Psa 131 | XteSC | STEP | Israel nesalada, ila tumi konum kupre taruda, Yerusalem mutu welerbankameng taruda, amut penkamenge. Apenkameng mutda mazmur upu mut er nimi sida, Dauddi seku. Ne nai Allah, ne kange dipru yumada, salnong-nong kunedi, men eremdanedi pio men kunune. Tonda, ne urasin erepnedi, ‘Neda telep ngebo,’ tenedana gum di, men gemenune. Tonda, ila mambul pel cap, pio puto weik keca cap tep, ‘Ne dipapu ange yumada kuptene’ tenen, men pirirterenune. Angeda, nedi pio men kupmanto keca tep, ‘Dakwapye’ tenenune.

Psalms 131

Allah tep teka tenena tep pepu upu

1 Israel nesalada, ila tumi konum kupre taruda, Yerusalem mutu welerbankameng taruda, amut penkamenge. Apenkameng mutda mazmur upu mut er nimi sida, Dauddi seku.
Ne nai Allah, ne kange dipru yumada, salnong-nong kunedi, men eremdanedi pio men kunune.
Tonda, ne urasin erepnedi, ‘Neda telep ngebo,’ tenedana gum di, men gemenune.
Tonda, ila mambul pel cap, pio puto weik keca cap tep, ‘Ne dipapu ange yumada kuptene’ tenen, men pirirterenune. Angeda, nedi pio men kupmanto keca tep, ‘Dakwapye’ tenenune.
2 Ange men kunun dinin, ne kange dipru neitamai yumada, ‘Uo, ware kuptene do?’ tenen, men kununa cadi, tali dim peprapu kunune.
Ukupmanto ngeda, metek milo nyapudi, moum konum jepmengopda, sun nin yapu damai bukmengedi, tali kange dopra kuramengtopu, ne peda utopu kunune.
Teka ne kange dipru neitamai, metek milo nyapu, moum konum jepmengedi, konum boupyopda tali kange doupra kuramengtopu kunune. Atep, ‘Uo,’ tenen, kware men kunerure.
3 Sun Israel yala nesala yumada, ‘Allah Yahweh, er dipapu nun tep lyepsetue’ tenen, sun kange dipru yuma, er deikipu derinkamrume.
Ada, ataru cap, amenda taru cap, dorkunkamre taru yuma capda, er tepapu pio teka tenenkamrume.