Ezr 2 | XteSC | STEP | Pumun taruda, Babel mutu talepra kuramu deiyo ngebo, er si Raja Nebukadnezar cap, er jen talena neng capdi, Yehuda mutu neitamai ila ati arum dopra kurami nesala popra bisbisa kaprapidi, Yehuda tara nesala weika di doupra, sun pe mutu bena wenemne ati dongopra deiamipane, sun dakurami. Babel mutupu dakuramyanen, sun Israel nengdi nyapu deiamipa, dadeipdanen yakaramyanen, keteng tamun weik konum kupyopda, anengdi deiami nesala ton, Babel mutu tapra, Yehuda tara tamupra yai. Ukupi dingeda, sun pe mutu sisa Yerusalem cap, Yehuda mutu neitamai dinin, yuk-yuk ati arum ton yana kurami. Ada, sun apu yapu yuk-yuk ati arum dopra kuramyaipu, tamupra yana weki.

Ezra 2

Yuk karen mutu doupra bena deiamipane, tamupra yai neng tep, si seki upu

1 Pumun taruda, Babel mutu talepra kuramu deiyo ngebo, er si Raja Nebukadnezar cap, er jen talena neng capdi, Yehuda mutu neitamai ila ati arum dopra kurami nesala popra bisbisa kaprapidi, Yehuda tara nesala weika di doupra, sun pe mutu bena wenemne ati dongopra deiamipane, sun dakurami. Babel mutupu dakuramyanen, sun Israel nengdi nyapu deiamipa, dadeipdanen yakaramyanen, keteng tamun weik konum kupyopda, anengdi deiami nesala ton, Babel mutu tapra, Yehuda tara tamupra yai. Ukupi dingeda, sun pe mutu sisa Yerusalem cap, Yehuda mutu neitamai dinin, yuk-yuk ati arum ton yana kurami. Ada, sun apu yapu yuk-yuk ati arum dopra kuramyaipu, tamupra yana weki. 2 Sun anesala cap tonpa yai deiyo nengda ake. Ada, Zerubabel cap, Yesua cap, Nehemia cap, Seraya cap, Reelaya cap, Mordekai cap, Bilsan cap, Mispar cap, Bigwai cap, Rehum cap, Baana cap kikiman yai. Tonda, ayai neng, Israel yala nesala yuma, sun si sekiada ake.

3 Tenpu ngebo, er si Paros, erdi deiamupa, dadeipdanen yakaramyanen, sundi deiami yala nesalada, dua ribu seratus tujuh puluh dua, (2.172.000) neng kurami. 4 Utopu, ton ngebo Sefaca, erdi deiamupa, dadeipdanen yakaramyanen, sundi deiami yala nesalada, tiga ratus tujuh puluh dua (372) neng kurami. 5 Tonda, Arah erdi deiamupa, dadeipdanen yakaramyanen, sundi deiami nesala, er yala nengda tujuh ratus tujuh puluh lima (775) neng kurami. 6 Tonda, Pahat-Moab tara neng, ada Yesua cap, Yosua capdi, deiamreipa, dadeipdanen yakaramyanen, sundi deiami nesala, sun butene yala nengda, dua ribu delapan ratus dua belas (2.812) neng kurami.

7 Tonda, Elam erdi deiamupa, dadeipdanen yakaramyanen, sundi deiami nesala, er yala nengda, seribu dua ratus lima puluh empat (1.250) neng kurami. 8 Tonda, Zatu erdi deiamupa, dadeipdanen yakaramyanen, sundi deiami nesala, er yala nengda, sembilan ratus empat puluh lima (945) neng kurami. 9 Tonda, Zakai erdi deiamupa, dadeipdanen yakaramyanen, sundi deiami nesala, er yala nengda, tujuh ratus enam puluh (760) neng kurami. 10 Tonda, Bani erdi deiamupa, dadeipdanen yakaramyanen, sundi deiami nesala, er yala nengda, enam ratus empat puluh dua (642) neng kurami.

11 Tonda, Bebai erdi deiamupa, dadeipdanen yakaramyanen, sundi deiami nesala, er yala nengda, enam ratus dua puluh tiga (623) neng kurami. 12 Tonda, Azgad erdi deiamupa, dadeipdanen yakaramyanen, sundi deiami nesala, er yala nengda, seribu dua ratus dua puluh dua (1.220) neng kurami. 13 Tonda, Adonikam erdi deiamupa, dadeipdanen yakaramyanen, sundi deiami nesala, er yala nengda, enam ratus enam puluh enam (666) neng kurami.

14 Bigwai, erdi deiamupa, dadeipdanen yakaramyanen, sundi deiami nesala, er yala nengda, dua ribu lima puluh enam (2.056) neng kurami. 15 Adin erdi deiamupa, dadeipdanen yakaramyanen, sundi deiami nesala, er yala nengda, empat ratus lima puluh empat (454) neng kurami. 16 Aterdi er mi Hiskia deiamupa, dadeipdanen yakaramyanen, er yala nengdi deiami nesala, er yala nengda, sembilan puluh delapan (98) neng kurami.

17 Tonda, Bezai erdi deiamupa, dadeipdanen yakaramyanen, sundi deiami nesala, er yala nengda, tiga ratus dua puluh tiga (323) neng kurami. 18 Tonda, Yora erdi deiamupa, dadeipdanen yakaramyanen, sundi deiami nesala, er yala nengda, seratus dua belas (112) neng kurami. 19 Hasum erdi deiamupa, dadeipdanen yakaramyanen, sundi deiami nesala, er yala nengda, dua ratus dua puluh tiga (223) neng kurami. 20 Gibar erdi deiamupa, dadeipdanen yakaramyanen, sundi deiami nesala, er yala nengda, sembilan puluh lima (95) neng kurami.

21 Tonda, sun apu yapu Betlehem mutu kurami nengdi deiamipa, dadeipdanen yakarami nengda, seratus dua puluh tiga (123) neng yana kurami. 22 Tonda, sun apu yapu Netofa mutu kurami nengdi deiamipa, dadeipdanen yakarami nengda, lima puluh enam (56) neng yana kurami. 23 Tonda, sun apu yapu Anantot mutu kurami nengdi deiamipa, dadeipdanen yakarami nengda seratus dua puluh delapan (128) neng yai.

24 Tonda, sun apu yapu Asmawet mutu kurami nengdi deiamipa, dadeipdanen yakarami nengda, empat puluh dua (42) neng yai 25 Tonda, sun apu yapu Kiryat-Arim mutu kurami neng cap, Kefira mutu kurami neng cap, tonda Beerot mutu kurami neng cap yumada, sundi deiamipa, dadeipdanen yakarami nengda, tujuh ratus empat puluh tiga (743) neng yai.

26 Rama mutu cap, Gaba mutu cap kurami neng yumada, sundi deiamipa, dadeipdanen yakarami nengda, enam ratus dua puluh satu (621) neng yai. 27 Tonda, sun apu yapu Mikmas mutu kurami nengdi deiamipa, dadeipdanen yakarami nengda, seratus dua puluh dua (122) neng yai. 28 Sun apu yapu Betel mutu neng cap, Ai mutu neng cap kurami neng, sundi deiamipa, dadeipdanen yakarami nengda, dua ratus dua puluh tiga (223) neng yai.

29 Sun apu yapu Nebo mutu kurami neng, sundi deiamipa, dadeipdanen yakarami nengda, lima puluh dua (52) neng yai. 30 Sun apu bo Magbish, erdi deiamupa, dadeipdanen yakarami nesala, er yala nengda, seratus lima puluh enam (156) neng yai. 31 Sun apu bo, er si ton Elam, erdi deiamupa, dadeipdanen yakarami nesala, er yala nengda, seribu dua ratus lima puluh empat (1.254) neng yai. 32 Sun apu bo, er si Harim, erdi deiamupa, dadeipdanen yakarami nesala, er yala nengda, tiga ratus dua puluh (320) neng yai.

33 Tonda, Lod mutu kurami neng cap, Hadid mutu kurami neng cap, Ono mutu kurami neng capda, sundi deiamipa, dadeipdanen yakarami nengda, tujuh ratus dua puluh lima (725) neng yai. 34 Yerikho mutu kurami nengda, sundi deiamipa, dadeipdanen yakarami nengda, tiga ratus empat puluh lima (345) neng yai. 35 Tonda, sun apu bo Sena, erdi deiamupa, dadeipdanen yakarami nesala, er yala nengda, tiga ribu enam ratus tiga puluh (3.630) neng yai.

36 Uda, Babel mutu di tamupra, Yehuda tara yakarami imam-imam nengda ake. Sun apu bo Yedaya, erdi deiamu ngebo Yesuadi deiamupa, deipdanen yakarami neng, er tara nengda, sembilan ratus tujuh puluh tiga (973) neng yai. 37 Tonda Imer erdi deiamupa, dadeipdanen yakarami nesala, er yala nengda, seribu lima puluh dua (1.052) neng yai. 38 Tonda, Pasyur erdi deiamupa, dadeipdanen yakarami nesala, er yala nengda, seribu dua ratus empat puluh tujuh (1.247) neng yai. 39 Tonda, Harim erdi deiamupa, dadeipdanen yakarami nesala, er yala nengda, seribu tujuh belas (1.017) neng yai.

40 Uda, Allah er si eremna ati pumbon pel dona deiyo neng, sun Lewi yala neng, Babel mutudi tamupra yai nengda, sun apu bo Hodawya, erdi deiamu butene neng, Yesua cap, Kadmiel cap, sundi deiamreipa, dadeipdanen yakarami nengda, tujuh puluh empat (74) neng yai. 41 Lewi yala neng dinin, sun mut pena deiyo nengda, ake. Ada, sun apu bo Asaf, erdi deiamupa, dadeipdanen yakarami nesala, er yala nengda, seratus dua puluh delapan (128) neng yai.

42 Tonda Allah er si eremna ati wengna tep bisi buplan damai kalengna neng ada, Salum yala neng cap, Ater yala neng cap, Talmon yala neng cap, Akub yala neng cap, Hatita yala neng cap, Sobai yala neng cap, sun ayala nengdi deiamipa, dadeipdanen yakarami neng yumada, seratus tiga puluh sembilan (139) neng yai. 43 Tonda, Allah er si eremna ati pel melimna tep doami neng, Babel mutu neitamai di, sundi deiamipa, dadeipdanen yakarami neng, Babel mutu di tapra, tamupra yai neng sun si seki nengda ake. Ada, Israel nesala, sun apu yapu Ziha yala neng cap, Hasufa yala neng cap, Tabaot yala neng cap, sun yumadi deiamipa, dadeipdanen yakarami neng, sun yala neng ton, Yehuda tara tamupra yai.

44 Ange utopu ton, akati pel dona tep melimna neng ton, Keros yala neng cap, Kiaha yala neng cap, Padon yala neng cap, 45 Lebana yala neng cap, Hagaba yala neng cap, Akub yala neng cap, 46 Hagab yala neng cap, Samlai yala neng cap, Hanan yala neng cap, 47 Gidel yala neng cap, Gahar yala neng cap, Reaya yala neng yala neng cap tamupra yai.

48 Tonda, Resim yala neng cap, Nekoda yala neng cap, Gazam yala neng cap, 49 Uza yala neng cap, Paseah yala neng cap, Besai yala neng cap, 50 Azna yala neng cap, Meunim yala neng cap, Nefusim yala neng cap, 51 Bakbuk yala neng cap, Hakufa yala neng cap, Harhur yala neng cap, tamupra yai.

52 Tonda, Bazlut yala neng cap, Mehida yala neng cap, Harsa yala neng cap, 53 Barkos yala neng cap, Sisera yala neng cap, Temah yala neng cap, 54 Neziah yala neng cap, Hatifa yala neng cap, Babel mutu di tapra, tamupra Yehuda tara yana kurami.

55 Tonda, pumun taruda, nimi deiyo ngebo Raja Salomo tep melimami neng ton, Babel mutu dubenamipa, dakurami dinin, sundi deiamipa, dadeipdanen yakarami neng, sun yala neng ton, Babel mutu di tapra, tamupra Yehuda tara yana kurami. Sun ayai nengda ake. Ada, Sotai yala neng cap, Soferet yala neng cap, Peruda yala neng cap, 56 Yaala yala neng cap, Darkon yala neng cap, Gidel yala neng cap, tamupra yai.

57 Tonda, Sefaca yala neng cap, Hatil yala neng cap, Pokheret-Hazebaim yala neng cap, Ami yala neng cap, sun yuma tamupra Yehuda tara yana kurami. 58 Uda, Allah er si eremna ati pel dona tep melimami nengdi deiami neng cap, tonda, pumun taru nimi deiyo ngebo Raja Salomo, er ati pel melipra dorami nesaladi deiami nesala cap, sun gung dukdongopra nuki denge yumada, tiga ratus sembilan puluh dua (392) neng tamupra Yehuda tara yana kurami.

59 Uda, yuk nesalada Tel-Melah mutu cap, Tel-Harsa mutu cap, Kerub mutu cap, Adan mutu cap, Imer mutu cap, sun amutu-amutu nesala ton tamupra Yehuda tara yai. Sun ayai nesala yumada, ‘Nun apu yapuda, tek sisi Israel yala nesala kuramya cadi, sundi deiamseiya cadi, nun peda Israel yala nesala kunupe,’ pepi dinino, Israel yala nesaladi gerekdanen yakarami nesala, sun si yuma sengami buku neitamaida, ayala neng ton, sun si men seki. Sun apu yapu cap, sun yala si capda, men sekya cadi, men betapra lap pepmanto kupi.

60 Ange utopu ton, Delaya yala neng cap, Tobia yala neng cap, Nekoda yala neng cap, sun tamupra yai gung yumada, enam ratus lima puluh dua (652) nesala yai. Dinino, sun ayai anesala yuma peda, Israel yala nesala tenena tep, sun yala cap, sun derin deiyo neng cap yumada, men betapra lap pepmanto kupi. 61 Tonda, sun imam yala nengpu dinin, sun apu yapu sida, Habaya yala neng cap, Hakos yala neng cap, Berzilai yala neng cap yai. (Angebo Barzilaida, Gilead mutu kuramu ngebo, er si ton Barsilai, erdi deipu ner mipu dopu. Dopu dingeda, er si cap, er yala capda, er ner yalapu si dopu.)

62 Sun ayala nesala yumadi, ‘Nunda Israel yala nengdi deiamseiya cadi, nun yala sida, Lewi tara yala neng tep, si sekra derinungaida, nun yala si ton akapseu do?’ tenen, moupra dipterepi dinin, sun aneng si ton men kapka tep, men epi. Ange tep nengeda, Israel nesala deiyo nengdi, “Gume, sun ayala nengda, imam kemnada pio gume, men keptenge. Ada sunda Lewi tara nesala gume. Tali yala kunge neng kununga cadi, tek sisi Allah er kangeda, ‘Sunda, ne si eremna ati melimna pel pio men doptenge,’ tenerure,” pepra deipi.

63 Upepi pangeda, Yehuda mutu neitamai taleamu deiyo ngebo, Gubernurdi, Lewi yala gum neng yumada, sun imam-imam nengdi, Allah tep karen kecada, ton bokra dopra jerameng kecada, aneng ton pio men jeptenge. Ada meme. Atep, tali dakuramengepanen, amenda taru yuk imam ngebo ton, mambul gel, er si Urim cap, Tumim ^{▼▼Urim cap, Tumin cap – Akeca buteneda, ‘Gel do, wareto keca do?’ tenen, nun yumada walwalpu kunupe. Dinino, sun imam nengdi, ‘Allahdi, nun kunkamep ngeda lap pepkamser’ tenen, akeca butene dipeteramya deiki di, ‘E, Allahdi upepsere-upepsere, angepu kunkamepe,’ teneramidi, moupra kael keamidi, Israel nesala tep lap perami. Tonda, Bilangan 27:21; Ulangan 33:8; Keluaran 28:30 dinkurume.} cap, kenekrenge di, ‘Allah Yahwehdi, ukupkurume, ange ton men kupkurume, pepra lap peserur deiyo keca deiki, dipetepredi, ‘Dyo, aneng peda imam pel doptenge,’ pepra lap pepsetuopda, amenda taru imam pel ton doptenge dinin, gum dingeda, gume,” pepra deipu.

64 Tek sisi Israel yala nesala, Babel mutu di tamupra Yehuda tara yana kurami neng, sun gung yumada, denge pio weik, empat puluh dua ribu, tiga ratus enam puluh (42.360) neng yai. 65 Tonda, anesala, sun pel melimna neng cap kikiman yana kurami. Ada, nimi cap, nerapu cap, pel dona tep melipra yai nesala yumada, sun gungda denge pio weik, tujuh ribu tiga ratus tiga puluh tujuh (7.337) neng yai. Tonda, mut pena ila kael nengda, nimi cap, nerapu cap yumada, dua ratus (200) nesala ton kikiman yai.

66 Uda yuknge ton, sun Yehuda mutu tamupra yai nesalada, sundi talepra peirami gam keca ton duyai ngeda, ake. Ada, kuda bisam tujuh ratus tiga puluh enam (736) cap, keledai bisam dua ratus empat puluh lima (245) cap, 67 unta bisam ^{▼▼unta bisam – Akeca gambar dina tep, Kejadian 12:16 dinkurume.} empat ratus tiga puluh lima (435) cap, tonda keledai bisam metek ngeda, enam ribu tujuh ratus dua puluh (6.720) cap yuma doupra yai.

68 Sun anesala yuma Yudea tara neitamai dinin, ila ati arum Yerusalem mutu yai. Yai dingeda, ware kuprap yala nesala, sun deiyo-deiyo nengdi, ‘Uo, Allah er si eremna ati uruptapya ^{▼▼uruptapya – Amutu Yerusalemda, pumun taru Allah er si eremna ati doamipa dakuamu dinin, Babel mutu jen talena nengdi, Israel nesala popbisipi taruda, akati ton uruptapya cadi, Israel nesala Babel mutu di tamupra yai taruda, akati men kwapke. Atep, ataru tamupra yai nesaladi, ‘Gume, akati kange di ton cap dopkamepe,’ teneramidi, kunumna weik keca weika di karepi.} cadi, kange di ton cap lepsisikra dopkamenge’ tenen, sun kange dipapu, Allah Yahweh tep, kunumna telep karena keca doupra, Yerusalem mutu duyana karepi. Adoupra yaidi, karepinge deiyoda, Allah er si eremne ati, men di doamiaipu, tamupra dona tep tali kange deipra kareryai.

69 Ada, Yehuda tara tamupra yai nesaladi, sun damai akapu kecapu, akaputopu doupra, Allah karena tep keteneamiaipu yana deipi. Sundi kange deipra yana karepi kecada, denge pio weik, enam puluh satu ribu (61.000) gat uang emas, er si dirham cap, tonda lima puluh ribuh (50.000) gel uang perak cap, tonda, imam neng kemne lyom opkal er sida juba panjang, seratus (100) cap, doupra yana karepi. 70 Ukupidi ataruda, sun imam neng cap, sun Lewi yala neng cap, tonda yuk Israel yala neng cap, ila ati arum dominge, Yerusalem mutu neitamai cap, akati arum dinin, dana-dana tara cap, sun pe ati dopra dakurami. Dinino, sun mut pena deiyo neng cap, lyom gel beilya buplan wengna bisi damai kalengna neng cap, tonda, Allah Yahweh er si eremna ati pel melimna don neng capda, sun apu yapu pumun kurami mutupu, tamupra bena dakurami. Ange utopu, ton yuk Israel yala nesala, tali nesala yuma peda, sun apu yapu pumun kurami mutu, sun pe mutu sisa yuk-yuk kuramyaipu bena, ati dopra aceipu pio talepra kurami.