Isa 4 | XteSC | STEP | Allahdi sun wenemna tep, ila ikin keca dopra, Yerusalem mutu nesala deiki deipkamre taru neitamaida, nimida yambula dipapu gam kunkamenga cadi, sun yoneitam nerapu yumadi, nimi tenpu ngebopu talepmengedi moropkamenge. “Uo, Kandi nun tep, ‘Telepe,’ tenepsetumdi, dopsetumopda, nundi kan tep, ‘Nun dopseu ngebo ake,’ pepketepe. Nundi kan tep ikin men kweipkamkepe. Ange gum dinin, nun pe dipapu, nun opkal kunupkamepe. Tonda, nun pe dipapu, nun jen keca ketenepra jenkamepe. Kandi akeca-keca yumada, men karenkamsereme. Nun pe dipapu akeca yuma enkamepe. Nunda, ‘Nimidi men dopsengopda, nun ali kupserur’ tenen, kandi dopsememdi, kan yala sipu karepkamserem’ tenen, moropkepe,” pepra moronkamenge.

Isaiah 4

Dorkunkamre taruda, nerapudi mali upu penkamenga tep, lap pepu upu

1 Allahdi sun wenemna tep, ila ikin keca dopra, Yerusalem mutu nesala deiki deipkamre taru neitamaida, nimida yambula dipapu gam kunkamenga cadi, sun yoneitam nerapu yumadi, nimi tenpu ngebopu talepmengedi moropkamenge. “Uo, Kandi nun tep, ‘Telepe,’ tenepsetumdi, dopsetumopda, nundi kan tep, ‘Nun dopseu ngebo ake,’ pepketepe. Nundi kan tep ikin men kweipkamkepe. Ange gum dinin, nun pe dipapu, nun opkal kunupkamepe. Tonda, nun pe dipapu, nun jen keca ketenepra jenkamepe. Kandi akeca-keca yumada, men karenkamsereme. Nun pe dipapu akeca yuma enkamepe. Nunda, ‘Nimidi men dopsengopda, nun ali kupserur’ tenen, kandi dopsememdi, kan yala sipu karepkamserem’ tenen, moropkepe,” pepra moronkamenge.

“Amenda taru Allahdi Yerusalem mutu neitamai yumada, pio telep kweipkamre,” pepu upu

2 Allahdi tenemu taru konum kepyopda, Allahdi Yerusalem mutu neitamai kunkamre keca yumada, kange di tamupra pio telep kweipkamre ja! Tonda, sundi kounkameng keca yala-yala yuma cap, co du mouramre keca yala yuma capda, ila di nepredi, pio telep kupre dingeda, du weik moupkamre. Ataruda, sun Israel yala neng lyeproprepa, amutu neitamai gam kunkameng nesalada, kange telep kupkamre. Tonda, sun koun keca weik nong kuprepa, kipra jengedi, ‘Uo, ukutaruda, ange yumada, pio teleppu kuserure,’ tenen, kange deipkamenge.

3 Tonda, sun Yerusalem mutu neitamaipu tupa tapmarepa gam kunmange nesalada, Allahdi sun anesalapu wepra deipredi lyepropkamre. Yuk nengdi, “Sun Yerusalem mutu kunge nesalada, mali kuna gum nesala, pio telep neng, Allah er mawa nengpu kununge,” penkamenge. 4 Allah Yahweh er puto deiki di, er nyapu sisa, sun Israel yala nerapuda, sun mali kuraminge yuma, me kuna utopu kupra, amali keca gum kupra deipkamre. Wepredi, pio telep kupra deipkamre. Tonda, atarupuda, Yerusalem mutu ila ati arum neitamai di, nimi weik poramya deiki di, yapi weik kwamu ngeda, me kupra deiprepa, teleppu kupkamre. Ukupkamrada, nimi upu bongdiredi, mali kunange yuma daepkamrada, ila uku di tali keca jeproprepa, sikke buktamamretopu kupkamre. Ukupyopda, amutuda pio teleppu kupkamre.

5 Allahdi kange di ton cap Yerusalem mutu ati arum doramyai dinin, amutu buma deiki, Sion mutu dup deiki tara, im neitamai di, mambul keca butene deipkamre. Ada, Sion mutu dupai yana bulupra wekameng nesala yuma, sun deiki tarada, Allahdi keteng komuni taru, ila dua utopu kupra, deipkamre. Lukunda taruda, uku dongopmengepa, kete welepredi, uku jeramrepa dirine kuramretopu, kuprapredi, kete cap, uku bu dirin cap amutu deiki deipyopda, yana melimkamre. Allah er pe puto cap, telep kuna cap di, ila dirine utopu kuprepa, amutu deiki di erepra kuredi, amutu nesala meliprepa, sunda er amu tarapu kunkamenge. 6 Allah er dipapu, ‘Keteng komuni taruda, keteng bupu yu di, anesala jeprur’ tenen, ila dua dopra, amutu deiki deipyopda, ange di lelimdonkamre. Tonda, ila kumanya yare taru cap, ila mo cemamre taru capda, Allahdi adua deipkamrenge di lelipdongoprepa, sun amutu kunkameng nesalada, er amutarapu telep kupra kunkamenge.