Mat 12:39-42 | XteSC | STEP | Upepipa, Yesusdi aneng tep pepu. Sun ukutaru kumum nengda, Allah upu yanitamnapu kurum neng cadi, yuk keca puda kange deipra talerum neng kurume. Sunda ne tep, teka men tenepnerum neng cadi, sun kurum kecada pepkusene. Ada, sun mali kun keca talepra kurum nengdi, sun men di konum domenge nerapu tapra, yuk ner nyangamengtopu kurume. Sundi ne tapneruma tep pepsene. Atep, kunupsek pen pel cap, nimidi men kupmanto pel cap yumada, nedi ton cap pel men dopkamsene. Allah upu lap peramu ngebo, Yunus kuramu taru kupu keca utopunge, amenda taru kupkamre ngeda, epkamrume. Yuk keca ton cap men karepkamsene.

Matthew 12:39-42

39 Upepipa, Yesusdi aneng tep pepu.

Sun ukutaru kumum nengda, Allah upu yanitamnapu kurum neng cadi, yuk keca puda kange deipra talerum neng kurume. Sunda ne tep, teka men tenepnerum neng cadi, sun kurum kecada pepkusene. Ada, sun mali kun keca talepra kurum nengdi, sun men di konum domenge nerapu tapra, yuk ner nyangamengtopu kurume. Sundi ne tapneruma tep pepsene. Atep, kunupsek pen pel cap, nimidi men kupmanto pel cap yumada, nedi ton cap pel men dopkamsene.

Allah upu lap peramu ngebo, Yunus kuramu taru kupu keca utopunge, amenda taru kupkamre ngeda, epkamrume. Yuk keca ton cap men karepkamsene. 40 Ila mekinadi Yunus amanjuk pepupa, mekina mundu pumbonda, u weneri dakuamnganen, amekinadi Yunus er nong duktapu. Ukuputopu, neda, Nimi Mi Sisa Utopu Ngebo, tu pumbon dakuamanyanen, u weneri tumi konum kupyopda, gam bukronkamne. 41 Niniwe mutu nengda, ‘Yunus erda yambul mambul ngebo,’ tenerami dinin, Allah upu peterepupa, gekepidi, sun mali kurami keca yuma tapi.

Ukupya tep, Allahdi nesala yuma upu bokeipredi, wenepkamre taruda, Niniwe mutu neng tekrapmengedi, sun ataru kumum neng tep, “Sunda, mali kuramrum neng,” pepra, katuai di lap pepkamsenge. Yunus yambul mambul ngebo peterepka deiki di, Niniwe mutu nesala teka tenepi dinin, ukutaruda, ila mambul ngeboda, ne konum yasi dinin, ukutaru peda, sundi ne tep teka men tenenerume.

42 Ange utopu ton, ila nimi deiyo ner, Seba mutu taleamu nerdi, ^{▼▼Seba mutu taleamudi, ila deiyo ner, er upuda 1 Raja-Raja pasal 10 neitamai dirume. Seba mutu perami ngeda, ukutaru amutupu dinin, yuk si Yemen mutu penunge.} ‘Raja Salomo ila kael keamnga deiki di perur upuda, ne ton gekeptene’ tenen, pio karen mutu dinin, er mutu tapra, Salomo damai gekerbeu. Ukupka tep, Allahdi nesala yuma upu bokra deipredi, wenepkamre taruda, aner tekrapredi, sun ataru kumum nesala yuma tep nengeda, “Sunda, pio mali nesala kuramrume,” pepra wenepkamsere.

Ne tek sisi pepsene. Anerda, karen mutu di, ‘Salomodi perur upu gekepkun’ tenen, beu. Tek sisi ngeda, Salomo yambul kael ngebo dinin, neda, ila kael ngebodi, sun kankan konum yasipane, ukutaru peda ne tep teka men tenenerume. Atep nengeda, Seba mutu taleamu deiyo nerdi, sun ukutaru kurumu neng tep, sirya taru wenepkamsere.

Yesusdi sun Farisi neng cap, Musa sekeiamu upu peteremna deiyo neng cap tep, pepu.