Psa 8:4-6 | XteSC | STEP | Allah kandi im ketekepra deipmumdi, ware cap, kuru cap yuma, ketekepmum keca yumada, ne asuru di dinedi, ‘Uo, angeda pio telepe’ tenen, mambul kange donune. Kan pe buru di, im neitamai kure keca yuma ketekepra deipmumdi, ‘Acapu kunkamre,’ teneramumtopu, deipmumpa tupa akureto ne asuru di dine taruda, nedi, ‘Uo, angeda pio telepe’ tenen, mambul kange donune.

Psalms 8:4-6

4 Allah kandi im ketekepra deipmumdi, ware cap, kuru cap yuma, ketekepmum keca yumada, ne asuru di dinedi, ‘Uo, angeda pio telepe’ tenen, mambul kange donune. Kan pe buru di, im neitamai kure keca yuma ketekepra deipmumdi, ‘Acapu kunkamre,’ teneramumtopu, deipmumpa tupa akureto ne asuru di dine taruda, nedi, ‘Uo, angeda pio telepe’ tenen, mambul kange donune.
5 Im neitamai ketekepra deiamum kecada, pio mambul keca cadi, ange yuma epnyopda, utenenune. ‘Gume, nimi tep kandi tenesemem ngeda, kandi ware keca deiyo tep, nun tuai nesala tep melipra kalengserum do? Tonda, nimidi deipmengepa, dadeipdanen yakaramenganen, kunge nyape yumada, kandi ware keca deiyo tep, bicau tenesememdi, melipra kalengserum do?’ tenenune.
6 Nun nai Allah, kan cap, kan im deiki melimna neng, sun malaikat yuma cap, tek sisi ila mambul kurumudi, akeca-keca yuma deiki tara kurume. Dinin, nimi tuai nesalada, yambula di sun amutara ketekepra deipsemume. Im deiki kure keca yuma, deiki tara kurepa, nunda akeca yuma amutarapu deipsemum dinin, nunda telep kupra ketekepra deipsemuma tep, ton tara nesaladi, ton tara nesala tep, ‘Sunda telepe,’ pepra gispal dodanunge.