Mat 17:14-18 | XteSC | STEP | Sun welepmai mutu deiki di kwerepidi, mutu amnge tapra benmai neng kunmaiya damai yai. Yai dingeda, Yesus er nyapu topnebari (9) neng ukunmaipa tapra benmai neng cap, yuk neng cap, kunmaipane yai.

Matthew 17:14-18

Yesusdi isok taleamu mi kwetepu upu

(Markus 9:14-28; Lukas 9:37-42)

14 Sun welepmai mutu deiki di kwerepidi, mutu amnge tapra benmai neng kunmaiya damai yai. Yai dingeda, Yesus er nyapu topnebari (9) neng ukunmaipa tapra benmai neng cap, yuk neng cap, kunmaipane yai. 15 Atekmai neng kankan tenpu ngebo Yesus damai yaudi, er tep, ‘Gisal dopkun’ tenen, gutam tu dipdongoprapudi, aupu pepu. “Naio, ne mida isok taleamnga deiki di, pio kange mun kange doupra dounmare. Isok taleryare taru yumada, isok puto di dopra, tu deiki taprepa, ule weike talungrure. Tonda, isok taleamudi, ‘Uku pumbon cap, mokon pumbon cap, dongopra popkaman’ tenen, dongopembarure. 16 Ukurura tep, ‘Kan nyapudi, aisok enepkameng’ tenen, moropman dinin, sundi aisok men enepmanto kupmange,” pepra, Isok taleamu mi er naidi Yesus tep pepu.

17 Upepupa, Yesus aupu gekepudi, atekmai neng yuma tep dabal kupupa, aupu pepu. “Sun ataru kumum nesalada, teka men tenenerum nesala cadi, pio mali kurume. Ne dabale tep, ‘Ware kuprap taru di sun damai tupa kunkamne do?’ Tonda, ‘Telep kunkameng do?’ tenen, tamna gum di ware kuprap taru di pio dinapu kunkamsen do? Atep, isok taleamu mida, dopra ne damai duyarume,” Yesusdi pepu. 18 Yesusdi upepka tep, anengdi ami dopra, Yesus damai duyai. Duyai pangeda, ami taleamu isok tep, Yesusdi pepu. “Ami dipruai talepmuma tapmemdi, gupra beo,” pepra enepu pangeda, ataru dipapu aisok ami dipruai di gupra beu. Beu pangeda, ami teleppu kupu.