Luk 15:4-7 | XteSC | STEP | “Sun kangeda, ware tenepmarum do? Tenpu ngebo er domba bisam 100 kuramenge dinin, tenpungepu yukai embanmaryanen, tu pepyopda, domba bisam 99 nge ataprap, tu pepmarenge tep erbarur do, ‘Dakwapye’ tenen, kaukemrur do? Gume, ‘Tu pepmarenge epkun’ tenen, epra embanmaryanen, epre dingeda, ‘Akonum epmane’ tenen, kange deirure.

Luke 15:4-7

4 “Sun kangeda, ware tenepmarum do? Tenpu ngebo er domba bisam 100 kuramenge dinin, tenpungepu yukai embanmaryanen, tu pepyopda, domba bisam 99 nge ataprap, tu pepmarenge tep erbarur do, ‘Dakwapye’ tenen, kaukemrur do? Gume, ‘Tu pepmarenge epkun’ tenen, epra embanmaryanen, epre dingeda, ‘Akonum epmane’ tenen, kange deirure. 5 Konum epyopda, er domba bisam 99 yukai men embanmangedi, tupa apu kunmange nge tep, yambul kange derirur dinin, tenpu tu pepmarenge epyopda, pio ila kange deipredi, tomopra oupre dingeda, er ati tamupra barure. 6 Er ati tamupra beryopda, er kayapu neng yuma tep uperure. ‘Ne domba bisam tu pepmaneuada epmana tep, nun yuma ila di kange deipkamepe,’ perure.” Yesusdi pepu.

7 Upepudi aupu ton pepu. “Adomon upu pepmasentopu, sun nai Allah im deiki kurur ngebo, er kangeda, nimi tenpu ngebo pe ton, er mali kure keca tapredi, dumsisipu kuryopda, kange pio telep derirure. Yuk nesala denge weik, 99 neng mali men kungedi, tupa dumsisipu kungepa, er kange yambul telep derirure dinin, mali nengdi sun mali kun keca tapra, dumsisi kungopda, ila kange derirure.” Yesusdi sun Farisi neng cap, Musa sekeiamu upu peteremna deiyo neng cap tep aupu pepu.