Numbers 1
‘Israel nesala sun denge ware kupra kunung do?’ tenen, kael kemna tep, menmena gonga kemnange tep, nuki upu
1Uda, Israel nesala Mesir mutu neitamai dakuramipane, amutu tapra nimi pio men kurami mutu, Sinai mutu neitamai di keteng tamun butene deiki di embaramyane, war butene kupudi, tanggal 1 konum kupkopda, Allah er si Yahwehdi Musa damai yana peipu. Ada, katawai mutu er sida, Sinai mutu neitamai dinin, Allah cap, nimi cap, antamna tep, lyom opkal bol di dodin tenda ati dopra deipinge pumbon, Allahdi Musa tep yana peipu upuda ake. 2Musa kan cap, Harun cap sundi, Israel yala nesala sun denge ware kupra kunung do?’ tenen, si sengna tep, pel dopkurerume. Ada, Israel nesala sun yala-yala yuma akungetopu, aneng yumadi deipipa, dadeipdanen yakanung neng, aneitamai di sun deipi sal nyapsilip yumada, nukrumudi, sun si sekurume. 3Ada, metek nyapu yuma gum dinin, nimida, keteng tamun dua puluh tahun (20) di dipra, itamna nengda, jen talena neng keptenga cadi, jen talena neng kemna tep, sun si sekurume. Ada, yala yuk-yuk gung akuruma utopu, sun si yuma sekurume. 4Israel yala nesala dinin, gung yala-yala yuk-yuk akuruma utopu dinin, agung talena tep deiyo ngebo tenpu-tenpu, yuk-yuk wepra deipkurerume, Ukuprerumupa, sun anengdi, sun melimna tep, sun kikiman di Israel yala neng si sekurume. 5Israel nesala yala yuk-yuk kunga neitamai di, sun deiyo kepra talena tep, wepra deipi deiyo neng cap, tonda, kan Musa cap, Harun cap, Israel nesala sun si sengna tep, wepra deipmempa, sun cap apel donkamrum neng sun sida nukukene. Ada, Israel yala neng, ayala yuk-yuk deiyo kepi neng sun sida, ake. Ruben yala nengdi deipi ngebo, er si Siedeurdi deipu mi, er si Elisur deiyo kepu. 6Simeon yala nengdi deipi ngebo, er si Surisyadai, er mi Selumiel deiyo kepu. 7Yehuda yala nengdi deipi ngebo, er si Aminadab, er mi Nahason deiyo ngebo kepu. 8Isakar yala nengdi deipi ngebo, er si Suar, er mi Netanel deiyo ngebo kepu. 9Zebulon yala nengdi deipi ngebo, er si Helon, er mi Eliab deiyo ngebo kepu. 10Tonda, Yusuf yala nengdi deipipa, dadeipdanen yakarami neng neitamai dinin, Efraim yala nengdi deipi ngebo, er si Amihud, er mi Elisama deiyo ngebo kepu. Manasye yala nengdi deipi ngebo, er si Pedasur, er mi Gamaliel deiyo ngebo kepu. 11Benjamin yala nengdi deipi ngebo, er si Gideoni, er mi Abidan deiyo ngebo kepu. 12Dan yala nengdi deipi ngebo, er si Amisyadai, er mi Ahiser deiyo ngebo kepu. 13Asyer yala nengdi deipi ngebo, er si Okran, er mi Pagiel deiyo ngebo kepu. 14Gad yala nengdi deipi ngebo, er si Rehuel, er mi Eliasaf deiyo ngebo kepu. 15Naftali yala nengdi deipi ngebo, er si Enan, er mi Ahira deiyo ngebo kepu. 16Israel yala nesala neitamai dinin, yala dua belas kuramitopu, anesala neitamai di, Allahdi, “Ayala-ayala deiyo nengpu, yuk-yuk wepra deipkurume,” peiputopu, sun butenedi wepra deiprei. 17– 18Sun anengdi, nimi dua belas wepra deipreipa, sun anengda Israel nesala deiyo neng kuramya cadi, anengdi Musa cap, Harun cap, sundi melipra si seki. Ada, Israel yala nesala sun yuma tep upepi, “War butene keprepa, tanggal tenpunge kepre tumida, yuma buprumudi, sun si yuma sekurume,” pepi. “Ada, sun deipgerekropa, yuma yuk-yuk, sun mutu yuk-yuk kuruma utopu, sun si peda, yuk-yuk si sekurume,” peprei. Tonda, ada nimipu, keteng tamun, dua puluh tahun di dipra, itamna konum keamre nengpu, sun nimi yumada, sun si yuk-yuk sekra nuknapu kupi. 19Ange kupi ngeda, Allah er si Yahwehdi Musa tep peiamutopu, Musa cap, Harun cap, Sinai mutu deiki katawai mutu neitamai di, Allah apeiamunge utopu kupra, Israel nesala sun nimi si sengna pel doprei. 20Uda, angeda Yakub, er si ton Israel, erdi menmena deipu weni mi, er si Ruben, erdi deipupa, dadeipdanen yakarami neng, ayala neng sun nyapsilip akuramenga neitamai di, sal nyapu sun umur Keteng tamun konum dua puluh tahun itara keamre nengda, sun jen talepmanto neng kuramya cadi, anengda sun yala cap, akunga utopu, sun si yuma yuk-yuk si seki. 21Gonga kemnada, Yakub ▼▼Yakub – Angebo Yakubda, Allahdi er si ton Israel karepu. Atep, Perjanjian Lama kure buku neitamai yumada, ton taruda, Israel sekinge, er angebo Yakub tenena tep seki. Ton taruda, sun Israel yala nesala yuma tenena tep, ‘Israel’ seki. Acada, er Yakub tep seki.
er mi menmena deipu ngebo Ruben yala ngebodi deipupa, dipdongopra deiami neng sida, denge pio weik, empat puluh enam ribu, lima ratus (46.500) neng, sun si nukra seki. 22Tonda, Simeondi deipupa, dadeipdanen yakarami neng, ayala neng sun nyapsilip akuramenga neitamai di, sal nyapu sun umur Keteng tamun konum dua puluh tahun di dipra, itara keamne nengda, sun jen talepmanto neng kuramya cadi, anengda sun yala cap, akunga utopu, sun si yuma yuk-yuk si seki. 23Simeon yala ngebodi deipupa, dipdongopra deiami neng sida, denge pio weik, lima puluh sembilan ribu, tiga ratus (59.300) neng, sun si nukra seki. 24Tondak Gaddi deipupa, dadeipdanen yakarami neng, ayala neng sun nyapsilip akuramenga neitamai di, sal nyapu sun umur Keteng tamun konum dua puluh tahun di dipra, itara keamne nengda, sun jen talepmanto neng kuramya cadi, anengda sun yala cap, akuramya utopu, sun si yuma yuk-yuk si seki. 25Gad yala ngebodi deipupa, dipdongopra deiami neng sida, denge pio weik, empat puluh lima ribu, enam ratus lima puluh (45.650) neng, sun si nukra seki. 26Tonda, Yehudadi deipupa, dadeipdanen yakarami neng, ayala neng sun nyapsilip akuramya neitamai di, sal nyapu sun umur keteng tamun konum dua puluh tahun itara keamne nengda, sun jen talepmanto neng kuramya cadi, anengda sun yala cap, akuramya utopu, sun si yuma yuk-yuk si seki. 27Yehuda yala ngebodi deipupa, erdi dipdongopra deiami neng sida, denge pio weik, tujuh puluh empat ribu, enam ratus (74.600) neng, sun si nukra seki. 28Tonda, Isakardi deipupa, dadeipdanen yakarami neng sida, ayala neng sun nyapsilip akuramya neitamai di, sal nyapu sun umur Keteng tamun konum dua puluh tahun di dipra, itara keamne nengda, sun jen talepmanto neng kuramya cadi, anengda sun yala cap, akuramya utopu, sun si yuma yuk-yuk si seki. 29Isakar yala ngebodi deipupa, dadi dipdongopra deiami neng sida, denge pio weik, lima puluh empat ribu, empat ratus (54.400) neng, sun si nukra seki. 30Tonda, Sebulondi deipupa, dadeipdanen yakarami neng, ayala neng sun nyapsilip akuramya neitamai di, sal nyapu sun umur keteng tamun konum dua puluh tahun di dipra, itara keamne nengda, sun jen talepmanto neng kuramya cadi, anengda sun yala cap, akuramya utopu, sun si yuma yuk-yuk si seki. 31Sebulon yala ngebodi deipupa, dadipdongopra deiami neng sida, denge pio weik, lima puluh tujuh ribu, empat ratus (57.400) neng, sun si nukra seki. 32Tonda, Yusup yala neng neitamai dinin, er si Efraimdi deipupa, dadeipdanen yakarami neng, ayala neng sun nyapsilip akuramya neitamai di, sal nyapu sun umur Keteng tamun konum dua puluh tahun itara keamne nengda, sun jen talepmanto neng kuramya cadi, anengda sun yala cap, akunga utopu, sun si yuma yuk-yuk si seki. 33Efraim yala ngebodi deipupa, dadipdongopra deiami neng sida, denge pio weik, empat puluh ribu, lima ratus (40.500) neng, sun si nukra seki. 34Tonda, Manasyedi deipupa, dadeipdanen yakarami neng, ayala neng sun nyapsilip akuramya neitamai di, sal nyapu sun umur Keteng tamun konum dua puluh tahun dadi dipra, itara keamne nengda, sun jen talepmanto neng kuramya cadi, anengda sun yala cap, akuramya utopu, sun si yuma yuk-yuk si seki. 35Manasye yala ngebodi deipupa, dipdongopra deiami neng sida, denge pio weik, tiga puluh dua ribu, dua ratus (32.200) neng, sun si nukra seki. 36Tonda, Benyamindi deipupa, dadeipdanen yakarami neng, ayala neng sun nyapsilip akuramya neitamai di, sal nyapu sun umur Keteng tamun konum dua puluh tahun itara keamne nengda, sun jen talepmanto neng kuramya cadi, anengda sun yala cap, akuramya utopu, sun si yuma yuk-yuk si seki. 37Benyamin yala ngebodi deipupa, dadipdongopra deiami neng sida, denge pio weik, tiga puluh lima ribu, empat ratus (35.400) neng, sun si nukra seki. 38Tonda, Dandi deipupa, dadeipdanen yakarami neng, ayala neng sun nyapsilip akuramenga neitamai di, sal nyapu sun umur keteng tamun konum dua puluh tahun itara keamre nengda, sun jen talepmanto neng kuramya cadi, anengda sun yala cap, akunga utopu, sun si yuma yuk-yuk si seki. 39Dan yala ngebodi deipupa, dadipdongopra deiami neng sida, denge pio weik, enam puluh dua ribu, tujuh ratus (62.700) neng, sun si nukra seki. 40Tonda, Aserdi deipupa, dadeipdanen yakarami neng, ayala neng sun nyapsilip akuramya neitamai di, sal nyapu sun umur keteng tamun konum dua puluh tahun itara keamne nengda, sun jen talepmanto neng kuramya cadi, anengda sun yala cap, akuramya utopu, sun si yuma yuk-yuk si seki. 41Aser yala ngebodi deipupa, dadipdongopra deiami neng sida, denge pio weik, empat puluh satu ribu, lima ratus (41.500) neng, sun si nukra seki. 42Tonda, Naftalidi deipupa, dadeipdanen yakarami neng, ayala neng sun nyapsilip akuramya neitamai di, sal nyapu sun umur Keteng tamun konum dua puluh tahun itara keamne nengda, sun jen talepmanto neng kuramya cadi, anengda sun yala cap, akuramya utopu, sun si yuma yuk-yuk si seki. 43Naftali yala ngebodi deipupa, dadi dipdongopra deiami neng sida, denge pio weik, empat puluh enam ribu, lima ratus (53.400) neng, sun si nukra seki. 44Ange sekmap neng, sun si cap, nomor capda, Musa cap, Harun cap, sun Israel yala nesala, sun yala-yala yuk-yuk akuramitopu, sun ila deiyo neng, sun dua belas deiyo kepi neng capdi, Israel yala neng, jen talepmanto neng tep, sun nimi si kikiman sekra deipi. 45Ukupra nimi si yuma sekra deipya cadi, Israel nesala sun yala-yala yuk-yuk akuramitopu, nimida keteng tamun dua puluh (20) tahun di, deiki tara kurami neng, jen talepra sun podan neng tep, mar porbenmanto neng kuramya tep nukrapidi, sun si seki. 46Jen talepmanto neng tep, si sekami neng yumada, denge pio weik enam ratus tiga ribu, lima ratus lima puluh (603.550) neng kurami. 47Dinino, sun Lewi yala nengda, yuk Isarel yala neng cap, sun si sengnaida, tapakra men sekami. 48Deiyoda ake. Allah Yahwehdi, Musa tep, “Ukupkamrume,” peiamutopu kurami. 49Allahdi Musa tep upeipu. “Ada, nimi jen talena neng tep, ‘E, angeboda jen ngebo keptue,’ tenepmumdi, si sekumum taruda, sun Lewi yala nengda sun si men sengkamrume. Israel nesala yala-yala yuma nungkamrum taruda, sun Lewi yala nengda, sunpu sun si sekra men nungkamrume,” pepra deipu. 50Tonda, Allahdi upeipu. “Sun Lewi yala nengda, jen talen neng men kupkamnung dinin, ne cap, nimi cap, antamna ati cap, akati pumbon kunkamre keca capda, ketenemdirbeso. Akati keca yuma tep kalengkamrume,” pepkurume. Tonda, sun aneng pelda, ne si eremna tep, keana dodin ati dona cap, akati neitamai kun keca yuma cap tep, ketenemdina neng kunkamrume. Sun Israel nesala tenpu mutu tapra yuk mutu benkamrum taruda, sun Lewi yala nengdi akati cap, akati pumbon kunkamre keca cap, keteneprumudi, ange yuma dopropmumdi dubenkamrume. Tonda, sun Lewi yala neng dipapu, Allah er si eremna ati damda, sun pe opkal ati deiprumudi, ongopdongopkamrume. Allahdi upepra deipseue,” pepra lap penkamrume. 51Tonda, ukupmantoda, ton mutu dakuramrumnyanen, gopra yuk mutu ton bena kunkumum taruda, Lewi yala neng dipapu, Allah Yahweh cap, nimi cap, antamna tep, keana dodin atida urumkamnunge. Angeda, urupra yukai dubengedi, sun pe keana dodin ati bena dopmengaipu, ne cap, nimi cap, antamna atida bena donkamnunge. Atep, ne cap, nimi cap, antamna atida, sun Lewi yala nengdipu urumna cap, kange di tamupra dopra derina capda, kunkamnunge. Yuk yala nesala pio gume. Lewi yala gum neng ton akati damai embengopda, popmumpa denapu kunkamnunge. 52Yuk yala Israel nesala yumada, sun adipapu Allah Yahweh si eremna tep, opkal bol di keana dodin tenda ati damaida, sun pe ati men deipkamnunge. Ange gum dinin, taliaipu, sun yala-yala yuk-yuk akuramengtopu, gung kepra, sun ke taru dodin ati donkamnunge. Akati donada, tenpu-tenpu neng yuma bupra, gung tenpu kepra donkamnunge. Ada, peten kemdina tep keca, co deiki deipmengedi, dana-dana yumada, sun atipu ongopdongopra donkamnunge. 53Sun Lewi yala neng puda, ne cap, nimi cap, antamdana tep, tenda opkal bol ati dopmenga dana-danapu sun ati peda, ongopgenepra donkamnunge. Ukupmenga deiki di, ne cap, nimi cap, antamna atida, mali nengdi mali kupnung’ tenen, sun Lewi nengdi kalengkamenge. Kalengmenga deiki di, sun yuk nesala ton men embankamnunge. Ukupmanto, yuk yala nesala ton akati damai yangopda, ‘Ne yu kupnerepa, sun Israel nesala yuma, sun deikipu sun wenemna tep, ikin keca deipsenun’ tenen, pepsene. 54Ange tep nengeda, Allah Yahwehdi, Musa tep, pepra deipka utopu, Israel yala nesala yuma gekepra kael kepidi, apeipu utopu dukdongopra pel dorami.
Copyright information for
XteSC