Psa 133 | XteSC | STEP | Raja Dauddi aMazmur upu deiki mut seku. Israel yala nesalada, ‘Allah er si eremkamep’ tenen, Yerusalem ila ati arum domi mutu welerbarami taruda, aMazmur upu mut deiki di perami. Dauddi sekra deipu upuda ake. Ware nesala do yuma, podana cap, pangdana cap gum dipapu, kikiman kunge taru yumada, kange deipra teleppu kuramtenge teptoda, angeda pio telepe pua.

Psalms 133

“Nimida, podana cap, pangdana cap, kuna gum dipapu, kange deipmengedi, telep kupra kikiman kunada, pio telepe,” pepu upu

1 Raja Dauddi aMazmur upu deiki mut seku.
Israel yala nesalada, ‘Allah er si eremkamep’ tenen, Yerusalem ila ati arum domi mutu welerbarami taruda, aMazmur upu mut deiki di perami. Dauddi sekra deipu upuda ake.
Ware nesala do yuma, podana cap, pangdana cap gum dipapu, kikiman kunge taru yumada, kange deipra teleppu kuramtenge teptoda, angeda pio telepe pua.
2 Ukupmantoda, Allah er si eremna pel dona deiyo ngebo, er si Harun tep wepra deiami taru, ‘Imam deiyo ngebo kunkamre’ tenen, peten kemna tep nengeda, ataruda kunumna weik minyak me, er sida minyak Zaitun dopra, er giso deiki dikra deipipa, aminyak me utara embeudi, Harun er bana potong deiki embeupa, abulupi nesala yuma ange epidi, kange deipra kurami. Anesaladi kange deipra kuramitopu, nimi yumadi kange deipdangedi, kikiman kuramtenge teptoda, angeda pio telepe pepne.
Teka aminyak zaitun dikra deipipa, Harun er bana potong deiki embeudi, er lyom opkal, er sida juba, aopkal er kum damai bena, bul kemna tep likra deipi. Sun ataru bulupmai nesala yumadi, ange epidi kange deipi.
3 Tonda, ange utopu, nimida kikiman kungedi, kange deipdatengedi, telep kupra kikiman kuramtenge teptoda, angeda pio telepe.
Ukupmanto ngeda, ila lyom mutu, er sida Hermon mutu bukua dupai deiki tarada, ipna taru mo purya weik saktuopda, amutu kunge nesala epmengedi, kange derinunge.
Ange utopu, tuai nesaladi, kikiman kutengedi, kange deipdatengedi, kuramtenge teptoda, angeda pio telepe pua.
Sion mutu deiki, ipna taru mo purya sakyopda, amutu kunge nesala epmengedi, kange derinunge.
Ada tali tep gume. Deiyoda, ake. Pumun taruda, Allah Yahwehdi, “Sion mutu neitamai kunkameng nesalada, pio telep kupra derinkamsene,” pepra, pedina upu deiki di peiamu. Ada, “Israel yala nesalada, amenda dorkyankamre taru yumada, gam pio kuna deiyo keca karenkamsene. Sunda men gum kupbankamenge,” pepu.