Psa 15 | XteSC | STEP | Ne nai Allah Yahweh, nesalada ware kuramtenga deiki di, kan kundam yatenge do? Tonda, kan kunai pio telep mutu dup, Yerusalem mutuda, wareto nesala yana kutenge do?

Psalms 15

“Allah kan damai yakanada, wareto ngebo yatu do?” pepra, Daud mut deiki di pepu upu

1 Ne nai Allah Yahweh, nesalada ware kuramtenga deiki di, kan kundam yatenge do? Tonda, kan kunai pio telep mutu dup, Yerusalem mutuda, wareto nesala yana kutenge do? 2 Kan damai yanmanto ngeboda, mali kun keca men kuredi, telep dumsisipu kure ngebo, tonda tek sisi upupu pepra kurur ngeboda, kan kundam yana kutue.
3 Angeboda, er lyemu deiki di mali upu men pepembarur ngebo. Tonda deiyo men kwapmarepapu, er kayapu yuk neng tep, ‘Sun mali kununge,’ pepra, yu men perur ngebo. Ton ngeda, ‘Ne kayapu tep mali kweipkune,’ men teneredi, er kayapu neng tep, minina upu pio men perur ngeboda, Allah kan kundam yatue.
4 ‘Allahdi tapserur’ tenen, bouna di kunung nesalada, Allah tep teka tenepra kunung neng tep, “Telepe,” pepra, gispal dore ngeboda, Allah kundam yatue. Tonda angebodi, ‘Ne keca etetepnun,’ men tenerur dinin, peiamretopu kurure. Tonda, angebodi, sun mali-mali weik kunge nesalada, ‘Ne song’ tenen, tonpa men kununge.
5 Ukuredi, co bo yuk neng tep karepredi, ‘Sundi co bo ton tapakra karepkamneng,’ men tenerur ngeboda, Allah kundam yatue. Tonda, mali men kupmange neng tep, ‘Angebo poipkamnere’ tenen, bul karen keca cap, co bo cap karepmengepa, men dororur ngeboda, Allah kundam yatue.
Atelep pel donge nesalada, pio dimpepra teleppu kunkamenge.