Psa 137 | XteSC | STEP | Uda, nun Israel nesala yumada, Babel mutu dubenamseipa, amutu neitamai kuramepu taruda, amutu embaramu me pirmanai bukmandi, Sion mutu tep tenipetepne dingeda, pio weika di engenapu kuramepu. Ada, menop taru, nun mutu sisa, Yerusalem mutu tep tupa tenenapu kuramepudi, engeramepu.

Psalms 137

Babel mutu dubenami Israel yala nesaladi, me pirman kurami taru engepidi pepi upu

1 Uda, nun Israel nesala yumada, Babel mutu dubenamseipa, amutu neitamai kuramepu taruda, amutu embaramu me pirmanai bukmandi, Sion mutu tep tenipetepne dingeda, pio weika di engenapu kuramepu.
Ada, menop taru, nun mutu sisa, Yerusalem ^{▼▼Yerusalem – Yuk Allah upu buku neitamaida, mutu si Sion sekami. Amutuda si butene, Yerusalem cap, Sion cap perami dinino, amutuda tenpu mutu pua.} mutu tep tupa tenenapu kuramepudi, engeramepu.
2 Amutu neitamai paramu co er si gandarusa co tekamo. Aco palpal neitamai bukmepu taruda, upu pen keca er sida kecapi, ‘Kange lon mut ton men penkamepe’ tenen, nun kecapi dopra, aco deiki gerengkotemamepu.
3 Nun mut pen keca, er sida kecapi gerengkotemamya deiyoda, ake. Ada, Babel mutu neitamai kunmapu taruda, sun yu nengdi nun tep, “Mut pemumpa gekenkusepe,” pepra nyek-nyek penmai.
Ada, “Sun pumun taru Sion mutu kuramrumdi peramrum mutpu pemumdi, kange telep kudinkamserume,” pepra dimamseidi, upu puto di pepsei dinin, mut men pepmanto kunmapu.
Ada menop taru nun mutu yana popbisipseidi, ateng koupra dubenamseidi, ikin pel dimamsei nengdi, ‘Mut penmangepa gekepmepedi, autunkamepe’ tenen, yu deiki di penmasei. “Kange deipdankamepa tep, mut perume,” penmasei.
4 Dinino, nunda ‘Gume, pio kange mun kange doupra kunmapa cadi, ware kupra Sion mutu tepapu teneptepedi, kange deipra telep kudin mut peptepe do?’ tenenmapudi mut men penmapu.
Nun Babel mutu neitamai kuramepu taru, ‘Amutu neitamaida, nun nimi bo neng utopu kupra kunmapa tep, Allah tep kange deipra pen mut peptepe do, gume,’ tenenmapudi mut men penmapu.
5 Ataruda, kange lon mut men peramepu dinin, utenenmapu. ‘Gume, menop taru kuramepu mutu, Yerusalem mutu tep men luprotepe. Yerusalem mutu tep lupronkamtepe teptoda, nun dumsisi puto buruda meiyal sepsetupa, pel men dopmanto kutepe,’ teneramepu.
6 Ange utopu, Yerusalem mutu tep lupronkamtepe teptoda, nun lyemu deiki boun kemna peda dakwapkamre. Nun lyemu boun kuptupa, upu men pepmanto kuptepe. Ada, ‘Nundi Yerusalem mutu tep, pio tupa men tenepmepyopda, ikin weik kupsetue,’ tenena tep pepmepe.
Tonda, nun kupe keca yuma tep, yambula di kange deiptepe dinin, Yerusalem mutupuda, ila mambul weik kurura cadi, Yerusalem mutu tep nengeda, ila di kange derinupe. Yerusalem mutu tep pio dabal pio men kunkamsere. Nun yumada kange deipra kunkamepe.
7 Teka, nun nai Allah, kandi Edom mutu kurami nesala sun mali kurami keca tep, lumdongona gume. Pio tenenkamrume. Sun Edom mutu nesaladi, pio mali kurami ngeda, men lupronkamrume.
Ada, sun Edom yala nesaladi, Yerusalem mutu neitamai dopra kuramupu ati, uku dongopkoi taru, mali penmai ngeda ake. “Akati yuma tamna gume. Ati-ati yuma dakra tapkurume.
Dakbanmarumnyane, ange yuma peda tamna gume, sirya gawal daktapkamrume,” peiami. “Akati-akati yumada dakra uruptapmepepa, gel pala deiki deipi ngeda, katuai kupkamre. Akati yuma dakra uruptapmepepa, walangyopu kunkamre,” perami.
Upepipa, ati diya deipra domepunge yuma dakra uruptapi. Ukupya tep, angeda Allah kandi pio men lupronkamrume. Nun nai Allah kanda akupinge tep, ila di wenemkamrume.
8 Uo, sun Babel mutu neitamai kumum nesala yuma, Allahdi go kareprepa, sun tep wenepra popkamseng nesalada, ila di kange derinkamenge.
Sun Babel mutu nesaladi, nun Israel nesala tep, mali weik kudisemumnya deiki di, kange mun keca pio weik kunmasera cadi, sun Babel mutu nesala wenemna tep kwang dakamseng nesalada, ila di kange derinkamenge.
Ada, ‘Nun Israel yala nesala yuma tep mali kudisemumnya kunumna tep, tamupra popkamsenge.’ Ange tep, ange tenepra kunkamrume.
9 Tonda, tenepkamrume. Ukupu deriramrum melo nyapu yumada, yuk mutu nesaladi, sun kori yana popbisipsengedi, nimidi sun metek nyapu dopra, ila gel dupai doupra donokmenga deiki di popkamenge.
Sun anyapu poptapkameng neng dipu, ‘Walito kupmepe’ tenen, ila kange deipra kunkamenge. Ange yumada, nun Israel nesaladi tenenupe.