Psa 124 | XteSC | STEP | Daud kange deipra mut pena deiki di pepu. Ne kayapu, Allah Yahwehdi nun Israel nesala tep, ‘Makunkamsene,’ pepra, men peserura cadi, nun damaida, ware ikin keca yasetu do?

Psalms 124

Israel nesala yuma bulupra, Allah er si eremna ati, Yerusalem mutu damai welerbarami taru perami mut

1 Daud kange deipra mut pena deiki di pepu.
Ne kayapu, Allah Yahwehdi nun Israel nesala tep, ‘Makunkamsene,’ pepra, men peserura cadi, nun damaida, ware ikin keca yasetu do?
2 Tonda, yu mutu neng yumadi, nun Israel nesala tep, ‘Aneng popbisipkamep’ tenen, nun kori yanamsei taruda, nun nai bo Allah Yahwehdi, men meliamseu do? Gume meliamseupa, ikin keca nun damai men kwamseu dinin, Allahdi men meliamsetu teptoda, ware ikin keca ton nun damai kwamsetu do?
3 Tonda, sun yu nengdi nun tep sun yuda uku bu jeramretopu, nun deiki deriramsei taruda, nun nai Allah Yahwehdi, nun men meliamsetu teptoda, nun podan nengdi, konum popbisiamsetenge. Allahdi nun men meliamsetu teptoda, anengdi nun tep, gam kepman popra amanjuk pepramsetenge.
4 Ukupmantoda, Allahdi nun tep men meliamsetu teptoda, sun yu nengdi, popra gawal dakramsetenge. Ukupmantoda, ila me opredi akeca-keca yuma doupra baramretopu, kwamsetenge.
5 Nun podan nengdi, poryasei taruda, jen talen nengda denge pio weik yanamya cadi, anesaladi, ‘Israel nesala popkamepe’ tenen, yana popbisipsetengedi, me oramretopu kamsetengepa, menengapu deamtepe dinino, nun nai bo Allahdi meliamseua cadi, men popbenamsei.
6 Ukupmantoda, bura tara kuramre yu pus er sida singa pusdi, yuk gam kure keca popkurya tep, si topra bolbolo peramretopu, yu nengdi nun yana talepra pomsetenge dinino, nun nai bo Allahdi nun tep meliamseua cadi, angeda men kwamsei. Atep, Allah er si erepra gispal donkamepe.
7 Ange utopu, ukupmantoda, ma pena pepmangai, ma mangkau di wekrorepa youprepane, loptapra baramretopu, Allahdi nun tep lyepra deiamseu.
Tonda, ma pena pumbon wekrepa youaprepane, tapu buluktaprepa guptapra baramretopu, nun nai Allahdi nun tep ukupra deiamseu. Ada Allahdi, nun podan neng kan-kan neitamai di, lyepramseu.
8 Atep nengeda, nun melimna deiyo ngeboda, Allah Yahweh er tenpu kurure. Nun tep melimyakankamser ngeboda, Allah Yahweh er tenpu kurure. Allah erda, ila kwemdina deiyo ngebo kurura cadi, tuai mutu ban-ban yuma cap, im deiki kure keca yuma capda, er dipapu ketekepu.