Psa 136 | XteSC | STEP | Nun nai bo Allah Yahwehdi, nun Israel nesala tep, “Pio tep bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere. Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.

Psalms 136

Allah Yahwehdi, nun Israel nesala tep, “Sunda, bicau tenepsenedi, melimkamsene. Pio teleppu kupra derinkamsene,” pepra, pedina upu deiki di peipseua cadi, er tep “Nun nai pio telepe,” pepra, er sipu eremkamepa tep, seku upu

1 Nun nai bo Allah Yahwehdi, nun Israel nesala tep, “Pio tep bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere. ^{▼▼men tapkamsere – Akalimat yumada, Ibrani upu deiki di, tenpu kata tep penunge. Ada, sundi ‘hesed’ penunge. Yuk Allah upu buku neitamaida, aupu deiyo tep, ‘Kasih-Nya kekal’ pepra sengnunge. Dinino, aupu ‘hesed’ ngeda, er upu deiyo yuk ton akapmara cadi, nundi, ‘Ketengban nesaladi, aupu pio telep kupra kael kepkameng’ tenen, aupu deiyo ngeda, pio jenek kupra lengkap sekmepu.}
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
2 Tonda, nimidi, ‘Nun nai boda, ake’ tenen, yuk tali keca tep, si eremenge keca yumada, nun nai bo Allahda, atali keca yuma deiki tara kuredi, akeca-keca yala-yala yuma talepra, pio puto weik kurure. Tek sisi Allahda, er tenpua.
Tonda, Allahdi, nun Israel nesala tep, “Pio tep bicau tenesenedi, tupa-tupa melimkamsene. Pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe. ^{▼▼penkamepe – Sundi, ‘Ware deiyo tep, akalimat butene tupa-tupa seki do?’ teneprum tenen, lap pepmepe. Deiyoda, sun Ibrani upu penge nengda, ton taruda, kange lon mut upu neitamaida, mambul upu konum pepmengedi, adipapu kange di ton cap, berulang kali penunge. Atep, sun Ibrani upu deiki seki Mazmur upu neitamai pepitopu, nun peda utopu sekmepu. Ada, Ibrani upu ‘hesed’ deiyonge yuma katuai di berulang kali sekmupu.}
3 Ange utopu, deiyo kepra, yuk puto kure keca yumada, nun nai bo Allah Yahweh, erda sun deiki tarapu kurura cadi, tek sisi Ila Deiyo Kure Ngeboda, Allah er tenpua.
Allah Yahwehdi, nun Israel nesala tep ngeda pepseu. “Pio tep bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
4 Ada, akeca-keca yala-yala yuma ketekepra deiamu deiyo ngebo kuredi, er dipapu ila mambul kunupsek pen pel cap, nimi men kupmanto pel cap dorure.
Allah Yahwehdi, nun Israel nesala tep pepseu. Ada, “Pio tep bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
5 Ange utopu, erdi akeca-keca yuma ila kael kemrura deiki di, im cap, im alau tara mutu kure keca yala-yala yuma capda, er dipapu ketekepra deipu.
Allah Yahwehdi, nun Israel nesala tep, “Pio tupa-tupa bicau tenesenedi, melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
6 Tonda, er dipapu, tuai mutu ban-ban yuma ketekepra deipudi, ange yuma dopra, ila laut mokon kwamngai deiki tara deipupa, acapu tupa akurure.
Allah Yahwehdi, nun Israel nesala tep, “Pio tupa-tupa bicau tenesenedi, melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
7 Ange utopu, Allahdi im neitamai cap, im alau tara cap, ila dirine kwamre keca yuma capda, er dipapu ketekepra deipke.
Allah Yahwehdi, nun Israel nesala tep, “Pio tupa-tupa bicau tenesenedi, melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
8 Ada, ‘Ketengda, keteng komuni taru neitamai yumada, deiyo kepra dirine weik karenkamre’ tenepudi, keteng ketekepra deipu.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Atep, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
9 Ange utopu, er dipapu, ‘Lukunda taru deiyo kepra, dirine karenkamre’ tenen, amenda taruda, war deipudi, tonda kuru cap ikra deipudi, ketekepra deipu.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
10 Tonda, pumun taru sun Mesir mutu neitamai yuma kurami nesala, sun menmena deiami sal nyapu yumada, Allah er dipapu anyapu yuma popra gawal daku. Ukupka deiki di, sun Mesir mutu nesala tep, ila kange mun keca talepra kurami.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
11 Mesir mutu nesala, sun menmena di deiami sal nyapu yuma konum popu dingeda, er nyapu sisa, sun Israel yala nesala loptapra dopropudi, Mesir mutu neitamai di, dubenamu.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
12 Ada, er puto buru cap, er ila puto weik kurya deiki di, sun Israel yala nesala dopra, Mesir mutu neitamai di lyepra dubenamu.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
13 Tonda, Israel nesala, ila laut mokon, er si Laut Teberau damai yai taruda, Allah Yahwehdi, ‘Atara di, alaut mokon gopra, ortara mutu dabenkameng’ tenen, laut mokon bokrapupa, amokon neitamai di bokra dana-dana tara tekroupupa, Israel nesaladi kalkal tu deiki yanipra, ortara gopra embarami.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
14 Laut mokon bokra tekropu pangeda, er nyapu sisa, sun Israel yala nesala yuma, kalkal tu deiki aneitam bisi dubeupa, sunda ortara gopra beidi, yuk mutu neitamai embarami.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
15 Sun Israel nengda, telep kupra bisi embanmai dinin, Mesir mutu ila nimi deiyo ngebo, er si Firaun cap, er tara jen talena neng yuma capda, Allahdi aila laut mokon dopra, sun nong deiki deipu pangeda, sun yuma poptapra gawal daku.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
16 Tonda, Allahdi er nyapu sisa Israel nesala tep, ‘Abisi benkurume, acapu keana kunkamrume,’ peramnga deiki di, nimi pio gum kurami mutu neitamai di, mepra benamupa, sun Israel nesala yumada, er amnyo tara yakarami.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
17 Tonda, Kanaan tara mutu neitamai embarami taruda, Allahdi sun pona tep nesala yala-yala yuma tep, Kanaan mutu neitamai yuma, nimi deiyo kepra talerami deiyo neng, sun puto weik kurami Raja-Raja neng yumada, Allah dipapu aRaja neng yuma popra gawal daku.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
18 Teka, Allah er dipapu, amutu-amutu kurami ila nimi deiyo neng, sun Raja-Raja neng yuma ton, weik tara di poptapupa, deami.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
19 AKanaan tara Raja-Raja neng kan-kan neitamaida, sun Amori yala nesala taleramu ngebo, er si Sihon cap, poptapupa depu.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
20 Tonda, Bashan mutu taleramu Raja ngebo, er si Og cap poptapupa depu.
Allah Yahwehdi, nun Israel nesala tep, “Pio tep bicau tenesenedi, tupa-tupa melimkamsene. Pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal dona tep, ‘Naio nundi kan tep pio telepe pepkepe,’ penkamepe.
21 AKanaan tara Raja-Raja neng konum popropu dingeda, sun talerami mutu tu yuma dopra, bokrapudi, er nyapu sisa Israel nesala tep, karepu.
Allah Yahwehdi, nun Israel nesala tep, “Pio tep bicau tenesenedi, tupa-tupa melimkamsene. Pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal dona tep, ‘Naio nundi kan tep pio telepe pepkepe,’ penkamepe.
22 Ada, er amutara kurami nesala, sun Israel yala nesala tep, amutu tu yuma bokra karepupa, dopropidi amutu neitamai kurami.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
23 Pio tek sisi pepsene. Allah er dipapu, nun Israel nesala ikin weik kuramupu taruda, er dipapu tupa teneramseudi, melimamseu.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
24 Allahdi nun tep teneramseudi, ‘Uo, ne nyapu sisa, sun pona tep kunge nesala yala-yala yumada, ne nyapu Israel nesala popnung’ tenen, aneng poprapudi, nun tep lyepromseu.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
25 Allahdi nimi tuai mutu ban-ban yuma neitamai kunup nesala yuma cap, yuk gam kure keca yala-yala yuma cap tep, nun putapsere jen keca dopra, er dipapu kareserure.
Allah Yahwehdi, nun Israel nesala tep, “Pio tep tumi-tumi yumada, bicau tenesenedi, tupa-tupa melimkamsene. Tonda, pio teleppu kupra derinkamsene,” pepra, pedina upu deiki di peipseua tep, angeda pio men tapkamsere.
Ayuma tep nengeda, nun yumadi er tepapu gispal donkamepa tep, ‘Naio nundi kan tep pio telepe pepkepe,’ penkamepe.
26 Ange tep nengeda, nun nai bo Allahda, im deiki alau tara kure deiyo ngebo tep, ‘Nun nai Allah telepe,’ pepra, er si eremkamrume.
Nun nai Allah Yahwehdi, “Ukunkamsene, ukupra telep kweipkamsene,” pepra, pedina upu deiki di deipseu upu yumada, pio men tamkamserure. Erdi, “Ukupra melimkamsene,” pepra deiamseu upu yumada, tamna pio gum dipapu, tek sisi pio tep, tupa-tupa karenkamserure. Erdi pedina upu deiki di peserur upuda, men gum kupmanto kurure.
Ayuma tep nengeda, nun yumadi er tepapu gispal dona tep, ‘Naio nundi kan tep pio telepe pepkepe,’ penkamepe.