Psa 126 | XteSC | STEP | Kange derina deiki di amut pepi. Pumun taru Babel mutu nengdi, Israel nesala weika di tomopra dubenamipane, Allah Yahwehdi tamupra Sion mutu yana deipseu taruda, nimidi ken deiki epmange keca tep kange loprepa, sun nimi kange deriramengtopu kupra kange lopseu.

Psalms 126

Yerusalem mutu welerbarami taruda, Allah er si eremna tep amut perami

1 Kange derina deiki di amut pepi.
Pumun taru Babel mutu nengdi, Israel nesala weika di tomopra dubenamipane, Allah Yahwehdi tamupra Sion mutu yana deipseu taruda, nimidi ken deiki epmange keca tep kange loprepa, sun nimi kange deriramengtopu kupra kange lopseu.
2 Ataruda, pio pingping kupseupa, autupmepudi, nun nai Allah tep kange lon mut peramepu. Allahdi tamupra Sion mutu yandeipseu taruda, sun dana-dana tara kurami nesala yumadi, nun tep uperamsei. ‘Uo, Allah er si Yahwehdi, sun Israel nesala tep, ila mambul pel konum dopseue,’ perami.
3 Aneng yumadi uperamitopu, tek sisi nun peda utopu penupe. Allah er si Yahwehdi, nun Israel nesala tep, pio mambul pel konum dopseue. Atep nengeda, nun pio pingping kange doupra teleppu kunupe.
4 Ukupmantoda, mo pio men cemamre mutu, katuai mutu neitamai dinin, Allahdi kareprepa, me pukra embaredi, tamupra tu telep kupra deriramretopu, nun nai Allah er si Yahwehdi, nun kange mun kuramseunge tep, punupra telep kudinmasere tenepmepe. Ada, me pio gum mutu, amutu sida Negeb mutu neitamaida, me pukra embaramretopu, Allahdi ukupra deipmasere.
5 Ukupmaserenge tep nengeda, nundi aupu ton pepnupe. Nimi yuma engepra asi me deiki dipapu embangedi, wa pepra yal keca bolokamengepane, ayal keca bongopredi, nong kuprepa, kinge taruda ila di kange deipmengedi, sun kange lon mut penkamenge.
6 Ange utopu, nimi asi me deiki dipapu engepra embangedi, yal keca bolokmenge dingeda, kange di tamupra bengedi, kange deipra mut penkamenge. Ada, kouamenge keca wisiprepa, kipra deipmengedi, doupra yakange taruda, kange lon mut pepmengedi, duyakankamenge.