Psa 129 | XteSC | STEP | Israel yala nesala yumada, ila tumi konum kupre taruda, Yerusalem mutu bana tep, amutu welerbangedi, amut penkamenge. Uo, nun nai Allah, nun pona tep nengdi, ortaru ton, ataru ton weika di poryakasenunge. Ada, ne yambul mi kuramsi taru di dipra, ne tupa gam kune taru yuma neitamai di, tupa pio ukununge. Teka, nun Israel yala nesala yumadi, kikiman aupu ton penkamepe.

Psalms 129

Allahdi, Israel yala nesala tep, ‘Popkamepe,’ tenenung nengda, popra gawal daktue’ tenen, moropu upu

1 Israel yala nesala yumada, ila tumi konum kupre taruda, Yerusalem mutu bana tep, amutu welerbangedi, amut penkamenge.
Uo, nun nai Allah, nun pona tep nengdi, ortaru ton, ataru ton weika di poryakasenunge. Ada, ne yambul mi kuramsi taru di dipra, ne tupa gam kune taru yuma neitamai di, tupa pio ukununge.
Teka, nun Israel yala nesala yumadi, kikiman aupu ton penkamepe.
2 Uo, nun nai Allah, nun yambul nyapu kurammepu taru di dipra, nun gam kunup taru yuma neitamai di, ayu nengdi tupa-tupa poryakanapu kusenunge.
Ayu nengdi, poryakanapu kungedi, porpeteramsei dinin, kapul men popra gawal daksei.
3 Ukupmantoda, nimidi sun wa tu paliramengtopu, ayu nengdi, nun nong deiki popsengepa, ila dila utopunge, ikin keca derisnenunge.
Ukupmantoda, nimidi sun wa pena neitamai, tu lyoma di palipra deriramengtopu, er sida kerut, ayu nengdi, ikin keca pio weika di nun nong deiki deipsengedi, ila susu dila derisenunge.
4 Allah er sida Yahweh, pio telep dumsisipu ngebo kurure.
Pio mali kunung nengda, nun pona tep nengdi, ateng koupdongopsei dinin, Allahdi, atapu yumada sektapudi, loptapra lyepropseu.
5 Ware neng do yuma, sundi nun Yerusalem mutu neitamai kunup neng tep, ‘Nun songe,’ tenesenung nesala yumada, ‘Kan Allahdi anesala yuma weneptumpa, nun tapsetengedi, sun pe mutupu tamupra betengepa, ali pio weik dakamenge’ tenen, moropkepe naio.
6 Ada, nun nimi ati arum deiki manmaneng tali paramre dinin, menmena di gum kuramretopu, ‘Nun pona tep neng peda, menmena depkameng’ tenen, morokenupe.
Ada, amanmanengda, keteng bupu doprepa yaredi, menmena gelal seproprepa, kwenepra donongameptopu, ‘Allah kandi nun pona tep neng tep, menmena di wenepra poptume’ tenen, morokenupe.
7 Gandum sekra kirameng nengdi, agelal semre manmanengda, ‘Akecada dakwapye. Ange yumada, donokamepe,’ tenengedi, amanmaneng men kipmengedi, sun buru tang di, tapke di akeca getepra men dubanunge.
Teka, gandum sekra kirameng nengdi, ‘Tali aparamre manmanengda, tali keca pua,’ tenengedi, sun buru di akeca kipra men dubanunge.
8 Nun Israel yala nesala tep, ‘Nun songe,’ tenesenung nesalada, sun wa penge taru yumada, yuk nesaladi, awa tu damai embangedi, awa pel don neng epmengedi, sun tep, “E, nun kayapu telepe. ‘Nun nai Yahwehdi sun tep, telep kudinkamser’ tenen, Allah tep moronkamsepe,” pio men penkamenge.
Ange utopu, awa pena neng tep, sun damai embankameng neng tep, ‘E, telepe. Allah Yahweh er si deiki di, telepe pepsepe. Allahdi sun tep, telep kudinkamser’ tenen, Allah tep moronkamsepe,” pio men penkamenge.