1Jo 1 | XteSC | STEP | Ne Yohanesdi aupu seksene. Uda akeca-keca yuma men kwamu taru, Allah er Gam Kuna Upu dopra yankamu ngebo, Yesus kuramu. Im deiki ikuramnganen, tuai mutu yau taruda, akuramudi, upu peramupa, gekeramupunge cap, nun asuru di eamupunge cap, epra nun buru di taleramupunge capda, ange yumada, sun tep lap pepra peteremsenupe. Apeteremnupada, Gam Kuna Deiyo Ngebo, Yesus, er tep pesenupe.

1 John 1

Pio Gam Kuna Upu cap, nun cap kikiman kunkamepa tep, pepu upu

1 Ne Yohanesdi aupu seksene. Uda akeca-keca yuma men kwamu taru, Allah er Gam Kuna Upu dopra yankamu ngebo, Yesus kuramu. Im deiki ikuramnganen, tuai mutu yau taruda, akuramudi, upu peramupa, gekeramupunge cap, nun asuru di eamupunge cap, epra nun buru di taleramupunge capda, ange yumada, sun tep lap pepra peteremsenupe. Apeteremnupada, Gam Kuna Deiyo Ngebo, Yesus, er tep pesenupe. 2 Gam Kuna Deiyo Ngebo, Yesus tuai mutu yaupa, epmupu pangeda, Yesusdi nun 12 neng wepra deiamseue. Ukuamseu taru di, er kuramunge yuma tep, lap pepra peteremnupe. Pio Gam Kuna Deiyo Ngeboda, er nai Allah cap kikiman dikuramrei dinin, nun damai yaupa diramupke. Diramupudi tonda, Pio Gam Kuna Deiyo Ngebo, Yesus tep, lap pepra peteremsenupe.

3 Nun cap, sun asurat eprumu neng cap, ‘Nun yumadi kange tenpu tenepra, amsepu kunkamepe’ tenen, nun diramupunge cap, upu gekeramupunge capda, sun tep lap pepra peteremsenupe. Uda nun kange tenpu tenepra, amsepu kunup nengda ada, nun nai Allah cap, er Mi Yesus Kristus cap, kange tenpu tenepra, dipru dukdongopra kikiman kunupe. 4 Ukutaru sekmap upuda, ‘Nun yumadi kange pio deipra teleppu kunkamep’ tenen, sekmape.

Pio mali kuna gum di, dirinai utopu kunkamnupa tep, pepu upu

5 Yesusdi peramseupa, gekeramupu upuda pepkusepe. Ada ake. Allahda pio dirine weik ngebo kurure. Er kure keca cap, tenerur keca cap neitamaida, mali kun keca pio gume, dumsisipu kurure. Kunungna utopu kecada, pio men kurure. Allahda ukurura tep, Yesusdi, “Allahda pio dirine weik ngebo kurure,” pepra peteremamseue. 6 Ange tep nengeda nundi, “E, Allah cap dukdongoprap amsepu kunupe,” peprap, tali pertamtepe dinin, tupa-tupa mali kuramepyopda, ada mokpu penupa cadi, kunungnai utopu tupa kunupe. Tonda, ukupmepyopda, Allah er tek sisi upu gekepra men dombanupe.

7 Ange utopu gum dinino, Allah mali kuna pio gum di, dirinai kuramretopu, nun pe mali kuna gum di, teleppu kupedi, dirinai utopu kuramepyopda, nun yuma cap, tenpu kange tenepra amsepu kunupe. Allah er upupu gekepra dombaramepe dingeda, Allah er Mi Yesus, er yapi di nun mali tenenup keca cap, mali kunup keca yuma cap, daepseredi gum kupra derirserure.

8 Nun yumadi, mali kun keca tupa akwapmaserpapu, “E, ne pio mali men kunune,” pepra tali petamnup dinin, upepmepyopda, ada nundi nun pe tepapu tali inipra petamdanupe. Tonda, ukupra pepmepyopda, Allah er tek sisi upu, nun dipruai men kuserure. 9 Dinino, nun mali tenenup keca cap, nun mali kunup keca cap tep, “Gume, angeda ne tek sisi mali kupsi,” katuai di lap pepra, amali kun keca tek sisi tapmepyopda, Allahdi men tamserure. Nun kuramepetopu wepra, upu yuk-yuk bokra derirserure. Allahdi nun tep, ‘Sun mali kuramenge dinin, ange teppu adipapu men popkusene’ tenen, yaproseredi, tali kange dorure. Ukuredi, Allahdi nun mali kuramepenge yuma tep, gum kupra deipseredi, amali keca tep, ka di ton cap men tenimserure. Nun malinge kaukemseredi, teleppu kudiserure.

10 Allahdi nesala ban-ban yuma tep, “Sun yuma mali kununge,” pepke. Upepka tep, nundi, “Gume, nunda mali men kunupe,” pepmepyopda, tali kange doun nengdi, “Allah mok ngebo kurure,” peramengetopu, nun peda utopu penupe. Uperamepyopda, Allah er upu gekepra pio men talenup cadi, er upu nun dipruai men kuserure.