Psalms 127
Allah er si eremna ati bana tep, Yerusalem mutu welerbarami taruda, amut perami
1Raja Salomodi kange deipra mut pena deiki di pepu. Allah Yahweh dipapu, tenpu ati men dopyopda, akati dopkameng nengda mesum tepapu tali ati donkamenge.
Ange utopu, Allah Yahwehdi, tenpu ila kota tep, men kalekyopda, sun akota kalengkameng neng peda, tali tepapu kalengkamenge.
2Ware neng do yuma, pio ipna sisa di bukra, pel donmangepane, ipya peda, tali pel tepapu donkamenge. Tonda utopu tenpu ngebo ton, ‘Ne jen keca dopropkamne’ tenen, tenpu tumi pio pe deipra donmarya peda, tali tepapu donkamre.
Deiyoda, sun nai Allah Yahwehdi sun tep, jen keca yala-yala yuma, kareserure. Allahdi nun nimi yuma konum ketenepra deipseua cadi, erdi nun tep bicau teneseredi, nun putaseretopu, karenkamsere. Allah Yahwehdi, nun nimi yuma tep bicau teneseredi, nun mana tep, go kareserepa, manupe.
Ukuserya tep nengeda, Allah tep men teka tenepmepe dipapu, pio pe deipra tali pelpu dortamna gume. ‘Allahdi melimserya deiki dipu kunupe,’ tenepra pel donkamepe.
3Tek sisi nun nimidi derinup nyapu yumada, Allah er pedipapu tali kareserura cadi, anyapu yumada, ‘Allahdi nun nyapu yumada, maton keca kareramengtopu kareserure,’ tenenkamepe.
4Kaber taru dipapu, sal nyapu weika di derinung nesalada, ukupmanto nimi tenpu ngebodi, mare weika di palupra douramre utopu, kununge.
5Ware ngebo do yuma, sal nyapu weika di deriramre ngeboda, er angeboda, ‘Allahdi sal nyapu weika di palupra karenerure,’ tenen, kange pio derinkamre. Ukupmantoda, mare weik palupra douramre ngebodi, kange deriramretopu, kupra kange derinkamre.
Tonda, ware ngebo do yuma, sal nyapu weika di deiamre ngeboda, er podan neng, yakange taruda, men kwar kunkamre. Er podan neng, Yakanmanyane, gel beilya buplan dam yanga peda, ali men dangkamre.
Copyright information for
XteSC