Neh 7 | XteSC | STEP | Uda, Yerusalem mutu ongopgenepra wiamepu lyom gel beilya konum gawal dakmepu dingeda, ne Nehemiadi ukupsi. Gel beilya buplan tep nengeda, buplan dopmepudi, nedi peipsipa abuplanda bisi banai bon neitamai pasang kemna tep deipra dopi. Ukupsidi, sun buplan kalengna deiyo neng cap, sun Allah upu mut pena deiyo neng cap, tonda Allah er si eremna ati pumbon pel dona deiyo neng, sun melimna neng, Lewi yala neng cap, wepra deipsi.

Nehemiah 7

Yerusalem lyom gel beilya wipra gawal dakipa, Nehemiadi kupu keca tep upu

1 Uda, Yerusalem mutu ongopgenepra wiamepu lyom gel beilya konum gawal dakmepu dingeda, ne Nehemiadi ukupsi. Gel beilya buplan tep nengeda, buplan dopmepudi, nedi peipsipa abuplanda bisi banai bon neitamai pasang kemna tep deipra dopi. Ukupsidi, sun buplan kalengna deiyo neng cap, sun Allah upu mut pena deiyo neng cap, tonda Allah er si eremna ati pumbon pel dona deiyo neng, sun melimna neng, Lewi yala neng cap, wepra deipsi.

2 Tonda, ‘Yerusalem mutu yuma kalekra dinkamre’ tenen, ne weit bo Hanani wepra deipsipa, kalengna deiyo ngebo kupu. Tonda, er melimna tep nengeda, yuk ngebo ton er si Hanania ton wepra deipsi. Angeboda, lyom gel beilya ongopgenepra wiramipa, podan neng men wekmanto ati kalengna deiyo ngebo tep, ‘Panglima benteng, peramengetopu kunkamre’ tenen, wepra deipsipa, ne weit bo tep meliamu.

Uda Hanania wepra deipsa deiyoda ake. Angeboda, nun nai bo Allah tep, pio teka teneramudi, Allah tep, ‘Erda pio mambule,’ teneramudi, kware kuramupa, tek sisi dumsisi ngebo kuramnga tep, wepra deipsi. Yuk nengda, yambul telep kuramidi, Allah tep teka tenerami dinin, erda pio tek sisi teka tenepra telep ngebo kuramu. Atep er cap, ne weit bo capdi, Yerusalem mutu kalengna deiyo neng kuramrei.

3 Atep nedi sun tep pepsi. “Yerusalem mutu ati wengbana tep ukupu dopi buplanda, keteng men dopmaredi bupu men piripmare taruda, buplan pangtamna gume. Keteng deipredi, bupu piripre taruda, abuplan pangtamkamrume. Ukupmamumnyane, konum ipyopda, ka di tamupra buplan dengdongonkamrume. Ada, sun abuplan kalengna nengdi sun tupa kalengmenge taruda, aneng dipu abuplan dekdongopmengedi, bon potokeiamya di, besi keca dopra dongopra dengdongonkamenge.

Ada kapul ipbanmare taru di dengdongonkamenge. Tonda, Yerusalem mutu kunge nesala sun kalengnai tepapu, nimi wepra ketenepkamrume. Ada, sun ati damai bisi buplan cap, gel beilya wipra potokeiamepu buplan cap, yuk bisi buplan dam kalengkamengai cap tep keteneipkurume,” pepsi.

Yuk mutu nengdi doupra benamipa, dakuramyanen, ka di tamupra, sun pe mutu yai nesala, sun si sekeipi upu

4 Ila pala mutu, kota Yerusalemda, go weik akapu dinino, amutu kurami nesalada metek pua. Ange utopu nimi kun ati peda, menop taru di uruptami ngeda, kange di ton cap weika di punupra men dorami. 5 Ange tep nengeda, Allahdi ne tep, ‘Amutu kunge nesala yuma bulupra deipkamre,’ tenepneua cadi, anesala cap, amutu talepra kungedi ‘Ukupkupe,’ penge deiyo neng cap, tonda amutu ila nimi deiyo neng sun amutara pel melimna neng cap yuma epra buluipnyopda, ‘Ware kupra kunung do? Sun naidi dipdongopra er nyapsilip akungetopu nukamne,’ tenepsi.

Menmena gonga kemnada sun apu yapu pumun dorkupyakarami nengdi nukra sengdirami buku deiki di epra nuksi. Tonda, yuk mutu nengdi doupra benamipa, dorbena kuramipane, tamupra yai nesala yuma tep, nukra sekeiamenge peda, adeikipu epsidi nuksi. Abuku neitamai epsi ngeda, ake.

6 Aneitamai di nimi weik tara yumada, Babel mutu nengdi doupra benamipa wangapnenga utopu kwamipane, Babel mutu tapra sun pe mutu tamupra yaidi, Yerusalem mutu cap, Yudea tara cap, sun pe men di kurami mutupu, yana kurami nesala yumada ake. Ada pumun taru Babel mutu ila nimi deiyo ngebo Nebukadnezardi anesala doupra Babel mutu dubenamupa, dakurami nesala yuma tep pepne.

7 Yerusalem mutu tamupra yakarami taruda, sun deiyo talepra kurami nengda adano. Sun sida Zerubabel cap, Yesua cap, Nehemia cap, Asarya cap, Ramya cap, Nahamani cap, Mordekai cap, Bilsan cap, Misperet cap, Bikwai cap, Nehum cap, Bahana cap ukuprap.
8 Paros erdi deipupa deipdanen bei nesala denge weik, dua ribu seratus tujuh puluh dua (2.172) nesala deiamu nesalada Yerusalem mutu tamupra yai.
9 Sefacadi deipupa deipdanen bei nesala denge weik, tiga ratus tujuh puluh dua (372) deiamu nesalada Yerusalem mutu tamupra yai.
10 Arahdi deipupa dadeipdanen bei nesala, denge weik, enam ratus lima puluh dua (652) deiamu nesalada Yerusalem mutu tamupra yai.
11 Tonda Pahat-Moab cap, Yesua cap, Yoab cap, sun weneri nengdi deiami nesala denge pio weik, dua ribu delapan ratus delapan belas (2.818) nesalada Yerusalem mutu tamupra yai.
12 Elamdi deipupa deipdanen barami nesala denge weik, seribu dua ratus lima puluh empat (1.254) deiamu nesalada Yerusalem mutu tamupra yai.
13 Zatudi deipupa deipdanen barami nesala denge pio weik, delapan ratus empat puluh lima (845) deiamu nesalada Yerusalem mutu tamupra yai.
14 Zakaidi deipupa deipdanen barami nesala denge weik, tujuh ratus enam puluh (760) deiamu nesalada Yerusalem mutu tamupra yai.
15 Binuidi deipupa deipdanen barami nesala denge weik, enam ratus empat puluh delapan (648) deiamu nesalada Yerusalem mutu tamupra yai.
16 Bebaidi deipupa deipdanen bei nesala denge weik, enam ratus dua puluh delapan (628) deiamu nesalada Yerusalem mutu tamupra yai.
17 Azgad di deipupa deipdanen bei nesala denge weik, dua ribu tiga ratus dua puluh dua (2.322) deiamu nesalada Yerusalem mutu tamupra yai.

18 Adonikamdi deipupa deipdanen bei nesala denge weik, enam ratus enam puluh tujuh (667) deiamu nesalada Yerusalem mutu tamupra yai.
19 Bikwaidi deipupa deipdanen bei nesala denge weik, dua ribu enam puluh tujuh (2.067) deiamu nesalada, Yerusalem mutu tamupra yai.
20 Adin di deipupa deipdanen bei nesala denge weik 655 deiamu nesalada Yerusalem mutu tamupra yai.
21 Ater cap, Hiskia cap, sundi deipreipa deipdanen bei nesala dengeda 98 deiamu nesalada Yerusalem mutu tamupra yai.
22 Hasumdi deipupa deipdanen bei nesala denge weik 328 deiamu nesalada Yerusalem mutu tamupra yai.
23 Bezaidi deipupa deipdanen bei nesala denge weik 324 deiamu nesalada Yerusalem mutu tamupra yai.
24 Harifdi deipupa deipdanen bei nesala denge weik 112 deiamu nesalada Yerusalem mutu tamupra yai.

25 Gibeondi deipupa deipdanen bei nesala denge weik 95 deiamu nesalada Yerusalem mutu tamupra yai.
26 Tonda Betlehem mutu cap, Netofa mutu neitamai kuramidi deipipa deipdanen bei nesala denge weik 188 nesalada Yerusalem mutu tamupra yai.
27 Utopu Anatot mutu neitamai kuramidi deipipa deipdanen bei nesala dengeda 128 nesalada Yerusalem mutu tamupra yai.
28 Bet-Azmawet mutu neitamai kuramidi deipipa deipdanen bei nesala dengeda 42 nesalada Yerusalem mutu tamupra yai.
29 Kiriat mutu cap, Yearim mutu cap, Kefira mutu cap, Berot mutu cap neitamai kuramidi deipipa deipdanen bei nesala dengeda 743 nesalada Yerusalem mutu tamupra yai.

30 Rama mutu cap, Geba mutu cap, neitamai kuramidi deipipa deipdanen bei nesala dengeda 621 nesalada Yerusalem mutu tamupra yai.
31 Tonda Mikmas mutu neitamai kuramidi deipipa deipdanen bei nesala dengeda 122 nesalada Yerusalem mutu tamupra yai.
32 Betel mutu cap, Ai mutu cap, kurami nesala dengda 123 nesalada Yerusalem mutu tamupra yai.
33 Yuk mutu ton Nebo mutu kurami nesala dengeda, lima puluh dua (52) nesalada Yerusalem mutu tamupra yai.
34 Elamdi deipu yuk nesala yumada denge weik, seribu dua ratus lima puluh empat (1.254) nesalada Yerusalem mutu tamupra yai.
35 Harimdi deipu nesala dengeda weik 320 nesalada Yerusalem mutu tamupra yai.
36 Yeriko mutu neitamai kuami nesala denge pio weik 345 nesalada Yerusalem mutu tamupra yai.
37 Lod mutu cap Hadid mutu cap tonda Ono mutu neitamai cap kurami nesala dengeda 721 nesalada Yerusalem mutu tamupra yai.
38 Senahadi deipu deipdanen barami nesala denge weik, tiga ribu sembilan ratus tiga puluh (3.930) nesalada Yerusalem mutu tamupra yai.

39 Asekeipkun neng sida Babel mutu doupra benamipa dakuramyanen ka di tamupra yai taru, Allah er si eremna ati pumbon pel dona deiyo neng imam-iman neng kurami. Yedayadi Yesua deipupa deipdanen bei nesala dengeda 973 nesala Yerusalem mutu tamupra yai.
40 Tonda nimi er si Imerdi deipupa deipdanen barami nesala dengeda, seribu lima puluh dua (1.052) nesala Yerusalem mutu tamupra yai.
41 Pasyurdi deipupa deipdanen barami nesala dengeda, seribu dua ratus empat puluh tujuh (1.247) nesala Yerusalem mutu tamupra yai.
42 Harimdi deipupa deipdanen barami nesala dengeda, seribu tujuh belas (1.017) nesala Yerusalem mutu tamupra yai.

43 Ange utopu sun Lewi yala neng Babel mutu di tamupra yai taru Yesua cap, Kadmiel cap, Hodewa cap, sundi deipipa deipdanen barami nesala dengeda 74 nesala Yerusalem mutu tamupra yai.

44 Asekeipne neng, sunda mut pena tep deiyo kemna neng cap, tonda Allah upu ati buplan damai kalengna neng cap kurami. Sun sida ake. Ada, Asafdi deipupa deipdanen barami neng denge 148 nesalada, Yerusalem mutu tamupra yai.

45 Allah Yahweh er ati bisi buplan damai kalengami nesala sun sida ake. Ada, Salum cap, Ater cap, Talmon cap, Akub cap, Hatita cap, Sobai cap, sundi deipipa deipdanen barami neng denge 138 nesalada, Yerusalem mutu tamupra yai.

46 – 47 – 48 – 49 – 50 – 51 – 52 – 53 – 54 – 55 – 56 Babel mutu doupra benami nesala dinin ka di tamupra yai taru di deipipa Allah Yahweh er si eremna ati pumbon talepra pel dona deiyo neng tep melimami nesala sun sida ake. Siha cap, Hasufa cap, Tabaot cap,
Keros cap, Sia cap, Padon cap, Lebana cap,
Hagaba cap, Salmai cap, Hanan cap, Gidel cap,
Gahar cap, Reaya cap, Resin cap, Nekoda cap,
Gazam cap, Uza cap, Pasea cap, Besai cap,
Meunim cap, Nefusim cap, Bakbuk cap, Hakufa cap,
Harhur cap, Bazlit cap, Mehida cap, Harsa cap,
Barkos cap, Sisera cap, Temak cap, Neziah cap, Hatifa cap, akonuma.

Sun ukuprap nesala yumada, Yerusalem mutu tamupra yaidi, Allah er si eremna ati pumbon pel dona deiyo neng tep melimami.

57 – 58 – 59 Angeda, pumun taru ila nimi deiyo ngebo Raja Salomo er pel dorami nesalada, Babel mutu nengdi doupra benamipa dakuramyane, sundi deipipa dadeipdanen, baramyanen deipi nyapuda, ka tamupra Yerusalem mutu yai nesala sun si ake.
Sotai cap, Soferet cap, Perida cap,
Yaala cap, Darkon cap, Gidel cap,
Sefaca cap, Hatil cap, Pokheret-Hazebaim cap,
Amon cap, akonuma.

Sun ukuprap nengda, Yerusalem mutu tamupra yai. 60 Atep nengeda, Allah Yahweh er ati pumbon pel dona deiyo nesala, sun melimami nesala cap, nimi deiyo ngebo Raja Salomo er pel melipra dorami nesala cap, Babel mutu nengdi doupra benamipa dakuramyane, sundi deipipa dadeipdanen, baramyanen deipi nyapuda, ka tamupra Yerusalem mutu yai nesala yuma sun dengeda 392 nesala kurami. Anesala yumada, Yerusalem mutu tamupra yai.

61 Ange utopu, Tel-Melah mutu cap, Tel-Harsa mutu cap, Kerub mutu cap, Adon mutu cap, Imer mutu capdi yai nesala dengeda 642 nesala Yerusalem mutu tamupra yai. Yai dinino, sun nai yapudi deiami mutu lap pen surat men kwapupa, sundi, “Nun nai yapuda tek sisi Israel nesala kurami,” pepra lape men pepmanto kurami. 62 Tonda, Delaya cap, Tobia cap, Nekoda cap, sundi deipipa dadeipdanen, baramyanen deipi nyapu dengeda, 642 nesala kurami. Anesala peda Yerusalem mutu tamupra yai.

63 – 64 Tonda, Allah er si eremna ati pumbon talepra pel dona deiyo neng imam yala nengdi deipipa dadeipdanen, baramyanen deipi nyapuda, ka tamupra Yerusalem mutu yai nesala sun nai yapu sida ake. Ada Habaya cap, Hakos cap, Barsilai cap kurami. Tonda angebo Barsilaida, Gilead mutu ngebo kuramudi, Israel yala ngebo er si Barsilaidi deipu ner mi dopka cadi, ataru kurami nesaladi, aGilead mutu ngebo er si tep, Barsilai perami. Anesaladi deipipa dadeipdanen yakaramyanen deiami nyapu ton Yerusalem mutu tamupra yai.

Sun aneng yumada, “Nun nai yapu imam yala nengdi deiamseiya tep, imam pel nundi talepra doptepe,” pepi dinin, sun derina tep lap pen sengna keca epetepi dinin, men epya tep, Allah er ati deiyo nengdi, “Gume, sunda Allah er si eremna ati pumbon talepra pel men doptume. Ada tali tep gume. Allahdi, ‘Imam yala nengpu apel talepra donkamenge. Yuk yala neng yumada, ne ati pumbon pio men wektenge,’ peipseua tep, ‘Sunda imam yala neng tek sisi kurum do, gum do?’ tenen, tenimtona kunmasera tep, Allah er ati pumbon pel men doptume,” pepra aneng tapipa, tali nesala utopu kupra kurami.

65 Ange tep nengeda, Yehuda yala nesala mutu talepra kuramu ngebo Gubernurdi, “Allah tep karenkameng telep keca yumada, sundi ton men jenkamrume,” pepra upu sengamu. “Tonda sun imam neng kapul men wepra deipmapa tep, Allah karenkameng telep keca men jeptume. Dinino, imam neng wepra deipmepepa, sundi, ‘Akeca kupmepya deiki di jenek keipkamser’ tenen, talepra pel donung keca er si Urim cap, Tumim cap deiki di pel dopmenge tarupu, amambul keca dopra jeptum dinin, ukutaruda, kapula,” pepu.

66 – 67 – 68 – 69 Babel mutu doupra benamipane, ka di tamupra sun pe mutu yai nesala gung yumada, pio weik empat puluh dua ribu, tiga ratus enam puluh (42.360) nesala kurami. Tonda anesala sun ati pel melimna nesalada utopu denge weik nerapu cap, nimi cap, tujuh ribu tiga ratus tiga puluh tujuh (7.337) nesala kurami. Tonda, mut pena tep yala nesala yumada nimi pe, nerapu pe, sun dengeda 245 nesala kurami.

Ange utopu, sun anesaladi talepra kurami kuda bisam dengda 736 kuda doupra yai. Tonda yambulanun kuda utopu dinin yuk yala bisam er sida, bagal bisamda, denge weik 245 tamupra duyai. Ange utopu, unta bisam denge weik 435 doupra tamupra duyai. Tonda keledai bisam denge weik, enam ribu tujuh ratus dua puluh (6.720) doupra tamupra duyai. Anesala yuma cap, sun peirami keca yala-yala yuma cap, Yerusalem mutu tamupra duyai.

70 Uda amutu kurami nesala yumadi, Allah Yahweh er si eremna ati ukupunge donkamenge nge cap, gel beilya wipkamenge nge cap, makupra karena tep, sun nai yapupu aco bo bupra karerami. Ton nengda, sun cap kikiman dukdongopra ati dona pel cap, gel beilya win pel cap, tapakra dorami. Tonda sun deiyo ngebo Gubenurda, kunumna weik keca, er sida emas 8 kilogram karepu. Tonda sun imam neng makuna tep, yangdin keca baskom 50 cap, tonda, ‘Sun imam akati pumbon pel donkameng taru kenengkameng’ tenen, kemeja opkal 530 karepu.

71 Ange utopu, yuk ati deiyo neng ton, sun kikiman dukdongopdana kurami nesaladi, kunumna weik keca er si emas bulupra 168 kilogram emas karepi. Tonda, kunumna weik keca, er si perakda, seribu dua ratus lima puluh (1.250) kilogram karepi. Ada mesum tep gume. ‘Allah er si eremna ati dona cap, agel beilya wina cap, kanam kuptu’ tenen, karepi.

72 Ange utopu, sun tali dakurami Israel nesaladi kunumna weik keca er si emas bulupra 168 kilogram emas karepi. Tonda, kunumna weik keca er si perakda, 140 kilogram karepi. Tonda sun imam neng makuna tep, ‘Sun imam akati pumbon pel donkameng taru kenengkameng’ tenen, kemeja opkal 67 karepi.

73 Sun imam neng, Allah er si eremna ati bo pel dona deiyo neng cap, sun Lewi yala nesala cap, Allah Yahweh, er ati bisi buplan damai kalengna neng cap, tonda Allah upu mut pena deiyo nesala cap, Allah er ati pumbon pel dona deiyo neng, sun pel melipra dorami nesala cap, Israel nesala yala-yala yuma dakurami nesala cap, Yehuda mutu neitamai tamupra yai dingeda, sun pe men di kurami mutupu yana yuk-yuk kurami.