Isa 35 | XteSC | STEP | Uda, mo cemna gum pio katuai mutu cap, tu kalkal peramre mutu neitamai kuramenge nesalada, kange deipra pingpinga di kunkamenge. Amutuda, kait-kait keca weik ponkamre.

Isaiah 35

Allahdi er mawa nesala lyeprepa, Sion mutu ka tamupra yankamenge tep, pepu upu

1 Uda, mo cemna gum pio katuai mutu cap, tu kalkal peramre mutu neitamai kuramenge nesalada, kange deipra pingpinga di kunkamenge. Amutuda, kait-kait keca weik ponkamre. 2 Amutu neitamai yuma, kait keca weika di ponkamre. Ukupyopda, amutu kunkameng nesalada, kange deipra mut penkamenge. Amutu yumada, Allahdi ka tamupra telep kupra deiprepa, Libanon mutu pio telep kuramutopu, urasin pio telep mutu kunkamre. Amutu pio telep kurepa, Karmel mutu cap, Saron mutu cap, pio telep kuramretopu kunkamre. Ukupre pangeda, nimi yumadi Allah er dirin epmengedi, er puto weik kurenge epra kael kepkamenge. ‘Nun nai Allahda dirin deiyo ngebo, ila mambul ngebo, pio teleppu kurure,’ penkamenge.

3 Ange tep nengeda, buru depsakamrepa, boun kwamre nesala puto kemdina cap, gutam pu jeredi, melmel taleramre nesala cap, gutam longdire nesala cap, puto kemdinkamrume. 4 Utopu, sun kange bongtorepa, tenimtonge nesala tep, “Kware dangna gum di, dipru kange moupra kunkamrume,” pepra lap penkamrume. “Sun kwar dangna gume. Sun nai Allah, yu weik kupredi, ‘Ne mawa nesala mali kudiramrumnge tep, kwang dakamsene’ tenen, yaredi, er puto deiki di, nun podan neng yuma popbisipredi, nun tep lyepkamsere,” pepra lap penkamrume.

5 Ataruda, asuru puamre nesala, asuru laiprepa dinkamenge. Amul kiniamre nesalada, amul pakeiprepa gekenkamenge. 6 Men embenmanto kwamrepa, tenpuaipu bukamenge nesalada, kange deiprapmengedi rusa bisam im kurukmengedi embamengtopu kunkamenge. Lup kwamrepa upu men pepmanto kuramenge nesalada, kange deipra mut penkamenge. Ukupmengedi, pingping kange doupra kungedi, mut penkameng ngeda, mesum tep gume. Ada, mo cemna gum di, katuai mutu neitamai, Allahdi me kareprepa, me popredi embankamre. Nimi men kunungai peda, me bungna bukra embankamre. 7 Me wenenga tupu kwamrepa keteng dopredi, keteng bupu weik teng-teng peramrai yumada, Allahdi mo kareprepa mokonpu deipkamre. Mo cemna gum di, tu kalkal pepra gat kuamre tuai yumada, Allahdi me kareprepa, me bungna bukra embankamre. Mo cemna gum di, katuai wala mutu neitamaida, tali bura kam embaramu dinin, amenda taruda Allahdi mo kareprepa, lye utopu keca bariser weik pankamre.

8 Acei ada, ila bisi akunkamre. Abisi er si tep, Pio Dumsisi Kuna tep Bankameng Bisi, penkamenge. Mali keca kunge nesala, abisida pio men benkamenge. Tonda, akeca-keca yuma tep walwal kurepa, moupra men kael kemenge nesala peda, abisi embangedi, abisida men wang-wangapdankamenge. Allahdi abisi yaipkamserada, ‘Ne tep teka tenenenge nesalapu, abisi embankamnenge’ tenen, yaipkamsere. 9 Abisi damaida, dumre kam yunge do, bura singa pus yunge do, nimi poramre keca yala-yala yumada, pio men kunkamenge. Amali keca yuma, pio abisi neitamai men kunkameng dinin, Allahdi lyepra deipu nesalapu abisi embankamenge.

10 Ukupra kunkamenga tep, Allah Yahweh er teneramudi, lyepra deiamu nesalapu abisi embangedi, Sion mutu tamupra benkamenge. Sundi, ‘Yerusalem mutu wekamep’ tenen, abisi embange taruda, sun yuma telep dipu kange deipra, Allah er si eremna tep, mut penkamenge. Kange mun kange douna pio gum dipapu, pingping kange doupra pio kunkamenge. Allahdi sun tep, kange douna deiyo keca kareprepa, sun kange dipru neitamai di, ‘Pio tek sisi konum kupmasere’ tenen, kange deipmengedi, tenpu kangepu doupra kunkamenge. ‘Uo,’ tenen, tenimtona cap, kange mun kange douna cap, ton pio men kunkamenge. Allahdi ange-ange yuma gum kupra deipkamre. Nabi Yesayadi pepu.