Psa 41 | XteSC | STEP | Raja Dauddi aMazmur upu mut seku. Ada, Allah upu mut pena deiyo ngebo karena tep seku.

Psalms 41

Raja Daudda, ‘Allahdi kwetepkamner’ tenen, moropu upu

1 Raja Dauddi aMazmur upu mut seku. Ada, Allah upu mut pena deiyo ngebo karena tep seku.
2 Akeca-keca talena gum di, pio kan-kan nesala tep, bicau tenepmengedi, melimnung nesalada, pio teleppu kungedi, kange deipra kunkamenge.
Tali kan-kan nesala tep, bicau tenepra melimnung nesalada, sun peda ikin kupre taruda, nun nai bo Allah Yahwehdi, anesala tep melipra lyepkamre ja!
3 Tali kan-kan nesala tep, bicau tenenung nesalada, Allah Yahwehdi, sun tep moupra kalengrura cadi, amutu neitamai di tupa gam kununge.
Tonda, amutu neitamai yuk-yuk dakunge nesala yala-yala yumadi, kan-kan nesala tep melimnung neng epmengopda, ‘E, sunda tek sisi kange derinung nesala kununge,’ pepra gispal donunge.
Tonda, kan Allahdi, kan-kan nesala tep melimnung nenge tep, pio moupra kalengruma cadi, sun aneng tep, ‘Popkup’ tenenge nengdi, anesala men popmanto kununge.
4 Angepu gum dinin, kan-kan nesala tep bicau tenenung nesalada, kange mun pu jere taruda, Allah Yahwehdi, anesala moupra melimredi, sun tep puto tupa karerure.
Ukupmum dingeda, sun pu kwetepmem pangeda, sun kange di ton cap tamupra teleppu kunkamenge.
5 Ne Raja Daud dingeda, Allah kan tep, ‘Uo, ne nai bo Allah Yahweh, kan kange dipapu bicau tenepnetumdi, telep kweipkamnerume,’ pepra moropsi.
Tonda, “Tek sisi, nedi kan tep, mali kupsi dinin, ‘Kandi kwetepnememdi, lyepkamnerem’ tenen, moropkene,” pepsi.
6 Ne podan neng, sun dipruai di, ne tep, ‘Angebo nun pio songe. Erda ikin weik dakuptue,’ tenepra, mali upu penenunge.
Tonda, sundi ne tep, ‘E, angeboda, dan taru deptupa, yuk neng yumadi er si ton cap pio men tenenkamenge?’ tenenenunge.
7 Tonda, pu jenere taruda, sundi ne uruna tep, ne damai yakanung dinin, ‘Er kange deipsetu’ tenen, gekena telep upu penung dinino, aupu yumada tek sisi tali upu dipapu, pertamnenunge. Sun kange dipru neitamaida, ange utopu men tenenunge.
Ataru neitamai yumada, sun kange dipru neitamai di, ‘Angebo tep, wareto ikin keca dopra, er nong deiki deiptepepa, kange mun kuptue,’ tenenapu kununge.
Ukupra tenepmengedi, sun yukai embanung taruda, yuk neng gekena tep, amali upu yuma lap perbanunge.
8 Ware neng do yuma, sundi ne tep, ‘Angeboda, nun pio songe,’ tenenenung nengdi, ne tep, mali upu pepra mur-mur pena upu deiki di penenunge.
Sun dingeda, ‘E, pio ila kange mun keca er damai yatupa, adipapu dadeptue,’ tenenenunge.
9 Ne podan nengdi, ‘E, angeboda, tek sisi ila kange mun keca er deiki konum yana talepka tep, tek sisi er adipapu depkamre ja!’ tenenenunge.
‘Er pu jenmarepa, damapmareyaipu kupmarepanen, amenda taru kange di tamupra bukroredi, teleppu kupredi, pio men kunkamrure,’ tenenenunge.
10 Ato upu tenepra penerur ngeboda, tali ngebo gume. Men taruda, ne cap, er cap kange deipdanamnumudi, ‘Erda ne kap sisa,’ tenen, teka tenepdanamnumu.
Tonda, angebo cap, ne cap kange deipdanamnumudi, ne keteneipsi jen kecada, kikiman jeramnumu dinino, ukutaruda, erdi ne tep, ‘Angebo popkun’ teneneredi warengmanere.
11 Dinino, ne nai bo Allah Yahweh, kanda ila di bicau tenepnetumdi, ne pu jenerur keca gum kupra deipnememdi, kwetepnetumopda, adeiki kange di ton cap bukronedi, ne tep, ‘Poptepe,’ tenepnenge nengdi mali kweipnei ngeda, kwang dangkamne.
12 Uo ne nai Allah, kandi ne tep kange deipnememdi, telep kudinerum ngeda, ne kaele.
Ada, kandi kalekra melimneruma deiki, ne tep, ‘Poptepe,’ tenepnenge nengdi, ne tep kapul men popra sikke buktapneiya cadi, ange deiki di kael kepne.
13 Ada, nedi ton, mali kuna gum dipapu, dumsisipu kununa cadi, ukununa deiki di, kandi ne tep melipra kalengnerume.
Ukuneruma tep nengeda, ne dopra kan damaipu deipnemempa, kan cap kikiman pio kunkamneme.
14 Ange tep nengda, nun yumadi, Allah Yahweh tep, ‘Uo, naio, kanda pio-pio telep kurume. Nun Israel yala nesala yumadi kan tepapu, kan si pio eremkamkepe.
Atep, ataru di dipra, dorkunkamser taru neitamai yumada, kan si tepapu pio eremkamkepe. ‘Angeda tek sisi ukupkamtepe’ tenen, “Amin, Amin” pepkene naio.