Est 10 | XteSC | STEP | Ila nimi deiyo ngebo Raja Ahasyewerosda, ‘Amutu nesaladi ikin pel donkamenge. Tonda ne makuna tep, pajak kemna tep, co bo cap, kunumna weik keca cap buluprapmengedi, ne tep tali karenkamnenge,’ tenepudi, amutu nesala tep ikin pel dimamu. Ada erdi taleamu mutu ban-ban yuma neitamai di, dipdongopra, ortara mutu ila laut mokon damai kurami nesala yuma peda, sun tep, “Apel talipu dopneso,” peramupa, pel tali donapu kurami.

Esther 10

Nimi deiyo neng Raja Ahasyeweros cap, er amutara ngebo Mordekai cap tep, pepu upu

1 Ila nimi deiyo ngebo Raja Ahasyewerosda, ‘Amutu nesaladi ikin pel donkamenge. Tonda ne makuna tep, pajak kemna tep, co bo cap, kunumna weik keca cap buluprapmengedi, ne tep tali karenkamnenge,’ tenepudi, amutu nesala tep ikin pel dimamu. Ada erdi taleamu mutu ban-ban yuma neitamai di, dipdongopra, ortara mutu ila laut mokon damai kurami nesala yuma peda, sun tep, “Apel talipu dopneso,” peramupa, pel tali donapu kurami.

2 Perisa mutu ila nimi deiyo ngebo Raja Ahasyewerosdi, ila kange mun pel cap, ikin pel cap, mambul pel yala-yala yuma cap doramu ngeda, sun mambul keca sengna buku neitamai sekra derirami. Ange utopu, Rajadi utenepu. ‘Mordekai ereipnepa, ne amutara dinin, nimi deiyo ngebo kunkamre’ tenen, ereipupa, ila ngebo tekra kuramunge yuma cap tep, tenepra asengna keca buku neitamai sekra deipu. Ange yumada, sun mambul buku neitamai sekra deipi.

Ada yuk buku gume. Persia mutu neitamai talepra kurami ila nimi deiyo Raja-Raja neng cap, tonda Media mutu neitamai talepra kurami ila nimi deiyo Raja-Raja neng cap, sun yumadi sengami buku neitamai ton sekra derirami. ‘Akeca nukmepedi kael kepkupe,’ tenepmumnyopda, amambul keca sengna tep, amenda taru kupyakaramipa, sekyakarami ngeda, pio mambul buku neitamaipu sekra derirami.

3 Mordekai erda Yahudi yala ngebo cadi, erda ila ngebo bukredi, nimi deiyo ngebo Raja Ahasyeweros, er amutara ngebo kuramu. Persia mutu neitamaida, yuk deiyo neng weik ton akurami dinin, sun yumada Mordekai er amutara kuramidi pel dorami. Tonda, Yahudi yala nesala yumadi, Mordekai tep, ‘Erda ila mambul ngebo kurure,’ teneramidi, sun yumadi er tep gispal dorami.

Ada tali tep gume. Mordekai erdi mutu yuma lyemna keca cap, telep kupra kuna keca cap tep, pio pe deipra pel doramu. Haman cap, er nyapsilip capdi, Yahudi yala nesala tep popra gawal dakmanto kurami taruda, Mordekaidi upu sekudi anesala tep lyepu. Atep, sun amutu nesala yuma cap, sun ayala nesala dordi dadeipdanen yakarami mutu nesala yuma capdi, Mordekai er tep, pio ila di gispal dorami.