupa kuramrei taruda, sun nyapu butene deiamrei. Aneng sun sida, Abitub cap, Elpaal cap kuramrei. 12 Elpaaldi sal nyapu weneri deipu. Sun sida ake. Eber cap, Misam cap, Semed cap kurami. Semeddi Ono mutu ila ati arum cap, Lod mutu ila ati arum cap, doramudi, amutu damai buteneda, yambul ati arum dona tep, gonga kepra doramu. 13 Elpaaldi deiamu nyapu butene ton, Beria cap, Sema cap deiamu. Sundi gonga keamreipa, sun yala nyapsilip yumada, Ayalon mutu kurami nesala tep, gonga kemna deiyo neng kuramrei. Tonda, aneng butene dipapu gonga kepra, Gad mutu kurami nesala tep, mar porbenamidi enepra donokami. 14 – 15 – 16 Elpaaldi deiamu ngebo Beria, erdi deiamu nengda ake. Ada, Ahyo cap, Sasak cap, Yeremot cap, Zebaja cap, Arad cap, Eder cap, Mikhael cap, Yizpa cap, tonda Yoha cap, sun ukuprap neng deiamu.

Benjamin yala neng Yerusalem mutu kurami nesala tep, pepu upu

17 – 18 Elpaaldi deiamupa, dadeipdanen yakarami nengdi deiami nengda, sun si ake. Ada, Zebaja cap, Mesulam cap, Hizki cap, Heber cap, Yismerai cap, Yizlia cap, tonda Yobab cap deiamu. 19 – 20 – 21 Tonda, Benjamindi deiamupa, dadeipdanen yakarami nengdi deiami neng, ton ngebo er si Simei deipi. Angebo Simeidi deiamu neng, sun sida ake. Ada, Yakim cap, Zikri cap, Zabdi cap, Adaya cap, Beraya cap, tonda Simrat cap deiamu. 22 – 23 – 24 – 25 Beriadi deipu ngebo, er si Sasak, erdi deiamu neng sun sida ake. Ada, Yispan cap, Ebar cap, Eliel cap, Abdon cap, Zikri cap, Hanan cap, Hananya cap, Elam cap, Antotia cap, Yifdeya cap, tonda Penuel cap deiamu.

26 – 27 Tonda, Benjamindi deiamupa, dadeipdanen yakarami nengdi deipi ngebo ton, er si Yeroham deipi. Yerohamdi deiamu neng sun sida ake. Ada, Samserai cap, Seharya cap, Atalya cap, Yaaresya cap, Elia cap, tonda Zikri cap deiamu. 28 Aneng yumada, sun yala nesala, sun nyapsilip yuk-yuk akuramitopu tep, nimi deiyo talepra, gonga kemna neng kurami. Aneng yumada, sun tara nesaladi, nimi si buku neitamaida, sun deipgerekdanen, yanami neng yumada, si sekra derirami. Sun anesala yumada, Yerusalem mutu kurami.

Benjamin yala neng, Gibeon mutu kurami nesala cap, Yerusalem mutu kurami nesala cap tep, pepu upu

29 Benjamindi deiamupa, dadeipdanen yakarami nengdi, ton ngebo er si Yeiel deipi. Yeieldi gonga kepra Gibeon mutu ati arum dopudi, nimi deiyo talepra amutu neitamai kuramu. Yeiel er ner sida, Maahka kuramu. 30 – 31 Ukuramreidi, sundi sal nyapuda, morokyo di utara (10) sepuluh deiamrei. Aneng sun sida ake. Ada, Abdon erda menmena weni ngebo deiamrei. Er amutara ngeboda, Zur deiamrei. Adingeda, Kish cap, Bahal ^{▼▼Bahal sekmepu ngeda, yuk Alkitab neitamai Baal sengnunge. Bahal sekmupkada, ‘Baal pepetepmengepa, ikin kuprepa, ‘Bal sisa tenepnung’ tenen, nundi Bahal sekmupke. Si yuk sekmepu dinino angeboda tenpua.} cap, Nar cap, Nadab cap, Gedor cap, Ahyo cap, Zakaria cap, tonda Miklot cap deiamrei. 32 Miklotda, erdi deiamu mida, Simea kuramu. Uda aneng yumada, Yeieldi deiamu nyapu kurami. Sun anengdi deipdanen yanami nesala yumada, Yerusalem mutu kurami. Ada, sun tara nesalapu dinin, ton tara sun yala nengdi deiami nesala cap, sun kikiman Yerusalem mutu kurami.

Raja Saul er nyapsilip cap, er yala neng cap tep, pepu upu

33 Tenpu ngebo er si Nar, erdi er mi Kish deipu. Kish dingeda, er mi Saul deipu. Angebo Saulda, amenda taru nimi deiyo kepra, Israel nesala talepra, sun Raja kuramu. Er nai boda, Kish kuramu. Er apu boda, Nar kuramu. Sauldi er nyapu dumbari deiamu. Sun aneng sun sida, ake, ada, Yonatan cap, Malkisua cap, Aminadab cap, tonda Esybaal cap deiamu. 34 Sauldi deipu ngebo Yonatanda, erdi sal mi tenpu deiamu. Er sida, Meribaal pemu. Meribaal dingeda, er mi Mikha deiamu. 35 Mikhada, sal nyapu dumbari deiamu. Sun sida ake, Piton cap, Melekh cap, Tarea cap, tonda Ahas cap deiamu. 36 Mikhadi deipu ngebo Ahas, erdi sal mi tenpu deiamu. Angebo er sida, Yoada pemu. Yoada dingeda, sal nyapu weneri deiamu. Aneng sun sida, Alemet cap, Azmawet cap, tonda Zimri cap deiamu. Zimri erdi deipu ngeboda Mosa.

37 Mosa dingeda, Bina deiamu. Binadi er mi Rafa deiamu. Rafadi Elasa deiamu. Elasadi er mi Azel deiamu. 38 Angebo Azeldi, sal nyapu ngantan bari (6) deiamu. Aneng sun sida ake. Ada, Azrikam cap, Bokheru cap, Ismael cap, Searya cap, Obaja cap, tonda Hanan deiamu. Aneng yumada, sun nai boda, Azel kuramu. 39 Azel er weit boda, Esekdi sal nyapu weneri ton deiamu. Aneng sun sida, ake. Ada, Ulamda menmena taru deiamu ngebo kuramu. Adingeda, Yeus cap, Elefelet cap deiamu. 40 Esekdi deipu ngebo Ulamda, erdi deiamu sal nyapu yumada, jen talepra ila puto neng kurami. Tonda, mar podana tep nengeda, ila kael neng kurami. Sundi deiamipa, dadeipdanen baramyanen deiami nengda, seratus lima puluh (150) neng kurami.

Aca deiki tara sekmap neng yuma, sun apuboda, Benjamin kuramu.